Asomafoɛ 17:4 - AHYERƐLƐ KRONGRON

⁴ Bɛ nu biemɔ lele edwirɛ ne lili, na bɛfale bɛ nwo bɛbɔle Pɔɔlo ne Silase; sɔ ala yeɛ Helafoɛ nyamesurofoɛ pee ne mmrasua atitirefoɛ pee koso yɔle ɔ.

Asomafoɛ 17:4 Iomraidhean Croise

Anyandera 13:20

Sɛ ɛne nworɛniɛ nate a, enwu nworɛ, nakoso sɛ ɛne ngwaseafoɛ bɛbɔ afɛ a, edwirɛ to wɔ.

Anyandera 9:6

Nnɛma ɛmɔfa ɛmɔ nwo bɛbɔ ngwaseafoɛ, na ɛmɔkonya ngoa, na ɛ́mɔfa ndeaseɛ atee so.”

Edwein Nu Dwein 6:1

O, wɔ bɔ w’anwonyemene tra mmrasua mu ɔ, nisua yeɛ wɔ kurofoɛ ne wahɔ ɔ? Nisua yeɛ ɔfale ye nye hyirele ɔ, ná yɛne wɔ yɛɛpena ye?

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Yohane 7:35

Yeɛ Yudafoɛ nemɔ sisele bɛ nwo kyɛ, “Nisua yeɛ biaa he ɔbaahɔ bɔ yɛngonwu ye ɔ? Ɔbaahɔ bɛ bɔ babɔ aya bahɔ Helafoɛ mɔ nu ne berɛ ɔkɔyɛ ngyerɛkyerɛ kyire Helafoɛ anaa?

Asomafoɛ 13:43

Na mmenia bɔ bɛwɔ nyianu sua ne anu ne, bɛpɔnone ná bɛpakyepakyele nu ne, Yudafoɛ pee ne Amaenmaensofoɛ pee bɔ basɔ Yudasom nu ɔ belili Pɔɔlo ne Banaba si; na asuafoɛ nyɔ ne tuli bɛ foɛ kyɛ bɛhɔ so bɛfa bɛ nwo bɛto Nyameɛ adom ne aso.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 14:1

Na ɔwale kyɛ Yikoniom koso, bɛ munyɔ bɛhɔle Yudafoɛ nyianu sua nu, na kyɛbɔ besi bedwudwole ne, ɔmane Yudafoɛ ne Helafoɛ pee bele belili.

Asomafoɛ 14:4

Nakoso kuro berɛ ama nu hyɛle nyɔ; bue ko gyi Yudafoɛ nemɔ si, yeɛ bue ko koso gyi asomafoɛ nemɔ si.

Asomafoɛ 15:22

Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ,

Asomafoɛ 15:27

Yiti yasoma Yudase ne Silase, na bɛ bɔbɔ bɛkɔhã edwirɛ biala bɔ ɔwɔ krataa ne anu bekohyire ɛmɔ.

Asomafoɛ 15:32

Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ.

Asomafoɛ 15:40

nakoso Pɔɔlo de, ɔfale Silase bokale ye nwo so. Agyidifoɛ ne fale Pɔɔlo wurale Awurade adom ne sa, na osili nu hɔle.

Asomafoɛ 16:3

Né Pɔɔlo kuro kyɛ ɔfa Timoteo boka ye nwo so ɔne ye bɛkɔ, yiti ɔpɛle ye bienzua, ɔnate kyɛ né Yudafoɛ bɔ bɛwɔ porɛ ne anu berɛ mukoraa se kyɛ ye baba te Helaniɛ.

Asomafoɛ 17:10

Na aleɛ sane pɛ, aliɛmaa nemɔ mane Pɔɔlo ne Silase bɛhɔle Bɛrea. Beedwuli ne, bɛhɔle Yudafoɛ nyianu sua nu.

Asomafoɛ 17:12

Yiti bɛ nu pee, yeɛ afei Hela mmrasua atitirefoɛ pee ne Hela mmienzua pee lele edwirɛ ne lili.

Asomafoɛ 17:14

Na berɛ ne ala agyidifoɛ ne guale Pɔɔlo ate maa ɔhɔle mboanoa, nakoso Silase ne Timoteo de, bɛhale Bɛrea.

Asomafoɛ 17:17

Yiti ɔne Yudafoɛ ne Amaenmaensofoɛ nyamesurofoɛ bɛyɛle mbɛnzɛmbɛnzɛmuɛ wɔ nyianu sua nu, na daa biala ɔne bɛ bɔ bɛwɔ dwaaso koso yɔle sɔ ala.

Asomafoɛ 17:34

Nakoso mmenia ne bie fale bɛ nwo bɛbɔle ye bɛyɛle agyidifoɛ; ebiemɔ ole Dionisio bɔ ɔboka Areopago fekue ne aso ne, yeɛ afei braa bie bɔ oli Damari, ɔne ebiemɔ bɔ bɛboka bɛ so ɔ.

Asomafoɛ 18:4

Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.

Asomafoɛ 19:10

Ɛhe hɔle so sɔ alaa afoɛ nyɔ, na ɔmane bɛ bɔ bɛwɔ Asia mbɔtam berɛ amukoraa, Yudafoɛ ne Helafoɛ, bɛtele Awurade nwo dwirɛ ne.

Asomafoɛ 2:44

Agyidifoɛ ne amukoraa bɛhɔle so beyiale neka horɛ, na ebiala nningyein yɛle obiɛngo deɛ.

Asomafoɛ 21:28

na bɛteane nu kyɛ, “Yisraelfoɛ ee, ɛmɔbra oo, na sona bɔ ɔnate ɔyɛ ngyerɛkyerɛ kyire mmenia wɔ nekaa biala fa tia Yisraelfoɛ ne Mose mmeraa ne asɔneyɛɛ sua ne ɛhe oo! Na wasa wafa Helafoɛ po wawa asɔneyɛɛ sua ne anu waagua Nekaa Krongron ne nwo fiɛ.”

Asomafoɛ 28:24

Bɛ nu biemɔ lele bɔ ɔhane ne lili, nakoso ebiemɔ de, banne banni.

Asomafoɛ 4:23

Bɛyakyili Petro ne Yohane nene, besa bɛwale bɛ mmango nemɔ berɛ, na bɛhane bɔ asɔfo mbanyi ne maen mbanyi nemɔ bɛhane ne amukoraati behyirele bɛ.

2 Korintofoɛ 8:5

Nna bɔ yɛsusuli ne ngome po yeɛ bɛyɔle ɔ, na mmom ɔnate Nyameɛ pɛ so belili moa bɛfale bɛ nwo bɛmane Awurade, na afei bɛyɔle sɔ bɛmane yɛ koso.