Asomafoɛ 18:23 - AHYERƐLƐ KRONGRON

²³ Ɔhyɛle berɛ kãa, na afei ofili berɛ oohyinini Galatia ne Frigyea mbɔtam hyɛle asuafoɛ nemɔ amukoraa nguraen.

Asomafoɛ 18:23 Iomraidhean Croise

Ɛsra 1:6

Na mmenia bɔ Yisraelfoɛ ne bɛ te mbɔtam ne amukoraa bɛfale sɔ nningyein hemɔ bɛbokale bɛ: ɛdwetɛ ndalie, esikaa kɔkorɛ, nningyein, nyɛmmoa, mbembenanneɛ, ɔne akyɛdeɛ ahoroɔ bɔ befiane bɛ kunu bɛfa bɛmane bɛ ɔ.

Daniel 11:1

Na me de, Medeseniɛ Dario ahennie afoɛ bɔ oli moa ne anu, ngyinane ye si kyɛ memaa otindim.

Luka 1:3

Yiti yɛ mene animnyamniɛ Tiofilo, mato me bo ase maneanea bɔ osisili ne amukoraa nu pɛpɛɛpɛ, ofi ye bohyɛlɛ, na manwu kyɛ ɔte paa kyɛ me koso ngɔhyerɛ ye nnidisoɛ nnidisoɛ ngɔbrɛ wɔ ɔ,

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

Luka 22:43

Na abɔfo fili nyameɛso ɔɔyele ye nwo ali hyirele ye, na ɔhyɛle ye nguraen.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 15:32

Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ.

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 16:40

Yiti befili kuku nu berɛ bɛhɔle Lidia awuro. Benwuni agyidifoɛ nemɔ berɛ; bɛhyɛle bɛ nguraen, na befili berɛ bɛhɔle.

Asomafoɛ 16:6

Bɛpɛle nu Frigyea ne Galatia aseɛ so, ofikyɛ Sunzum Krongron ne amma bɛ ate ma banga nzɛmba ne wɔ Asia mbɔtam.

Asomafoɛ 19:1

Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,

Asomafoɛ 2:10

Frigyea ne Pamfilia, Misraim ne Libia aseɛ bɔ opingye Kirene. Yɛ nu biemɔ koso fi Rome,

1 Korintofoɛ 16:1

Ɔfa ndoboa bɔ bedide bɛkɔma anwoteefoɛ nwo nen, nhyehyɛleɛ bɔ mayɛ mama Galatia asɔre nemɔ ala yeɛ ɛmɔ koso ɛmɔli so ɔ.

Galatiafoɛ 1:2

Me ne aliɛmaa mɔ mukoraa bɔ bɛboka me so yeɛ yɛfa krataa he yɛbrɛ Galatia asɔre nemɔ ɔ.

Galatiafoɛ 1:9

Yahã ye daa, na mekã ye bieku, sɛ ebie bakã nzɛmba foforɛ bɔ ɔne yɛ deɛ bɔ ɛmɔale bato nu ne bɛnzɛ a, abue bu ye!

Galatiafoɛ 4:14

Ɔwɔ nu kyɛ m’anwonyerɛ ne yɛle nzɔhwɛ mane ɛmɔ, nakoso ɛmɔammu me animtia, yeɛ ɛmɔambo me; na mmom ɛmɔlele me nyemene so kyɛ nyameɛso abɔfo, kyɛ ɛmɔkɔyɛ Kristo Yesu ne ala.

Deuteronomi 3:28

Nakoso fa w’adwuma ne wura Yosua sa, kanyane ye ná hyɛ ye nguraen, ofikyɛ ye yeɛ okotua mmenia hemɔ noa maa bɛkɔpɛ asue ne ɔ, na ye yeɛ ɔkɔma bɛ sa kɔha aseɛ bɔ ekonwu ye ne ɔ.’

1 Tɛsalonikafoɛ 3:2

na yɛsomane aliɛmaa Timoteo bɔ ɔte Nyameɛ somvoɛ, ná ɔne yɛ yɔ Kristo nzɛmba ne nwo adwuma ne, kyɛ ɔɔhyɛ ɛmɔ nguraen ná ɔma ɛmɔ gyidie gyina pindinn;

1 Tɛsalonikafoɛ 4:18

Yiti ɛ́mɔfa edwirɛ hemɔ bɛ́kyekye ɛmɔ wora.

1 Tɛsalonikafoɛ 5:14

Afei koso aliɛmaa mɔ, yɛsrɛ ɛmɔ kyɛ, ɛ́mɔbɔ bɛ bɔ bɛnate basabasa nemɔ kɔkɔ, ɛ́mɔkyekye bɛ bɔ b’abasa nu abu nemɔ wora, ɛ́mɔboka bɛ bɔ bayɛ mmerɛ ne, ná ɛ́mɔnya sona biala nwo aboterɛ.