Asomafoɛ 19:22 - AHYERƐLƐ KRONGRON

²² Yiti ɔsomane ye bokafoɛ nyɔ, Timoteo ne Eraseto maa bɛhɔle Makedonia, na ye de, ɔtenane Asia mbɔtam hyɛle kãa.

Asomafoɛ 19:22 Iomraidhean Croise

Asomafoɛ 13:5

Mmerɛ bɔ bedwuli Salami nen, bɛhane Nyameɛ dwirɛ ne wɔ Yudafoɛ nyianu sua nemɔ nu. Né Yohane boka bɛ ɔyɔ somvoɛ adwuma.

Asomafoɛ 16:1

Pɔɔlo hɔle oodwuli Dɛɛbi ne Lisetra. Né gyidiniɛ bie bɔ bɛfrɛ ye Timoteo wɔ berɛ. Ye maame te Yudaniɛ gyidiniɛ, yeɛ ye baba koso te Helaniɛ.

Asomafoɛ 16:3

Né Pɔɔlo kuro kyɛ ɔfa Timoteo boka ye nwo so ɔne ye bɛkɔ, yiti ɔpɛle ye bienzua, ɔnate kyɛ né Yudafoɛ bɔ bɛwɔ porɛ ne anu berɛ mukoraa se kyɛ ye baba te Helaniɛ.

Asomafoɛ 18:5

Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne.

Asomafoɛ 19:10

Ɛhe hɔle so sɔ alaa afoɛ nyɔ, na ɔmane bɛ bɔ bɛwɔ Asia mbɔtam berɛ amukoraa, Yudafoɛ ne Helafoɛ, bɛtele Awurade nwo dwirɛ ne.

Asomafoɛ 19:21

Ɛhemɔ asi ne, Pɔɔlo nate Sunzum Krongron so yɛle ye adwene kyɛ ɔkwaapɛ nu Makedonia ne Akaia kɔ Yerusalem, na ɔhane kyɛ, “Sɛ medwu berɛ a, ɔsɛ kyɛ mekɔ Rome koso.”

Asomafoɛ 19:29

Yiti kuro ne anu amu yɛle basabasa. Na ɛlɔen ne tuli bi bɛɛhyele Makedoniafoɛ nyɔ nemɔ: Gayɔso ne Aristako, na bɛhwene bɛ bɛhɔle badwa nyunu. Né bɛ munyɔ bɛboka Pɔɔlo so wɔ ye ateetulɛ ne anu.

Asomafoɛ 20:1

Nziɛ ye bɔ basabasa ne noa dwole ase ne, Pɔɔlo frɛle agyidifoɛ nemɔ maa beyiale; otuli bɛ foɛ na ɔne bɛ lili ngraa, na afei ɔhɔle Makedonia.

Asomafoɛ 20:34

Ɛmɔ bɔbɔ ɛmɔse kyɛ me sa noa adwuma yeɛ mva neane me nwo ne bɛ bɔ bɛboka me so ne ɔ.

Romanfoɛ 16:23

Gayɔso, bɔ nde ye awuro, ná afei koso asɔre ne yia wɔ ye awuro ne, obisa ɛmɔ ahye; Eraseto bɔ ɔte kuro wa fotoɛsoneafoɛ, ɔne y’eliɛma bienzua Kwato bebisa ɛmɔ ahye. [

2 Korintofoɛ 1:16

Nyɛle kyɛ sɛ mesẽ mekɔ Makedonia a, ahaa ngɔɔpasa ɛmɔ nwo, yeɛ sɛ mvi dɔ mesa meba koso a, masa maapasa ɛmɔ nwo, ná ɛmɔagua m’ate maa mahɔ Yudea.

2 Korintofoɛ 11:9

Na mmerɛ bɔ me nwo hyerele me wɔ ɛmɔ berɛ ne, mamva m’anwokyere mangua ebiala so, ofikyɛ aliɛmaa mɔ bɔ befi Makedonia bɛwale ne bɛfale nikyee biala bɔ mehia bɛbrɛle me. Yiti kyɛbɔ neane me nwo daa wɔ nikyee biala nu ne, ngɔhɔ so ngɔyɔ ye sɔ ala, na manyɛ ɛmɔ so tɔsom.

2 Korintofoɛ 2:13

Nakoso wanyɛ me fɛ paa biala, ofikyɛ mannwu nniɛma Tito wɔ berɛ. Yiti ngrale berɛ ama, na nzili nu ngɔle Makedonia.

2 Korintofoɛ 8:1

Aliɛmaa mɔ, yɛpena kyɛ ɛmɔnwu adom bɔ Nyameɛ afa alo Makedonia asɔre nemɔ ɔ.

2 Korintofoɛ 8:19

Asa koso, asɔre mma ne aneanea nu baye ye kyɛ ɔne yɛ nate wɔ sɔ adom adwuma bɔ yafa yato yɛ nwo so ne anu, na yɛyɔ sɔ yɛfa yɛhyɛ Awurade animnyam, ná yɛsa yɛkyire yɛ mmɔdenbɔlɛ.

1 Tɛsalonikafoɛ 1:8

Ofikyɛ, nna Awurade nwo dwirɛ ne ngome yeɛ wafi ɛmɔ berɛ waadwu Makedonia ne Akaia ɔ; na mmom ɛmɔ gyidie wɔ Nyameɛ nu nwo dwirɛ koso watrɛ wahɔ nekaa biala, yiti onhia kyɛ yɛkɔhã ye nwo dwirɛ ko.

2 Timoteo 4:20

Eraseto hale Korinto, na Trofimo de, nyakyili ye Mileto bɔ né ɔnde apɔ ɔ.