Asomafoɛ 18:3 - AHYERƐLƐ KRONGRON

³ na kyɛbɔ ɛtena sua nwonɛ te bɛ mukoraa bɛ sa noa adwuma ne ati, ɔne bɛ tenane, na ɔne bɛ yɔle adwuma.

Asomafoɛ 18:3 Iomraidhean Croise

2 Ahemvo 6:2

Yiti yɛsrɛ wɔ, maa yɛhɔ asue Yɔɔdan noa, na yɛ nu biala ɔpɛ bakaa ko, na yɛɛsi sua wɔ dɔ yɛtena nu.” Na Elisa buale kyɛ, “Ɛmɔhɔ.”

1 Korintofoɛ 4:12

na yɛyere yɛ nwo yɛfa yɛ bɔbɔ yɛ sa yɛyɔ adwuma. Bɛbɔ yɛ alapaa a, yɛyirayira bɛ. Bɛtane yɛ nye a, yɛgyina pindinn.

1 Korintofoɛ 9:14

Sɔ ala yeɛ Awurade ahyehyɛ kyɛ bɛ bɔ bɛkã nzɛmba ne, bekodidi nzɛmba ne nwo ɔ.

1 Korintofoɛ 9:15

Nakoso mmmisale ɛmɔ asɛdeɛ he nwo hwee; yeɛ mengyerɛ krataa he memmrɛ ɛmɔ kyɛ ɛmɔyɔ sɔ asɛdeɛ ne bɛma me. Ofikyɛ, kyɛ ebie kɔma me nwo hoahoalɛ kɔyɛ mbaen de, nzaade maa nwu.

1 Korintofoɛ 9:18

Yiti akatuaa beni yeɛ menya ɔ? M’akatuaa ole kyɛ ngɔhã Kristo nzɛmba ne bɔ memmisa ebie dɔ hwee ɔ, ná afei asɛdeɛ bɔ odi kyɛ bɛyɔ bɛma me wɔ nzɛmba ne anwo koso memmisa ɔ.

2 Korintofoɛ 11:7

Na sɛ mmrɛle me nwo ase maa ɛmɔnyane ngɔsoɛ wɔ mmerɛ bɔ ngane Nyameɛ nzɛmba ne ngyirele ɛmɔ, bɔ mammisa ɛmɔ berɛ hwee ne a, né bɔne beni yeɛ mayɔ ɔ?

2 Korintofoɛ 11:9

Na mmerɛ bɔ me nwo hyerele me wɔ ɛmɔ berɛ ne, mamva m’anwokyere mangua ebiala so, ofikyɛ aliɛmaa mɔ bɔ befi Makedonia bɛwale ne bɛfale nikyee biala bɔ mehia bɛbrɛle me. Yiti kyɛbɔ neane me nwo daa wɔ nikyee biala nu ne, ngɔhɔ so ngɔyɔ ye sɔ ala, na manyɛ ɛmɔ so tɔsom.

2 Korintofoɛ 12:13

Nzikyɛ paa yeɛ nyɔ mane asɔre ngaa nemɔ bɔ mbɛle ɛmɔ nyakyili ɔ? Sana m’anwokyere ye ala bɔ mamva mangua ɛmɔ so ye. Na sɛ ɛhe nwo yeɛ mayɔ tɛɛ hɔ a, nzaade ɛmɔfa bɛhyɛ me.

1 Tɛsalonikafoɛ 2:9

Aliɛmaa mɔ, ɛmɔkaye kyɛbɔ yɛsi yɛyɔle adwuma, ɔne yɛ fɛɛ bɔ yɛfɛle ɔ. Yɛyɔle adwuma eyia ne kɔngɔen kyɛbɔ ɔkɔyɛ na yanyɛ ɛmɔ nu biala so tɔsom, wɔ mmerɛ bɔ né yɛkã Nyameɛ nzɛmba ne yɛkyire ɛmɔ ne.

1 Tɛsalonikafoɛ 4:11

ná ɛ́mɔbɔ mmɔden brɛbrɛ ɛmɔ nwo ase, ɛ́mɔdwene ɛmɔ nwo, ná ɛ́mɔfa ɛmɔ sa bɛyɔ adwuma, kyɛbɔ yɛhã yɛhyirele ɛmɔ ne;