Asomafoɛ 19:26 - AHYERƐLƐ KRONGRON

²⁶ Na ɛmɔnwu ye, yeɛ ɛmɔte kyɛ sɔ Pɔɔlo ne nwa, nyameɛ mɔ bɔ kuro sona afa ye sa wayɔ ne de bɛtte nyameɛ mɔ koraa; na watu mmeni pee foɛ wasesã b’adwene: nna Ɛfeso wa angome ɔ, na mmom Asia mbɔtam amukoraa.

Asomafoɛ 19:26 Iomraidhean Croise

Yeremia 10:11

Yiti ɛmɔhã behyire bɛ kyɛ, nyameɛ mɔ bɔ nna bɛ yeɛ bɛbɔle anwuro ne aseɛ ne, bɛ boso kotu komini kofi aseɛ ye aso ne ewienu abo.

Hosea 8:6

Ofikyɛ ye koso ofi Yisrael: dwumvoɛ yeɛ ɔyɔle ɔ, yiti nna Nyameɛ ɔ. Samaria nandwie ba ne, bekobubu ye nu pasapasa.

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 17:29

Na ɔnate kyɛ yɛte Nyameɛ mma ne ati, ɔnzɛ kyɛ yɛdwene kyɛ Nyameɛ sue te kyɛ esikaa kɔkorɛ, anaa ɛdwetɛ, anaa nyɔboɛ bɔ kuro sona afa ye sa ne ye nworɛ wali adwii wayɔ ɔ.

Asomafoɛ 18:19

Bedwuli Ɛfeso nen, ɔyakyili bɛ wɔ berɛ; na ye de, ɔhɔle nyianu sua nu ɔne Yudafoɛ bɛɛyɛle ngyerɛkyerɛ.

Asomafoɛ 19:1

Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,

Asomafoɛ 19:10

Ɛhe hɔle so sɔ alaa afoɛ nyɔ, na ɔmane bɛ bɔ bɛwɔ Asia mbɔtam berɛ amukoraa, Yudafoɛ ne Helafoɛ, bɛtele Awurade nwo dwirɛ ne.

Asomafoɛ 19:25

Yiti Demetrio mane ye adwumayɔlɛfoɛ ne bɛ bɔ betira sɔ nzanodwuma ne amu beyiale, na ɔfa tole bɛ nyunu kyɛ, “Biamɔ, ɛmɔse kyɛ sɔ adwiililɛ he anu yeɛ yɛnya yɛ sikaa ɔ.

1 Korintofoɛ 12:2

Ɛmɔse kyɛ mmerɛ bɔ né ɛmɔte wiasefoɛ nen, ɛmɔmaa bɛlakalakale ɛmɔ maa ɛmɔhyinini mmosoen emumu mɔ so.

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

Galatiafoɛ 4:8

Daa ne bɔ né ɛmɔnze Nyameɛ nen, ɛmɔyɛle ngoaa bɛmane abɔdeɛ mɔ bɔ nna nyameɛ mɔ ahɔ ɔ.

Deuteronomi 4:28

Na dɔ yeɛ ɛmɔkɔso nyameɛ foforɛ mɔ bɔ kuro sona afa ye sa ayɔ ɔ, nikyee bɔ bɛte mmakaa ne nyɔboɛ, bɔ bennwu nikye, bɛnde dwirɛ, bennidi, anaa bɛmvofa nikye ɔ.

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

Nyekyire 9:20

Nakoso adasa mmaa ngaa bɔ ɛhawo hemɔ wangukũ bɛ ne, banzakyera b’adwene bamvi bɛ sa noa nnwumaa nwo, banyakyi sunzummɔne mɔ sɔnenɛ, yeɛ banyakyi sikaa kɔkorɛ, ɛdwetɛ, kɔɔbere, nyɔboɛ ne bakaa amoen mɔ bɔ bɛngora bennwu nikye, anaa bɛnde dwirɛ, anaa bɛnnate ɔ sɔnenɛ;