Asomafoɛ 2:10 - AHYERƐLƐ KRONGRON

¹⁰ Frigyea ne Pamfilia, Misraim ne Libia aseɛ bɔ opingye Kirene. Yɛ nu biemɔ koso fi Rome,

Asomafoɛ 2:10 Iomraidhean Croise

Gyenesise 12:10

Afei ɛhɔen piri bie wale aseɛ ne aso. Na ɔnate kyɛ ɛhɔen ne te piri ne ati, Abram hɔle Misraim ɔɔtenane berɛ yɛle wɔfoɛ.

Ɛseta 8:17

Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

Yeremia 46:9

Mbɔngɔ, ɛ́mɔdwɔso! Ao teaseɛnam mɔ, ɛ́mɔkekã ɛmɔ anwo! Koɛhonɛfoɛ, ɛmɔhɔ ɛmɔ nyunu: Yitiopiafoɛ ne Libiafoɛ bɔ ɛmɔtira akokyɛm ɔ, Lidiafoɛ bɔ ɛmɔse agyaen to paa ɔ.

Yeremia 9:26

Misraim, Yuda, Edom, Amonfoɛ yeɛ Moabo ne bɛ bɔ bɛte ɛserɛ so amukoraa bɔ bepiapia bɛ ti angyɛnu ɔ. Ofikyɛ sɔ maen nemɔ amukoraa bɛmbɛ bɛ bienzua, na Yisrael awuro ama amukoraa, b’ahone nu de, bɛmbɛ bɛ bienzua.”

Hesekiel 30:5

“Yitiopia, Libia, Lude ne Arabia amukoraa ne Kubo, yeɛ aseɛ bɔ bɛ ne bɛ bayɛ apam ne aso ama, bɛ ne bɛ kɔtotɔ ngrandɛ noa.

Daniel 11:43

Ɔkɔsesa sikaa kɔkorɛ ne ɛdwetɛ mbembenanneɛ ne Misraim mbembenanneɛ amukoraa, na Libiafoɛ ne Yitiopiafoɛ bekoowura ye bo.

Hosea 11:1

Yisrael te akwadaa nen, né mekuro ye dwirɛ, na Misraim yeɛ mvrɛle mma bienzua ne mvili ɔ.

Sakaria 8:20

“Asafo AWURADE nwa nyoo: Okosa kosi bieku kyɛ, maen maen nemɔ bɛ nguro pee nufoɛ kɔwa;

Sakaria 8:23

Asafo AWURADE nwa nyoo: sɔ mmerɛ ne, edwudwolɛ biala nu mmenia buru bɔ befi maen maen mɔ nu ɔ bɛkɔsosɔ Yudaniɛ ko ataadeɛ noa, na bekose kyɛ, ‘Yɛne ɛmɔ kɔhɔ, ofikyɛ yate kyɛ Nyameɛ gyi ɛmɔ si.’ ”

Mateo 2:15

Ɔtenane dɔ maa oodwuli kyɛ ɛhene Herode wuli ɔ. Na ɛhe mane bɔ Awurade nate ngɔmhyɛlɛniɛ ne so hane ne wale nu kyɛ, “Mafrɛ mma bienzua mafi Misraim.”

Mateo 23:15

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔkyini ɛpo ne aseɛ so kyɛbɔ ɛmɔkonya sona ko maa ɔkɔɔboka ɛmɔ fekue ne aso ɔ, na sɛ ɛmɔnya ye a, ɛmɔmaa ɔyɛ amaneɛnwunɛ kuroniɛ mmɔhoɛ nyɔ tra ɛmɔ bɔbɔ.

Mateo 27:32

Na befili berɛ bɔ bɛkɔ nen, beyiale Kireneniɛ bie bɔ bɛfrɛ ye Simɔn; na bɛhyɛle ye maa ɔsoale Yesu mmeamudua ne.

Marko 15:21

Na bɛhyɛle Kireneniɛ Simɔn bɔ ɔte Aleksandro ne Rufu bɛ baba, bɔ né ofi namue nu ɔbaapɛ nu ɔ, maa ɔsoale Yesu mmeamudua ne.

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

Asomafoɛ 13:13

Pɔɔlo ne ye mmango nemɔ bɛfale ɛlɛen befili Pafɔso bɛwale Pɛɛga wɔ Pamfilia, na Yohane yakyili bɛ berɛ sa hɔle Yerusalem.

