Asomafoɛ 18:25 - AHYERƐLƐ KRONGRON

²⁵ Bɛfale Awurade Atee so yeɛ behyirele ye nikye ɔ, na ɔnate kyɛ ɔyɛ se wɔ sunzum nu ne ati, odwudwole, na ohyirehyirele Yesu nwo dwirɛ turoloo; ɔwɔ nu kyɛ né Yohane asubɔlɛ ne angome yeɛ ɔse ɔ.

Asomafoɛ 18:25 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Edwein 119:1

Bɛ bɔ bɛ bra te sannwuu, ná bedi AWURADE mmeraa so ne, benya saleɛ.

Edwein 67:2

amaa ɔnate so banwu w’atee wɔ aseɛ ye aso, ná banwu wɔ ngoalelɛ tumi ne wɔ maen maen amukoraa nu.

Yesaya 40:3

Ebie tea nu wɔ ɛserɛ so kyɛ, “Ɛ́mɔbɔ AWURADE atee bɛ́to berɛ, ɛ́mɔpakye atimbire bɔ ɔtengyɛ ɔ wɔ aseɛ pralaa so bɛ́ma yɛ Nyameɛ.

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Marko 1:3

Ebie tea nu wɔ ɛserɛ so kyɛ, ‘Ɛ́mɔbɔ Awurade atee bɛ́to berɛ, na ɛ́mɔma ye atimbire tengyɛ!’ ”

Marko 12:14

Na bɛwale nen, besele ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea, na mmom ekyirekyire Nyameɛ atee ne nahorɛ nu. Aso mmeraa ma ate kyɛ yɛtua ɛtoɔ yɛma Kaesare, anaakyɛ ɔmma ate? Yɛ́tua anaakyɛ nnɛmaa yɛtua?”

Luka 1:4

amaa ɔnate so anwu nahorɛ pefee bɔ ɔwɔ ngyerɛkyerɛ bɔ bafa bama wɔ ne anu.

Luka 7:29

(Na mmenia amukoraa bɔ bɛtele sɔ dwirɛ nen, bɛ ne ɛtoɔdidelɛfoɛ belele Nyameɛ bɛtole nu kyɛ ye dwirɛ te nahorɛ, na bɛmaa bɛbɔle bɛ Yohane asubɔlɛ ne bie.

Asomafoɛ 13:10

na osele ye kyɛ, “Ɛte abɔnzam sona! Ɛte tenenee mukoraa pɔfoɛ, nnakannaka ne amumuyɛɛ ayi wɔ ti anu tɛkyɛ, aso ɛngɔyakyi kyɛ ɛkɔhyea Awurade tenenee atee ne ɔ?

Asomafoɛ 16:17

Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”

Asomafoɛ 18:26

Ɔhyɛle ye bo sili ye ahone dwudwole wɔ nyianu sua nu; na mmerɛ bɔ Prisila ne Akwila nwuni ye ne, bɛ ne ye hɔle b’awuro, na behyirehyirele ye Nyameɛ Atee ne anu pɛpɛɛpɛ.

Asomafoɛ 19:23

Sɔ mmerɛ ne anu, Atee ne ati basabasayɔlɛ wale Ɛfeso.

Asomafoɛ 19:3

Na Pɔɔlo bisale bɛ kyɛ, “Nzaade né nzikyɛ asubɔlɛ yeɛ bɛfa bɛbɔle ɛmɔ ɔ?” Na bebuale kyɛ, “Yohane asubɔlɛ ne.”

Asomafoɛ 19:9

Nakoso ebiemɔ yɛle asoserɛ, banne dwirɛ ne banni, na bɛhane musue dwirɛ betiale Atee ne wɔ mmenia wora ne nyunu. Yiti ɔyakyili bɛ berɛ, ɔfale agyidifoɛ ne bokale ye nwo so; na daa biala ɔyɛle ngyerɛkyerɛ wɔ ebie bɔ bɛfrɛ ye Tirano sukuu sua nu.

Asomafoɛ 9:2

ɔɔsrɛle ye berɛ tumi krataa, bɔ ɔkɔfa kɔhɔ Damasko nyianu sua nemɔ nu, kyɛbɔ ɔkɔyɛ na onwu ebiala bɔ ɔnate Awurade nwo gyidie atee so a, bienzua oo, brasua oo, wahora wahye ye, ná wafa ye wawa Yerusalem.

Romanfoɛ 12:11

Nnɛmɔma ɛmɔ mmɔdenbɔlɛ ɔkɔ ase, ɛ́mɔyɛ hye wɔ sunzum nu, ná ɛ́mɔso Awurade.

2 Timoteo 2:4

Sraaniɛ bɔ ogyi koɛ noa nen, ɔmva daadaa asetena nu dwirɛ mɔ ngyekye ye nwo, ofikyɛ okuro kyɛ ɔsɔ bɔ ɔfale ye adwuma ne nye.

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.

Maenbulɛfoɛ 2:22

Kyɛbɔ ɔkɔyɛ ná AWURADE aso Yisrael wanea, kyɛ aso bekotie ye dwirɛ kyɛbɔ bɛ nana mɔ tiele ne, anaakyɛ bengotie,

1 Samuel 12:23

Yeɛ me koso, ɔngɔwa ye sɔ le, kyɛ ngɔyakyi ɛmɔ nwo mbaeɛbɔlɛ maa ɔnate so ngɔyɔ bɔne ngotia AWURADE ɔ. Atee bɔ ɔte paa ná ɔtengyɛ ne yeɛ ngohyirehyire ɛmɔ ɔ.