Asomafoɛ 2:11 - AHYERƐLƐ KRONGRON

¹¹ Yudafoɛ ne Amaenmaensofoɛ bɔ baaboka Yudasom so ɔ, ebiemɔ koso befi Krete ne Arabia, nakoso yɛ mukoraa yɛte kyɛ bɛ́fa yɛ bɔbɔ yɛ dwudwolɛ bɛka Nyameɛ anwanwadwuma bɔ wayɔ ɔ!”

Asomafoɛ 2:11 Iomraidhean Croise

1 Ahemvo 10:15

asora bɔ né benya befi dwadifoɛ nemɔ, bɛbɔ bɛkɔ atee so nemɔ, Arabia ahemvo amukoraa ɔne maen ne anu amrado nemɔ berɛ ɔ.

2 Aberɛso Dwirɛ 17:11

Filistifoɛ nemɔ bie fale akyɛdeɛ bɛbrɛle Yehosafate, yeɛ bɛfale ɛdwetɛ koso betuale ndɔ bɛmane ye. Na Arabofoɛ koso bɛfale mmoaen nyii apee nzoo ɛyaa nzoo, yeɛ mbɔngye nyii apee nzoo ɛyaa nzoo bɛbrɛle ye.

2 Aberɛso Dwirɛ 26:7

Nyameɛ gyinane ye si maa olili Filistifoɛ ne Arabofoɛ bɔ bɛtete Gurubal ne aso ngonim, yeɛ olili Meyunitefoɛ koso so ngonim.

YOB NWOMAA NE 9:10

Ye bɔ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ bɔ ɛka a ennwu ye noa ɔ.

Edwein 107:15

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 107:21

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 107:8

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 111:4

Wamaa bɛkaye ye anwanwadeɛ nnwumaa nemɔ; AWURADE do mmenia, na ɔse anwumvoin.

Edwein 136:4

Ye bɔ ye ngome yeɛ ɔyɔ anwanwadeɛ mbiri mbiri ne, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 26:7

metea nu meto asennaa dwein, na mebɔ w’anwanwadeɛ amukoraa nwo dawure.

Edwein 40:5

Ao AWURADE me Nyameɛ, w’anwanwadeɛ bɔ ayɔ ne, ɔne adwene bɔ ele ye ma yɛ ne, bɛsone paa; ebiala ngɔhora ngɔfa ye nwo ngɔtoto wɔ nwo. Sɛ mekã kyɛ meka ná mebɔ ye nwo dawure a, ɔsone bɔ mengɔhora ye ka ɔ.

Edwein 71:17

Ao Nyameɛ, ofi me mmerandeɛ nu yeɛ ahyirehyire me ɔ, na mekɔ so mebɔ w’anwanwadeɛ nwo dawure.

Edwein 77:11

Ngɔkaye AWURADE nnwumaa bɔ ɔyɔ ne; amba, ngɔkaye wɔ daa tete anwanwadeɛ nemɔ.

Edwein 78:4

Yɛngɔfa yɛngɔfea bɛ mma mɔ, na mmom aworɛ ndoatoasoɛ bɔ ɔba ye, yɛkɔhã yɛkohyire bɛ: AWURADE animnyam nnwumaa ne ye tumi, ɔne anwanwadeɛ mɔ bɔ wayɔ ɔ.

Edwein 89:5

Ao AWURADE, nyameɛso kɔkamvo w’anwanwadeɛ, bɛkamvo wɔ nahorɛlilɛ wɔ krongronfoɛ badwa nu.

Edwein 96:3

Ɛ́mɔbɔ ye animnyam nwo dawure wɔ maen maen mɔ so; ɛ́mɔbɔ ye anwanwadeɛ nwo dawure wɔ maen maen amukoraa so.

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Yesaya 13:20

Sona biala ngɔtena nu le, yeɛ ebiala ngɔtena nu wɔ aworɛ ndoatoasoɛ mukoraa nu. Arabofoɛ tutenafoɛ ne, bɛ nu biala ngosi ɛtena sua wɔ berɛ, yeɛ mmoaenneafoɛ biala ngɔma ye mmoaen ngɔla berɛ.

Yesaya 21:13

Arabia nwo nyekyire ɛhe: O Dedanimfoɛ bɔ bɛtete mbɔngɔ so betu atee ɔ, Arabia ɛhɔayeɛ nu yeɛ ɛmɔkosikye kɔngɔen ɔ.

Yesaya 25:1

O AWURADE, wɔ yeɛ ɛte me Nyameɛ ɔ, ngɔkamvo wɔ, ngɔye wɔ dumaa ayɛ, ofikyɛ ayɔ anwanwadeɛ nningyein, ofi tetetetetete yeɛ ɛyɔle sɔ nhyehyɛleɛ ne ɔ, na ali so nahorɛ nu.