Asomafoɛ 13:43

Na mmenia bɔ bɛwɔ nyianu sua ne anu ne, bɛpɔnone ná bɛpakyepakyele nu ne, Yudafoɛ pee ne Amaenmaensofoɛ pee bɔ basɔ Yudasom nu ɔ belili Pɔɔlo ne Banaba si; na asuafoɛ nyɔ ne tuli bɛ foɛ kyɛ bɛhɔ so bɛfa bɛ nwo bɛto Nyameɛ adom ne aso.

Asomafoɛ 14:24

Afei bɛɛpɛle nu Pisidia bɛwale Pamfilia.

Asomafoɛ 15:38

nakoso Pɔɔlo susuli kyɛ ye nwo nhia kyɛ bɛkɔfa ye bɛkɔhɔ bie ɔ, ɔnate kyɛ ɔyakyili bɛ nu wɔ Pamfilia; na ɔne bɛ angɔanyɔ asɛmbatrɛ adwuma ne.

Asomafoɛ 16:6

Bɛpɛle nu Frigyea ne Galatia aseɛ so, ofikyɛ Sunzum Krongron ne amma bɛ ate ma banga nzɛmba ne wɔ Asia mbɔtam.

Asomafoɛ 17:21

Ɔnate kyɛ, Atensefoɛ ne ɛwɔfoɛ mɔ bɔ baatena berɛ ne amukoraa, né bɛmbena nikye fee bɛnyɔ te kyɛ edwirɛ foforɛ bɔ bekonya bekotie anaakyɛ bɔ bɛkɔhã ɔ.

Asomafoɛ 18:2

Na onwuni Yudaniɛ bie bɔ oli Akwila bɔ bɛwole ye Ponto ɔ. Né ɔne ɔye Prisila befili Yitalia bɛwale berɛ ɔ ɔhhyɛle biala, ofikyɛ né Klɔdio ahyɛ mmeraa kyɛ Yudafoɛ amukoraa bétu befi Rome bɛhɔ. Pɔɔlo hɔle bɛ berɛ,

Asomafoɛ 18:23

Ɔhyɛle berɛ kãa, na afei ofili berɛ oohyinini Galatia ne Frigyea mbɔtam hyɛle asuafoɛ nemɔ amukoraa nguraen.

Asomafoɛ 2:11

Yudafoɛ ne Amaenmaensofoɛ bɔ baaboka Yudasom so ɔ, ebiemɔ koso befi Krete ne Arabia, nakoso yɛ mukoraa yɛte kyɛ bɛ́fa yɛ bɔbɔ yɛ dwudwolɛ bɛka Nyameɛ anwanwadwuma bɔ wayɔ ɔ!”

Asomafoɛ 23:11

Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”

Asomafoɛ 27:5

Yɛfale Kilikia ne Pamfilia manzini nu ɛpo so yɛwale Lisia manzini nu kuro bɔ bɛfrɛ ye Mira so.

Asomafoɛ 28:15

Rome agyidifoɛ tele yɛ nga nen, bɛwale tonn beeyiale yɛ wɔ Apeɔse dwaanu ɔne nekaa bie bɔ bɛfrɛ ye Ɛwɔfoɛ Sua Nza nu. Na Pɔɔlo nwuni bɛ ne, ɔlale Nyameɛ ase, na ɔmaa ye ahone tɔle ye kunu.

Asomafoɛ 6:5

Asomafoɛ nemɔ nzusuleɛ ne yɛle agyidifoɛ ne amu fɛ, yiti bɛyele Setefano bɔ gyidie ne Sunzum Krongron ayi ye tɛkyɛ, Filipo, Prokoro, Nikanɔ, Timon, Pamena yeɛ Amaenmaensoniɛ Nikolao bɔ ofi Antiokia ná koso wasɔ Yudasom nu ɔ.

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

Romanfoɛ 1:15

Ɛhe ati yeɛ mepere kyɛ ngɔhã nzɛmba ne ngohyire ɛmɔ bɔ ɛmɔwɔ Rome ne koso ɔ.

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

2 Timoteo 1:17

Ɔwale Rome nen, ɔpenane me dee fɛle koraa yeɛ onwu me ɔ.

Nyekyire 11:8

Na bɛ fuin nemɔ kɔlela kuro piri ne dwaaso, kuro bɔ sunzum nu bɛfrɛ ye Sodom ne Misraim ne, nekaa bɔ bɛbɔle b’Awurade koso mmeamudua nu ne.