Asomafoɛ 19:11 - AHYERƐLƐ KRONGRON

¹¹ Nyameɛ fale Pɔɔlo so yɔle nzɛngyerɛnneɛ sonongo,

Asomafoɛ 19:11 Iomraidhean Croise

Yohane 14:12

Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ.

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 15:12

Mmenia ne amukoraa bɛyɛle dinn, na betiele Banaba ne Pɔɔlo wɔ b’amaneɛ bɔ ɔfa nzɛngyerɛnneɛ ne anwanwadeɛ amukoraa bɔ Nyameɛ afa bɛ so wayɔ wɔ Amaenmaensofoɛ nu ne.

Asomafoɛ 16:18

Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.

Asomafoɛ 5:12

Na nzɛngyerɛnneɛ ne anwanwadeɛ pee fale asomafoɛ nemɔ so lale ali wɔ maen ne anu. Né bɛ mukoraa bayɛ adwene ko bayia nu wɔ Solomon Abrannaa so.

Asomafoɛ 8:13

Simɔn bɔbɔ po lele Yesu Kristo lili, na bɛbɔle ye asu beyiele ne, wande ye nwo wamvi Filipo nwo; na onwuni anwanwadeɛ ne nzɛngyerɛnneɛ bɔ né Filipo yɔ nen, ye nwo dwirili ye.

Galatiafoɛ 3:5

Yiti Nyameɛ bɔ ɔma ɛmɔ Sunzum ne ná ɔyɔ anwanwadeɛ wɔ ɛmɔ nu ne, ɔnate mmeraa ne aso lilɛ yeɛ ɔyɔ ɔ, anaa ɔnate nzɛmba bɔ ɛmɔtele ná ɛmɔle lili ne aso?

Hebrifoɛ 2:4

Na Nyameɛ koso yɔle nzɛngyerɛnneɛ ne anwanwadeɛ ne tumi nnwumaa ahoroɔ, na ɔmane Sunzum Krongron akyɛdeɛ ne, kyɛbɔ ye apɛdeɛ si te ɔ fa lili edwirɛ ne nwo adanzeɛ.