Asomafoɛ 17:7 - AHYERƐLƐ KRONGRON

⁷ na Yason asikye bɛ wɔ ye awuro. Bɛ mukoraa bebu Kaesare mmeraa so, na bɛnwa ɛhene bieku koso wɔ berɛ bɔ oli Yesu ɔ.”

Asomafoɛ 17:7 Iomraidhean Croise

Daniel 3:12

Nana, Yudafoɛ biemɔ wɔ berɛ bɔ atu bɛ asie berɛ kyɛ bɛnea Babilɔn maen ne aso ɔ, bɔ bɛ ole Sadrake, Mesake ne Abedinego ɔ. Nana, sɔ mmenia nemɔ bɛmva wɔ dwirɛ bɛnyɛ huu oo; bɛnzɔne wɔ nyameɛ nemɔ, yeɛ bɛnzɔne sikaa kɔkorɛ amoen bɔ agyina ne.”

Daniel 6:13

Yeɛ besele ɛhene ne kyɛ, “Sɔ Daniel ne, bɔ ɔte mmenia bɔ bɛhyele bɛ nnure befili Yuda nemɔ anu ko ne, Nana, ommu wɔ, yeɛ ɔmva mmeraa bɔ wɔ sa wura ye bo ne nyɛ huu, na mmom ɛlɛho biala ɔbɔ ye mbaeɛ ne pɛen nza.”

Luka 10:38

Na ɔwale kyɛ bɛ́kɔ nen, oodwuli akuraa bie anu; na braa bie bɔ bɛfrɛ ye Maata ɔ ɔfale ye oosikyele ye wɔ ye awuro.

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Yohane 19:12

Na ofi sɔ mmerɛ ne, Pilato penane atee bɔ ɔkɔfa so kɔyakyi ye ɔ, nakoso Yudafoɛ nemɔ teateane nu kyɛ, “Sɛ ɛyakyi sɔ akoaa he a, ye de nna wɔ damvo ole Kaesare; na ebiala bɔ ɔyɛ ye nwo ɛhene ne, ɔko tia Kaesare.”

Asomafoɛ 16:21

Bekyire amanneɛ bɔ otia yɛ Romanfoɛ mmeraa, bɔ ɔyɛ se kyɛ yɛkole yɛkɔto nu, anaakyɛ yɛkoli so ɔ.”

Asomafoɛ 17:5

Nakoso Yudafoɛ bɔ banne banni ne, bɛ nye borole, yiti bɛfale ammɔbrafoɛ kekakekafoɛ biemɔ bɛbokale bɛ nwo so, bɛmane ɛlɔen yiale, na bɛmane kuro berɛ yɛle basabasa. Bɛpɛle Yason sua nwo beyiale, bɔ né bɛpena kyɛ bɛtwe bɛ befite bɛbrɛ ɛlɔen ne ɔ.

Asomafoɛ 17:8

Na ɛlɔen ne ne kuro ne anu mbanyi nemɔ tele sɔ dwirɛ nen, ɔhale bɛ paa.

Yakobo 2:25

Na sɔ ala koso, aso nna nnwumaa so yeɛ begyina bebuale adwamanbɔlɛniɛ Rahabo be ɔ, mmerɛ bɔ olele ɛbɔfoɛ nemɔ, ná ɔmaa bɛfale atee foforɛ so bɛhɔle ne?

1 Petro 2:15

Ofikyɛ bɔ Nyameɛ kuro kyɛ ɛmɔyɔ ɛhe: kyɛ ɛmɔkɔfa ɛmɔ bra paa ne bɛkɔhã ngwaseafoɛ noa bɛkɔto nu ɔ.