Asomafoɛ 18:12 - AHYERƐLƐ KRONGRON

¹² Mmerɛ bɔ né Galio te amrado wɔ Akaia nen, Yudafoɛ nemɔ yɛle ko, bɛhyele Pɔɔlo, na bɛhwene ye bɛhɔle badwafoɛ nyunu.

Asomafoɛ 18:12 Iomraidhean Croise

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Yohane 19:13

Na Pilato tele sɔ dwirɛ nen, ɔfale Yesu fite wale, na ɔtenane ndɛenbualɛ bia nu, wɔ nekaa bie bɔ bɛfrɛ berɛ Nyɔboɛ Pato nu, bɔ Hebri dwudwolɛ nu bɛfrɛ ye Gabata.

Asomafoɛ 13:12

Na mmerɛ bɔ amrado ne nwuni bɔ wasi nen, olelili, ɔnate kyɛ Awurade nwo ngyerɛkyerɛ ne yɛle ye nwanwa paa.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 13:7

Né sɔ biaa ne te supɔ ne aso amrado badwemaniɛ bɔ bɛfrɛ ye Sɛgio Pɔɔlu n’abiɛngo. Amrado ne somane maa bɛɛfale Banaba ne Sɔɔlo bɛwale berɛ, ɔnate kyɛ né okuro kyɛ otie Nyameɛ dwirɛ ne.

Asomafoɛ 13:8

Nakoso ngonyaayelɛniɛ Elima (sɔ yeɛ ye dumaa ne bo kyire ɔ) sili bɛ ate, na ɔbɔle mmɔden kyɛ ɔkɔhwe amrado ne kofi gyidie ne nwo.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Asomafoɛ 17:13

Nakoso mmerɛ bɔ Yudafoɛ bɔ bɛwɔ Tɛsalonika ne bɛtele kyɛ Pɔɔlo waahã Nyameɛ dwirɛ ne wɔ Bɛrea koso nen, bɛwale berɛ bɛɛto beguale mmenia nemɔ so anu bɛsɛkyele b’adwene.

Asomafoɛ 17:5

Nakoso Yudafoɛ bɔ banne banni ne, bɛ nye borole, yiti bɛfale ammɔbrafoɛ kekakekafoɛ biemɔ bɛbokale bɛ nwo so, bɛmane ɛlɔen yiale, na bɛmane kuro berɛ yɛle basabasa. Bɛpɛle Yason sua nwo beyiale, bɔ né bɛpena kyɛ bɛtwe bɛ befite bɛbrɛ ɛlɔen ne ɔ.

Asomafoɛ 18:11

Yiti Pɔɔlo lili berɛ afoɛ ko ne bosome nzia hane Nyameɛ dwirɛ ne hyirele berɛ ama.

Asomafoɛ 18:27

Na Apolo yɛle ye adwene kyɛ ɔkɔ Akaia nen, aliɛmaa nemɔ bɛhyɛle ye nguraen, na bɛhyerɛle krataa bɛɛmane asuafoɛ nemɔ kyɛ bele ye bɛto nu nyemene so. Oodwuli ne, ɔbokale bɛ bɔ bɛnate adom so bayɛ agyidifoɛ ne paa.

Asomafoɛ 19:21

Ɛhemɔ asi ne, Pɔɔlo nate Sunzum Krongron so yɛle ye adwene kyɛ ɔkwaapɛ nu Makedonia ne Akaia kɔ Yerusalem, na ɔhane kyɛ, “Sɛ medwu berɛ a, ɔsɛ kyɛ mekɔ Rome koso.”

Asomafoɛ 25:10

Na Pɔɔlo buale ye kyɛ, “Ngyi Kaesare bɔbɔ deinn ye kɔɔto, na ɛwa yeɛ ɔsɛ kyɛ bedi me dwirɛ ɔ. Na kyɛbɔ wɔ bɔbɔ ɛse ne, nnyɔle Yudafoɛ bɔne biala.

Romanfoɛ 15:26

Ofikyɛ Makedonia ne Akaia asɔremma banya anika bakekã bɛ sa ase kyɛ ngɔmva mmoka anwoteefoɛ ehiafoɛ bɔ bɛwɔ Yerusalem ne.

Romanfoɛ 16:5

Ɛ́mɔbisa asɔre bɔ ɔwɔ b’awuro ne ahye bɛ́ma me. Ɛ́mɔbisa me dɔfo Ɛpaneto bɔ olili moa lele Kristo lili wɔ Asia ne ahye bɛ́ma me.

1 Korintofoɛ 16:15

Aliɛmaa mɔ, ɛmɔse Setefana ne ye abusuafoɛ nwo dwirɛ; bɛ yeɛ belili moa bɛyɛle agyidifoɛ wɔ Akaia ɔ, na batu bɛ nwo basie berɛ bama anwoteefoɛ solɛ.

2 Korintofoɛ 1:1

Krataa he fi me, Pɔɔlo, bɔ ɔnate Nyameɛ pɛ so nde Kristo Yesu somafoɛ berɛ. Me ne aliɛmaa Timoteo yeɛ yɛhyerɛle ɔ. Yɛ́fa yɛbrɛ Nyameɛ asɔre bɔ ɔwɔ Korinto, ɔne anwoteefoɛ amukoraa bɔ bɛwɔ Akaia mukoraa ɔ.

2 Korintofoɛ 11:10

Kristo nwo nahorɛ dwirɛ wɔ me nu, yiti ebiala ngɔhora ngɔma mengɔyakyi me nwo hoahoalɛ wɔ Akaia manzini nu.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.

2 Korintofoɛ 9:2

Ofikyɛ, mese kyɛ ɛmɔkuro kyɛ ɛmɔkɔboka, na mefa ɛmɔ mehoahoa me nwo mekyire Makedoniafoɛ kyɛ, ofi afoɛ hene yeɛ ɛmɔ, Akaiafoɛ, ɛmɔaboaboa bɛ nwo kyɛ ɛmɔkɔboka ɔ, na ɛmɔ mmɔdenbɔlɛ ne akanyane mmeni pee.

1 Tɛsalonikafoɛ 2:14

Aliɛmaa mɔ, Nyameɛ asɔre mɔ bɔ bɛwɔ Yudea wɔ Yesu Kristo nu ne, agyirɛ bɔ betuli ne, ebiala yeɛ ɛmɔ koso ɛmɔatu ne; ofikyɛ ɛmɔ koso ɛmɔanwu amaneɛ wɔ ɛmɔ bɔbɔ ɛmɔ mmenia bɛ sa nu, kyɛbɔ Yudafoɛ fa yɛle bɛ koso ne ala.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

Yakobo 2:6

Nakoso ɛmɔbu ehianiɛ animtia! Aso nna sikafoɛ yeɛ bɛhyɛ ɛmɔ so ɔ, aso nna bɛ yeɛ bɛtwe ɛmɔ bɛkɔ badwafoɛ nyunu ɔ?