Asomafoɛ 18:8 - AHYERƐLƐ KRONGRON

⁸ Na Krispo, bɔ ɔte nyianu sua ne aso panyi ne, ɔne ye awuro ama mukoraa belele Awurade belili; yeɛ afei Korintofoɛ pee bɔ bɛtele Pɔɔlo dwirɛ ne koso, bele belili, na bɛ mukoraa bɛmaa bɛbɔle bɛ asu.

Asomafoɛ 18:8 Iomraidhean Croise

Gyenesise 17:27

ye awuro mmienzua mukoraa, bɛ bɔ bɛwole bɛ wɔ ye awuro, ɔne bɛ bɔ ɔtɔle bɛ fili amanvrafoɛ berɛ koso bɛpepɛle bɛ bienzua bɛbokale ye so.

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Marko 5:22

Na nyianu sua nu mbanyi nemɔ nu ko wale ye berɛ. Ye dumaa li Yairo. Na onwuni Yesu nen, obutuli ye gya bo berɛ,

Marko 5:35

Yesu gu so odwudwo nen, bɔfoɛ biemɔ fili nyianu sua nu panyi n’awuro beesele kyɛ, “Ɛwa brasua ne awu. Nzu ati yeɛ egu so ɛha kyerɛkyerɛniɛ ye ɔ?”

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 11:14

na ɔkɔhã edwirɛ kohyire wɔ bɔ ɔnate so ɛne w’awuro ama amukoraati ɛmɔkonya daa ngoa ɔ.’

Asomafoɛ 13:15

Mmerɛ bɔ ebie kengale Mose mmeraa ne ɔne ngɔmhyɛlɛfoɛ nwomaa ne yiele nen, nyianu sua ne anu mbanyi bisale Pɔɔlo ne Banaba kyɛ, “Aliɛmaa mɔ, sɛ ɛmɔle foɛtulɛ dwirɛ bie bɛma mmenia ne a, ɛmɔhã.”

Asomafoɛ 16:34

Afei ɔfale bɛ wale ye awuro ɔɔmane bɛ nikyee maa belili, na ɔne ye awuro ama mukoraa benyane anigye kyɛ banya gyidie wɔ Nyameɛ nu ɔ.

Asomafoɛ 18:1

Ɛhe asi ne, Pɔɔlo fili Atense hɔle Korinto.

Asomafoɛ 18:17

Yiti bɛ mukoraa bɛhyele nyianu sua ne aso panyi Sositene, na bɛbole ye wɔ nekaa bɔ bedi dwirɛ n’anyunu berɛ, nakoso Galio anga ye nwo bie.

Asomafoɛ 19:1

Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,

Asomafoɛ 8:12

Nakoso mmerɛ bɔ belele Filipo nzɛmba bɔ ɔfa Nyameɛ ahennie ne, ɔne Yesu Kristo dumaa nwo belili nen, mmienzua ne mmrasua maa bɛbɔle bɛ asu.

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.

2 Korintofoɛ 1:1

Krataa he fi me, Pɔɔlo, bɔ ɔnate Nyameɛ pɛ so nde Kristo Yesu somafoɛ berɛ. Me ne aliɛmaa Timoteo yeɛ yɛhyerɛle ɔ. Yɛ́fa yɛbrɛ Nyameɛ asɔre bɔ ɔwɔ Korinto, ɔne anwoteefoɛ amukoraa bɔ bɛwɔ Akaia mukoraa ɔ.

2 Korintofoɛ 1:23

Na afei mefrɛ Nyameɛ kyɛ oli me adanzeɛ; né membena kyɛ mebɔ ɛmɔ wora ti yeɛ manza mamma Korinto ɔ.

2 Korintofoɛ 6:11

O Korintofoɛ, yapakyepakye nu yadwudwo yahyire ɛmɔ, yaye y’ahone nu dwirɛ mukoraa yahyire ɛmɔ.

2 Timoteo 4:20

Eraseto hale Korinto, na Trofimo de, nyakyili ye Mileto bɔ né ɔnde apɔ ɔ.

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”