Asomafoɛ 18:7 - AHYERƐLƐ KRONGRON

⁷ Yiti ɔyakyili bɛ berɛ ɔɔtenane biaa bie bɔ ye dumaa li Tito Yusto, bɔ ɔso Nyameɛ ɔ ye awuro. Né ye awuro ne pingye nyianu sua ne pɛɛ.

Asomafoɛ 18:7 Iomraidhean Croise

Yohane 9:31

Yɛse kyɛ Nyameɛ ndie bɔnefoɛ mɔ, nakoso sɛ ebie sɔne Nyameɛ ná ɔyɛ ye apɛdeɛ a, ye yeɛ Nyameɛ tie ye ɔ.

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 13:42

Na bɛyɛle kyɛ befi nyianu sua ne anu berɛ bɛkɔ nen, mmenia ne srɛle kyɛ bɛbra afofikyẽa bieku bɛɛhã sɔ dwirɛ nemɔ behyire bɛ bieku.

Asomafoɛ 13:43

Na mmenia bɔ bɛwɔ nyianu sua ne anu ne, bɛpɔnone ná bɛpakyepakyele nu ne, Yudafoɛ pee ne Amaenmaensofoɛ pee bɔ basɔ Yudasom nu ɔ belili Pɔɔlo ne Banaba si; na asuafoɛ nyɔ ne tuli bɛ foɛ kyɛ bɛhɔ so bɛfa bɛ nwo bɛto Nyameɛ adom ne aso.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 17:4

Bɛ nu biemɔ lele edwirɛ ne lili, na bɛfale bɛ nwo bɛbɔle Pɔɔlo ne Silase; sɔ ala yeɛ Helafoɛ nyamesurofoɛ pee ne mmrasua atitirefoɛ pee koso yɔle ɔ.

Kolosefoɛ 4:11

Yesu bɔ bɛfrɛ ye Yusto ne koso obisa ɛmɔ ahye. Ɛhemɔ ngome yeɛ bɛte bienzuapɛlɛfoɛ bɔ bɛne me yɛyɔ Nyameɛ ahennie ne nwo adwuma ɔ, na bɛte aworakyekyerɛ ma me.