Asomafoɛ 18:5 - AHYERƐLƐ KRONGRON

⁵ Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne.

Asomafoɛ 18:5 Iomraidhean Croise

Yeremia 20:9

Sɛ mekã kyɛ, “Mengɔkaye ye ko, anaa mengodwudwo wɔ ye dumaa nu ko” a, né ye dwirɛ ne ayɛ m’ahone nu kyɛ see bɔ ogye wɔ me mmowue nu ɔ. Mahyɛ me nwo so mafɛ, nakoso mengora.

Yeremia 6:11

Yiti AWURADE ahonehulɛ ne wawura me nu tɛkyɛ bɔ mengora me nwo so hyɛ ɔ. “Ngɔfa me yaa piri ne ngɔhɔ ngwadaa so wɔ mmorɔnoɛ nemɔ aso, yeɛ mmerandeɛ kure ne aso; ofikyɛ bɛkɔhye biaa ne ɔye po, yeɛ nworowaa ne mmenia bɔ banyi paa ɔ koso.

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Mika 3:8

Nakoso me de, AWURADE Sunzum ama me tumi, wama ndɛenbualɛ turoloo ne anwoserɛ ayi me tɛkyɛ, kyɛ mva Yakob ye mmeraatolɛ ndo ye nyunu, ná mva Yisrael koso ye bɔne ndo ye nyunu.

Luka 12:50

Asubɔlɛ bie wɔ berɛ bɔ bɛbaafa bɛbɔ me ɔ, na sɛ bɛffa bɛbbɔle me beyyiele a, nnyane anwotɔ.

Luka 16:28

ofikyɛ nniɛma mmienzua mɔ bɛte nnu, ná ɔɔbɔ bɛ kɔkɔ, ná bɛ koso bamma ɛwa amaneɛnwunɛ ne anu bie.’

Yohane 1:41

Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne).

Yohane 10:24

Yeɛ Yudafoɛ nemɔ bɛɛpɛle ye nwo beyiale, na bebisale ye kyɛ, “Ɛkɔmaa yɛkɔnwondɛ yɛkoodwu kyinzu? Sɛ wɔ ole Kristo ne a, kã ye pefee kyire yɛ.”

Yohane 15:27

na ɛmɔ koso ɛmɔkoli adanzeɛ, ofikyɛ ɛmɔ ne me anate alaa fi ahyɛaseɛ ne.”

Yohane 3:28

Ɛmɔ bɔbɔ bedi me adanzeɛ kyɛ ngane kyɛ, ‘Nna me ole Kristo ne, na mmom basoma me maa mali ye nyunu moa.’

Asomafoɛ 10:42

Na ɔhyɛle yɛ kyɛ yɛbɔ nzɛmba ne dawure yɛhyire mmenia mukoraa, ná yɛli adanzeɛ kyɛ, ye yeɛ Nyameɛ aye ye kyɛ ɔyɛ ateasefoɛ ne awufoɛ ndɛenbualɛniɛ ɔ.

Asomafoɛ 15:22

Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ,

Asomafoɛ 16:1

Pɔɔlo hɔle oodwuli Dɛɛbi ne Lisetra. Né gyidiniɛ bie bɔ bɛfrɛ ye Timoteo wɔ berɛ. Ye maame te Yudaniɛ gyidiniɛ, yeɛ ye baba koso te Helaniɛ.

Asomafoɛ 16:12

Na yɛfili berɛ yɛhɔle Roman manzini Makedonia kuro piri Filipi so. Na yɛlili ngyẽa kãa wɔ sɔ kuro ne aso.

Asomafoɛ 16:9

Sɔ kyẽa ne kɔngɔen, Pɔɔlo nyane nyekyire, na onwuni biaa bie bɔ ofi Makedonia kyɛ ogyi berɛ ná ɔpa ye kyerɛ kyɛ, “Bra Makedonia baaboka yɛ!”

Asomafoɛ 17:3

Ohyirehyirele nu lili ye nwo adanzeɛ kyɛ, né ɔsɛ kyɛ Kristo ne nwu amaneɛ na odwɔso fi awufoɛ nu. Na ɔhane kyɛ, “Sɔ Yesu he bɔ mekã ye nwo dwirɛ mekyire ɛmɔ ne, ye ole Kristo ne.”

Asomafoɛ 18:28

Ofikyɛ ɔnate ye ngyerɛkyerɛ so lili Yudafoɛ so ngonim wɔ badwa nu, na ɔfale Ahyerɛlɛ ne hyirele nu pefee kyɛ Yesu ole Kristo ne.

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 20:23

sana bɔ Sunzum Krongron ne ahã ahyire me wɔ kuro biala so kyɛ mmenia kɔto me kuku nu na bamaa manwu amaneɛ ɔ.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 4:20

ɔnate kyɛ, bɔ yɛ yanwu ye ná yate ne de, yɛngɔhora yɛngɔyakyi ye hanɛ.”

Asomafoɛ 9:22

Nakoso Sɔɔlo hɔle so nyane anwoserɛ wɔ ye nzɛmbahanɛ nu. Ye adanzeɛ bɔ olili kyɛ Yesu ole Kristo ne lale berɛ turoloo bɔ aporowaa biala nne ye nwo ɔ. Na Yudafoɛ bɔ bɛwɔ Damasko ne annya edwirɛ biala ko bɔ bɛha bɛfa bebua ye ɔ.

2 Korintofoɛ 1:19

Ofikyɛ Nyameɛ Awa Yesu Kristo bɔ me ne Silwano ne Timoteo yɛhane ye nwo dwirɛ yɛhyirele ɛmɔ ne, ɔnga “Yoo” na wasa wahã “Daabi”; na mmom mmerɛ biala ɔma ye “Yoo” yɛ yoo.

2 Korintofoɛ 11:9

Na mmerɛ bɔ me nwo hyerele me wɔ ɛmɔ berɛ ne, mamva m’anwokyere mangua ebiala so, ofikyɛ aliɛmaa mɔ bɔ befi Makedonia bɛwale ne bɛfale nikyee biala bɔ mehia bɛbrɛle me. Yiti kyɛbɔ neane me nwo daa wɔ nikyee biala nu ne, ngɔhɔ so ngɔyɔ ye sɔ ala, na manyɛ ɛmɔ so tɔsom.

2 Korintofoɛ 5:14

Na Kristo dɔ ne di yɛ so, ofikyɛ yɛde yɛto nu kyɛ sɛ sona ko wu mane mmenia mukoraa a, nzaade mmenia mukoraa bawu.

Filipifoɛ 1:23

Ɛhe amaa mayɛ anianiani. Ahaa mekuro kyɛ ngofi wa me ne Kristo yɛkɔɔtena, ofikyɛ ɛhene mmom yeɛ ɔte paa koraa ɔ,

1 Tɛsalonikafoɛ 3:2

na yɛsomane aliɛmaa Timoteo bɔ ɔte Nyameɛ somvoɛ, ná ɔne yɛ yɔ Kristo nzɛmba ne nwo adwuma ne, kyɛ ɔɔhyɛ ɛmɔ nguraen ná ɔma ɛmɔ gyidie gyina pindinn;

1 Tɛsalonikafoɛ 3:6

Nakoso afei de, Timoteo afi ɛmɔ berɛ wasa wawa yɛ wa, na wafa ɛmɔ gyidie ne ɔdɔ nwo dwirɛ fɛɛ waabɔ yɛ amaneɛ kyɛ daa ɛmɔkaye yɛ paa, na ɛmɔ wora dɔ yɛ, kyɛbɔ yɛ koso yɛ wora dɔ ɛmɔ ne ala.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.