Asomafoɛ 19:19 - AHYERƐLƐ KRONGRON

¹⁹ Ngonyaayelɛfoɛ nemɔ anu pee fale b’adwuma mmukuu bɛwale bɛɛyerale bɛ bɔ ebiala nye tua ɔ, na bɛsesene bɛ nyɔboɛ benwuni kyɛ ɔte ɛdwetɛ apee aburannu.

Asomafoɛ 19:19 Iomraidhean Croise

Gyenesise 35:4

Yiti bɛsesale Amaenmaensofoɛ nyameɛ mukoraa bɔ ɔwɔ bɛ nwo ne, ɔne b’asomade bɔ owura bɛ ne bɛmane Yakob; na Yakob fu wurale eluii bɔ né opingye Sɛkem ne abo.

1 Aberɛso Dwirɛ 10:13

Ɔnate Sɔɔlo asoserɛ ti owuli. Wanni nahorɛ wamma AWURADE, ɔnate kyɛ wanni AWURADE dwirɛ so. Afei koso, ɔhɔle nzamangɔmhyɛlɛniɛ berɛ abisa,

2 Aberɛso Dwirɛ 33:6

Ɔfale ye mma mmienzua bɔle afɔleɛ wɔ see nu wɔ Hinom Awa bɔnza ne anu. Ɔhɔle abisa, ɔyele ngonyaa, ɔyele musue, na ɔfale ye nwo bɔle nzamangɔmhyɛlɛfoɛ ne abayifoɛ. Ɔyɔle bɔ ɔte bɔne pee wɔ AWURADE nyunu fa huli AWURADE ahone.

Ɛksadɔso 32:20

Ɔfale nandwie amoen bɔ bayɔ ne, ɔfale see yerale ye, otini ye muhumuhu, ɔto guale nzue nye so, na ɔmane Yisraelfoɛ none.

Ɛksadɔso 7:11

Faro koso frɛfrɛle mmenia bɔ bɛse ase, ɔne musueyelɛfoɛ maa bɛwale, na sɔ Misraim ngonyaayelɛfoɛ nemɔ koso yele ngonyaa yɔle sɔ ala.

Ɛksadɔso 7:22

Nakoso Misraim ngonyaayelɛfoɛ koso yele ngonyaa yɔle sɔ ala. Yiti Faro bubuli mmakaa tuale ye so, na wandɛ bɛ so, kyɛbɔ AWURADE hane ne ala.

Yesaya 30:22

Na w’amoen mɔ bɔ bafa ɛdwetɛ baboro bɛ nwo, ɔne bɔ bafa sikaa kɔkorɛ baboro bɛ nwo ne, ɛkɔfa efiɛ kɔhã bɛ, ekofindi bɛ kogua kyɛ manzaa asiaa, na ekose bɛ kyɛ, “Ɛ́mɔfi me so bɛhɔ!”

Yesaya 8:19

Na sɛ mmenia kã kyire ɛmɔ kyɛ, “Nzamangɔmhyɛlɛfoɛ ne ahɔmeɛ bɔ bɛ dwudwolɛ te katekate ne boborɔboborɔ ne, ɛmɔhɔ bɛ so abisa” a, aso nna maen bɛ Nyameɛ berɛ yeɛ odi kyɛ bebisa nikye ɔ? Aso odi kyɛ bebisa ateasefoɛ ti wɔ awufoɛ berɛ anaa?

Daniel 2:2

Na Nana Nebukadenesa hyɛle kyɛ bɛɛfa ngonyaayelɛfoɛ, bɛ bɔ bɛnea nzramaa nu bɛkã nu dwirɛ, musueyelɛfoɛ ne Kaldeafoɛ ma bɛbra beehyire ye laleɛ nemɔ abo. Yiti bɛwale beegyinane Nana nyunu.

Lewitikɔso 13:52

Odi kyɛ ɔsɔfo ne yera ataadeɛ ne, kyɛ anwonyerɛ ne wɔ kundu nu oo, anaa nikyee biala bɔ bafa gyese banwo ɔ nu oo, anaa nwera nu oo, anaa nikyee biala bɔ bafa nwomaa bapa ɔ nu oo, ofikyɛ ɔte kwata anwonyerɛ bɔ ɔtrɛ ɔ; odi kyɛ bɛfa see bɛyera ye ɔ.

Luka 14:33

Na sɔ ala yeɛ ɛmɔ nu biala bɔ ɔnyakyi bɔ ole ye amukoraa berɛ ne, ɔngɔhora ngɔyɛ me suaniɛ ɔ.

Luka 15:8

“Anaakyɛ brasua beni yeɛ ole sikadwetɛ buru, ná nu ko mini a, ɔngɔsɔ kanea ngɔpoa sua nu berɛ, ná ɔngɔyere ye nwo ngɔpena kɔpem kyɛ okonwu ye ɔ?

Asomafoɛ 13:6

Bɛpɛle nu supɔ ne aso beedwuli Pafɔso, na benwuni ngonyaayelɛniɛ bie bɔ ɔte Yudaniɛ ngɔmhyɛlɛniɛ ngondomboniɛ, bɔ ye dumaa li Bar Yesu ɔ.

Asomafoɛ 13:8

Nakoso ngonyaayelɛniɛ Elima (sɔ yeɛ ye dumaa ne bo kyire ɔ) sili bɛ ate, na ɔbɔle mmɔden kyɛ ɔkɔhwe amrado ne kofi gyidie ne nwo.

Asomafoɛ 19:18

Na bɛ bɔ bele belili ne, bɛ nu pee bɛwale bɛɛtole bɛ noa nu tui bɛhane bɛ bɔne ne bɛ mvealeɛ nu dwirɛ mukoraa.

Hebrifoɛ 10:34

Ofikyɛ ɛmɔnwuni bɛ bɔ begua kuku nu anwumvoin, na mmerɛ bɔ bɛfene ɛmɔ nningyein bɛfale ne, ɛmɔle anigye bɛpenene so, ofikyɛ ɛmɔse kyɛ ɛmɔle nningyein paa bɔ ɔtra so wɔ nyameɛso afebɔɔ.