Yesaya 28:29

Ɛhe koso ofi Asafo AWURADE berɛ, ye foɛtulɛ te nikyee bɔ ɔyɛ nwanwa, na ye nworɛ ne te piri paa.

Yeremia 25:24

Arabia ahemvo amukoraa, amanvrafoɛ bɔ bɛtete ɛserɛ so ɔ, b’ahemvo amukoraa;

Yeremia 3:2

To wɔ nye nea mmokaa pralaa nemɔ aso! Nisua yeɛ bɛ ne wɔ ammɔ adwaman ɔ? Ɛte atee mɔ noa yeɛ ɛnwondɛ wɔ kurofoɛ mɔ, kyɛ Araboniɛ bɔ ɔwɔ ɛserɛ so ɔ. Afa w’adwaman ne wɔ bɔne yɔleɛ agua aseɛ ne anwo fiɛ.

Asomafoɛ 2:10

Frigyea ne Pamfilia, Misraim ne Libia aseɛ bɔ opingye Kirene. Yɛ nu biemɔ koso fi Rome,

Asomafoɛ 2:12

Bɛ mukoraa bɛ nwo dwirili bɛ, na b’adwene yɛle bɛ naa; na bebisabisale bɛ nwo kyɛ, “Na ɛhe bo kyire sɛɛ?”

Asomafoɛ 27:12

Né ɛlɛen agyinaleɛ berɛ ɔtte mayee bɔ bedi prakasua mmerɛ ne berɛ a ɔyɛ yé ɔ, yiti mmeni soma yɛle kyɛ bɛkɔtoa ateetulɛ ne aso, na sɛ ɔkɔyɛ yee po a, baadwu Fonike na bali prakasua mmerɛ ne berɛ. Fonike te ɛlɛen agyinaleɛ wɔ Krete, na ɔla sorɔ ne eyia atɔleɛ, ɔne ngwaen ne eyia atɔleɛ b’afia.

Asomafoɛ 27:13

Mvrama bɛtɛɛ bie hyɛle ye bo bɔ fili ngwaen na benyane adwene kyɛ bɛ nzusuleɛ ne kɔhɔ so kama. Yiti betuli sɛkyɛ ne, na yɛfale Krete ɛpo ne noa pɛɛ.

Asomafoɛ 27:7

Né ɛlɛen ne ngora kɔ paa biala, yiti yɛlili ngyẽa pee wɔ nzue so; na yɛfɛle paa koraa yeɛ yɛpingye Kinido ɔ. Mvrama ne amma yangɔ yɛ nyunu moa ko; yiti yɛɛfale supɔ Krete aseɛnwo dɔ nekaa bie bɔ né mvrama ndu nyia yɛ ɔ, na yɛtrale Salmone mboanoa.

1 Korintofoɛ 12:10

Sunzum ne ma sona ko anwanwadeɛyɔlɛ tumi, né wama sona foforɛ koso ngɔmhyɛlɛ tumi. Ɔma ebie anyeɛ bɔ ɔfa nwu sunzum ahoroɔ nu nzonzoleɛ ɔ; ɔma ebie edwudwolɛ ahoroɔ tumi, né wama ebie koso tumi bɔ ɔfa kyire edwudwolɛ ahoroɔ bo ɔ.

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

Galatiafoɛ 1:17

Yeɛ mangɔ asomafoɛ bɔ belili me nyunu moa ne berɛ wɔ Yerusalem, na mmom ngɔle Arabia, na nziɛ ye nza male Damasko bieku.

Galatiafoɛ 4:25

Hagar gyi berɛ ma Sinai bokaa ne bɔ ɔwɔ Arabia, na osa gyi berɛ ma ɛnɛ Yerusalem, ofikyɛ Yerusalem ne ye mma wɔ ngoaasolɛ nu.

Tito 1:12

Bɛ bɔbɔ bɛ nu sona ko, bɔ ɔte bɛ bɔbɔ bɛ ngɔmhyɛlɛniɛ ɔ, ɔhane kyɛ, “Kretefoɛ bɛte ngondombofoɛ daa biala, ngaka amumuyɛɛfoɛ, ɛfoen mmenia bɔ bɛte adifuu ɔ.”

Tito 1:5

Na ɛhe ati yeɛ nyakyili wɔ wɔ Krete ɔ, kyɛ ɛ́nea toto nningyein bɔ waha ne pɛpɛɛpɛ, ná ɛyeye mbanyi mɔ wɔ kuro biala so, kyɛbɔ ngane kyɛ ɛyɔ ne:

Hebrifoɛ 2:4

Na Nyameɛ koso yɔle nzɛngyerɛnneɛ ne anwanwadeɛ ne tumi nnwumaa ahoroɔ, na ɔmane Sunzum Krongron akyɛdeɛ ne, kyɛbɔ ye apɛdeɛ si te ɔ fa lili edwirɛ ne nwo adanzeɛ.