Asomafoɛ 19:18 - AHYERƐLƐ KRONGRON

¹⁸ Na bɛ bɔ bele belili ne, bɛ nu pee bɛwale bɛɛtole bɛ noa nu tui bɛhane bɛ bɔne ne bɛ mvealeɛ nu dwirɛ mukoraa.

Asomafoɛ 19:18 Iomraidhean Croise

Edwein 32:5

Afei ngane me bɔne ngyirele wɔ, na mangata m’amumuyɛɛ so. Ngane kyɛ, “Ngɔhã me mmeraatolɛ ngohyire AWURADE,” na ɛfale me bɔne nwo foɛlilɛ hyɛle me. Sela

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Yeremia 3:13

Wɔ de, de w’amumuyɛɛ to nu, kyɛ ayɛ AWURADE wɔ Nyameɛ nwo lɔen, afa wɔ ɔdɔ ama ɛwɔfoɛ mɔ wɔ bakaa monɛ biala abo, na ɛmɔandie me noa dwirɛ, AWURADE noa dwirɛ ɛne.

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Hesekiel 36:31

Na afei ɛmɔkɔkaye ɛmɔ bɔne yɔleɛ ne ɛmɔ yɔleɛ bɔ ɔtte mayee ne. Na ɔnate ɛmɔ amumuyɛɛ ne ɛmɔ akyiwadeɛ bra ne ati, ɛmɔ nwo kɔyɛ ɛmɔ tɛ.

Lewitikɔso 16:21

Afei odi kyɛ Aarɔn fa ye sa munyɔ gua abɔngye bɔ ɔte ngoa nu ne ye ti afia, ná ɔka Yisraelfoɛ amumuyɛɛ amukoraa, bɛ mmeraatolɛ amukoraa ɔne bɛ bɔne amukoraa gua abɔngye ne aso, ná ɔprapra ye mukoraati gua ye so. Odi kyɛ ɔyakyi abɔngye ne ma bienzua bie bɔ bafa sɔ adwuma ne bawura ye sa maa berɛ ne ala ɔkɔyakyi kaka ne eburo maa ɔkɔ.

Lewitikɔso 26:40

“Nakoso sɛ bɛka b’amumuyɛɛ ɔne bɛ nana mɔ amumuyɛɛ: kyɛ bɛyɛle ɛlɔen betiale me, na afei bɛtoale so bedwɔso betiale me,

Mateo 3:6

na bɛhane bɛ bɔne maa ɔbɔle bɛ asu wɔ asue Yɔɔdan nu.

Asomafoɛ 19:17

Yudafoɛ amukoraa ne Helafoɛ amukoraa bɔ bɛwɔ Ɛfeso bɛtele sɔ dwirɛ nen, bɛ mukoraa besurole, na bɛyele Awurade Yesu dumaa ayɛ piri paa.

Asomafoɛ 19:19

Ngonyaayelɛfoɛ nemɔ anu pee fale b’adwuma mmukuu bɛwale bɛɛyerale bɛ bɔ ebiala nye tua ɔ, na bɛsesene bɛ nyɔboɛ benwuni kyɛ ɔte ɛdwetɛ apee aburannu.

Romanfoɛ 10:10

Ɔnate kyɛ, sona fa ye ahone yeɛ ode di ɔkɔ tenenee nu ɔ; na ye noa yeɛ ɔfa kã ye pefee onya daa ngoa ɔ.

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.

1 Yohane 1:9

Nakoso ɔnate kyɛ odi nahorɛ ná ɔtengyɛ ne ati, sɛ yɛkã yɛ bɔne yɛkyire ye a, ɔkɔfa kɔhyɛ yɛ ná wate yɛ nwo wafi bɔ ɔndengyɛ mukoraa nwo.