Asomafoɛ 19:17 - AHYERƐLƐ KRONGRON

¹⁷ Yudafoɛ amukoraa ne Helafoɛ amukoraa bɔ bɛwɔ Ɛfeso bɛtele sɔ dwirɛ nen, bɛ mukoraa besurole, na bɛyele Awurade Yesu dumaa ayɛ piri paa.

Asomafoɛ 19:17 Iomraidhean Croise

2 Samuel 6:9

Dawide surole AWURADE sɔ kyẽa ne, na ɔhane kyɛ, “Ɔkɔyɛ sɛɛ né mahora mafa AWURADE alaka ne mahɔ m’awuro?”

Edwein 64:9

Afei ɛserɛ kɔtɔ mmenia amukoraa so, na bɛkɔbɔ bɔ Nyameɛ wayɔ ɔ nwo dawure, ná badwene bɔ wayɔ ɔ nwo.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Luka 1:65

Na ɛserɛ hane mandamu berɛ ama amukoraa. Na sɔ dwirɛ nemɔ trɛ hɔle Yudea mmokaa maen ne anu amukoraa.

Luka 7:16

Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Asomafoɛ 13:12

Na mmerɛ bɔ amrado ne nwuni bɔ wasi nen, olelili, ɔnate kyɛ Awurade nwo ngyerɛkyerɛ ne yɛle ye nwanwa paa.

Asomafoɛ 18:19

Bedwuli Ɛfeso nen, ɔyakyili bɛ wɔ berɛ; na ye de, ɔhɔle nyianu sua nu ɔne Yudafoɛ bɛɛyɛle ngyerɛkyerɛ.

Asomafoɛ 18:21

Na mmom ɔhrale bɛ kyɛ, “Sɛ Nyameɛ ma ate a, ngosa ngɔwa ɛmɔ wa.” Na ɔfale ɛlɛen fili Ɛfeso hɔle.

Asomafoɛ 19:1

Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,

Asomafoɛ 19:16

Na biaa bɔ ole sunzummɔne ne te tɔle bɛ so bobɔle bɛ mukoraa pasaa maa bepurapurale, na bɛfale bɛ nwo bɛtole so bɛnwati befili sɔ awuro berɛ bɛhɔle.

Asomafoɛ 19:18

Na bɛ bɔ bele belili ne, bɛ nu pee bɛwale bɛɛtole bɛ noa nu tui bɛhane bɛ bɔne ne bɛ mvealeɛ nu dwirɛ mukoraa.

Asomafoɛ 2:43

Asomafoɛ ne yɔle nzɛngyerɛnneɛ ne anwanwadeɛ pee, na bɛ nwo yɛle sona biala suro.

Asomafoɛ 5:11

Na esuronyi pirikua hane asɔre mma ne amu ɔne bɛ bɔ bɛtele edwirɛ ne amukoraa.

Asomafoɛ 5:13

Na bɛ bɔ né bɛnne agyidifoɛ fekue ne anu ne, ebiala anzi ye adwene pi kyɛ ɔkɔboka bɛ so ɔ, ɔwɔ nu kyɛ né mmenia ka bɛ nwo dwirɛ paa de.

Asomafoɛ 5:5

Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

Filipifoɛ 1:20

kyɛbɔ m’anyelasoɛ paa ne nikyee bɔ menea ye ate ne ɔte ne, kyɛ me nyunu ngogua ase wɔ nikyee biala nu, na mmom ngonya ahoneserɛ, kyɛbɔ daa ɔte ne, kekesaala ye koso, na sɛ nde ase oo, sɛ mewu oo, bɛkɔkamvo Kristo wɔ me nipadua nu.

2 Tɛsalonika 1:12

amaa ɔnate so bahyɛ y’Awurade Yesu Kristo dumaa animnyam wɔ ɛmɔ nu, na ɛmɔ koso bahyɛ ɛmɔ animnyam wɔ ye nu, kyɛbɔ yɛ Nyameɛ ne Awurade Yesu Kristo adom ne te ɔ.

2 Tɛsalonika 3:1

Bɔ ɔpɛ ye bo ɔ, aliɛmaa mɔ, ɛ́mɔbɔ mbaeɛ bɛ́ma yɛ, kyɛ Awurade nzɛmba ne onya atee trɛ ndɛndɛ ná onya animnyam, kyɛbɔ wanya ye wɔ ɛmɔ berɛ ne.

1 Samuel 6:20

Afei Bete Semesefoɛ hane kyɛ, “AWURADE, Krongronniɛ Nyameɛ he, nwa yeɛ ɔkɔhora kogyina ye nyunu ɔ? Nwa berɛ koraa yeɛ yɛye AWURADE alaka ne yɛfi yɛ wa yɛkɔ ɔ?”