Asomafoɛ 19:3 - AHYERƐLƐ KRONGRON

³ Na Pɔɔlo bisale bɛ kyɛ, “Nzaade né nzikyɛ asubɔlɛ yeɛ bɛfa bɛbɔle ɛmɔ ɔ?” Na bebuale kyɛ, “Yohane asubɔlɛ ne.”

Asomafoɛ 19:3 Iomraidhean Croise

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Luka 7:29

(Na mmenia amukoraa bɔ bɛtele sɔ dwirɛ nen, bɛ ne ɛtoɔdidelɛfoɛ belele Nyameɛ bɛtole nu kyɛ ye dwirɛ te nahorɛ, na bɛmaa bɛbɔle bɛ Yohane asubɔlɛ ne bie.

Asomafoɛ 18:25

Bɛfale Awurade Atee so yeɛ behyirele ye nikye ɔ, na ɔnate kyɛ ɔyɛ se wɔ sunzum nu ne ati, odwudwole, na ohyirehyirele Yesu nwo dwirɛ turoloo; ɔwɔ nu kyɛ né Yohane asubɔlɛ ne angome yeɛ ɔse ɔ.

Asomafoɛ 8:16

Ɔnate kyɛ né babɔ bɛ asu wɔ Awurade Yesu dumaa nu de, nakoso né Sunzum Krongron ne nnya ɔwwale bɛ so.

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

Hebrifoɛ 6:2

asubɔlɛ ahoroɔ nwo ngyerɛkyerɛ, asaa bɔ bɛfa begua sona so, awufoɛ ewutingyelɛ ne ndɛenbualɛ bɔ olle ayieleɛ ne.