Asomafoɛ 18:19 - AHYERƐLƐ KRONGRON

¹⁹ Bedwuli Ɛfeso nen, ɔyakyili bɛ wɔ berɛ; na ye de, ɔhɔle nyianu sua nu ɔne Yudafoɛ bɛɛyɛle ngyerɛkyerɛ.

Asomafoɛ 18:19 Iomraidhean Croise

Asomafoɛ 18:20

Na bɛsrɛle ye kyɛ ɔne bɛ tena berɛ kãa, nakoso wambene.

Asomafoɛ 18:21

Na mmom ɔhrale bɛ kyɛ, “Sɛ Nyameɛ ma ate a, ngosa ngɔwa ɛmɔ wa.” Na ɔfale ɛlɛen fili Ɛfeso hɔle.

Asomafoɛ 18:24

Yudaniɛ bie bɔ bɛfrɛ ye Apolo, bɔ bɛwole ye Aleksandria ɔ, ɔwale Ɛfeso. Ɔte sona bɔ ye noa ate ná afei wasa wabe wɔ Ahyerɛlɛ ne anu paa.

Asomafoɛ 18:4

Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.

Asomafoɛ 19:1

Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,

Asomafoɛ 19:17

Yudafoɛ amukoraa ne Helafoɛ amukoraa bɔ bɛwɔ Ɛfeso bɛtele sɔ dwirɛ nen, bɛ mukoraa besurole, na bɛyele Awurade Yesu dumaa ayɛ piri paa.

Asomafoɛ 19:26

Na ɛmɔnwu ye, yeɛ ɛmɔte kyɛ sɔ Pɔɔlo ne nwa, nyameɛ mɔ bɔ kuro sona afa ye sa wayɔ ne de bɛtte nyameɛ mɔ koraa; na watu mmeni pee foɛ wasesã b’adwene: nna Ɛfeso wa angome ɔ, na mmom Asia mbɔtam amukoraa.

Asomafoɛ 19:28

Mmerɛ bɔ bɛtele sɔ dwirɛ nen, b’ahone huli, na bɛteateane nu kyɛ, “Ɛfesofoɛ Ateme te kokuroko!”

Asomafoɛ 19:35

Afei kuro berɛ krakye panyi ne neane maa ɛlɔen ne yɛle dinn ne, osele bɛ kyɛ, “Ɛfesofoɛ, ɛmɔ nu nwa yeɛ ɔnze kyɛ Ɛfeso kuro ye yeɛ ɔbɔ Ateme kokuroko asɔneyɛɛ sua ɔne nyɔboɛ bɔ ofi anwuro wale ne nwo waen ɔ?

Asomafoɛ 20:16

Né Pɔɔlo ayɛ ye adwene kyɛ ongogyina Ɛfeso amaa wanzɛkye mmerɛ wɔ Asia mbɔtam, ofikyɛ né ɔpe ndɛen kyɛ sɛ ɔkɔyɛ yee a, okodwu Yerusalem wɔ Pɛntekɔso kyẽa ne.

Asomafoɛ 20:17

Pɔɔlo tole Ɛfeso asɔre mbanyi ne ngraa fili Mileto kyɛ bɛbra bɛbra.

Asomafoɛ 21:29

Né bali moa banwu Trofimo bɔ ofi Ɛfeso kyɛ ɔboka Pɔɔlo so wɔ kuro ne anu, yiti besusuli kyɛ Pɔɔlo afa ye ahɔ asɔneyɛɛ sua ne anu.

1 Korintofoɛ 15:32

Na sɛ anwoɔnaen nu mvasoɛ ti yeɛ me ne ngekaboa yɛhone Ɛfeso de a, né mvasoɛ beni yeɛ ngonya ɔ? Yiti sɛ awufoɛ ngodwɔso de a, nzaade “ɛmɔma yɛdidi na yɛno, ofikyɛ ɛhema né yawu.”

1 Korintofoɛ 16:8

Nakoso ngɔtena Ɛfeso wa maa okoodwu Pɛntekɔso.

Ɛfesofoɛ 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ ne, mefa mebrɛ anwoteefoɛ bɔ bɛwɔ Ɛfeso bɔ bɛte Kristo Yesu nu agyidifoɛ ne.

1 Timoteo 1:3

Mmerɛ bɔ né mekɔ Makedonia nen, nzrɛle wɔ kyɛ ɛtena Ɛfeso, ná etu mmenia biemɔ foɛ kyɛ nnɛmaa bekyirekyire ngyerɛkyerɛ foforɛ,

2 Timoteo 1:18

Mesrɛ Awurade kyɛ ɔma Awurade nwu ye anwumvoin wɔ Kyẽa ne. Na wɔ bɔbɔ ɛse ɛsolɛ worawora bɔ ɔsole me wɔ Ɛfeso ɔ.

2 Timoteo 4:12

Masoma Tihiko wɔ Ɛfeso.

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe: