Asomafoɛ 19:10 - AHYERƐLƐ KRONGRON

¹⁰ Ɛhe hɔle so sɔ alaa afoɛ nyɔ, na ɔmane bɛ bɔ bɛwɔ Asia mbɔtam berɛ amukoraa, Yudafoɛ ne Helafoɛ, bɛtele Awurade nwo dwirɛ ne.

Asomafoɛ 19:10 Iomraidhean Croise

Asomafoɛ 13:12

Na mmerɛ bɔ amrado ne nwuni bɔ wasi nen, olelili, ɔnate kyɛ Awurade nwo ngyerɛkyerɛ ne yɛle ye nwanwa paa.

Asomafoɛ 16:6

Bɛpɛle nu Frigyea ne Galatia aseɛ so, ofikyɛ Sunzum Krongron ne amma bɛ ate ma banga nzɛmba ne wɔ Asia mbɔtam.

Asomafoɛ 18:11

Yiti Pɔɔlo lili berɛ afoɛ ko ne bosome nzia hane Nyameɛ dwirɛ ne hyirele berɛ ama.

Asomafoɛ 18:4

Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.

Asomafoɛ 19:20

Yiti Awurade dwirɛ ne hɔle so trɛle na onyini ngonim nu.

Asomafoɛ 19:22

Yiti ɔsomane ye bokafoɛ nyɔ, Timoteo ne Eraseto maa bɛhɔle Makedonia, na ye de, ɔtenane Asia mbɔtam hyɛle kãa.

Asomafoɛ 19:8

Pɔɔlo hɔle nyianu sua nu tonn bosome nza. Osili ye ahone ɔne mmenia ne dwudwole, na ɔne bɛ yɛle ngyerɛkyerɛ fale Nyameɛ ahennie ne nwo.

Asomafoɛ 2:9

Yɛfi Patia, Medese, ne Elam; Mesopotamia, Yudea, ne Kapadokia; Ponto ne Asia,

Asomafoɛ 20:18

Bɛwale ne, osele bɛ kyɛ, “Ɛmɔ bɔbɔ ɛmɔse kyɛbɔ ofi kyẽa bɔ mmale Asia me ne ɛmɔ yɛɛtenane ye, nzi mmɔle me bra mmerɛ biala ɔ.

Asomafoɛ 20:31

Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

Romanfoɛ 10:12

Ofikyɛ nzonzoleɛ biala nne Yudaniɛ ne Helaniɛ nu; Awurade komapɛ ne ala yeɛ ɔte bɛ mukoraa bɛ Mene ɔ, na oyira ebiala bɔ osũ frɛ ye ɔ.

Romanfoɛ 10:18

Nakoso mebisa kyɛ, bennya bɛttele anaa? Amba, bate, ofikyɛ, “Bɛ komvi adwu aseɛ so nekaa biala, na bɛ dwirɛ adwu wiase nekaa biala.”

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.

2 Timoteo 1:15

Ɛse kyɛ bɛ bɔ bɛwɔ Asia amukoraa bayakyi me nu bahɔ; Figɛlo ne Hɛmogen koso bɛboka so.

1 Petro 1:1

Petro, Yesu Kristo somafoɛ, méfa mebrɛ bɛ bɔ babɔ aya bahɔ Ponto, Galatia, Kapadokia, Asia ne Bitinia,

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,