Asomafoɛ 17:26 - AHYERƐLƐ KRONGRON

²⁶ na ɔbɔle mmenia bɔ bɛwɔ maen amukoraa nu fili sona komapɛ nu maa bɛtenane aseɛ ye aso amukoraa. Na ɔhyehyɛle mmerɛ ahoroɔ ne nekaa biala bɔ bɛkɔtena ɔ ye wɛen so tole berɛ mane bɛ,

Asomafoɛ 17:26 Iomraidhean Croise

Gyenesise 3:20

Na biaa ne tole ɔye ne dumaa Hawa, ofikyɛ ɔte teasefoɛ mukoraati bɛ ni.

Gyenesise 9:19

Né sɔ mmenia nza hemɔ te Nowa mma, na bɛ yeɛ besuli aseɛ so mmenia mukoraati ɔ.

YOB NWOMAA NE 12:23

Ɔma maen mɔ so, yeɛ osa bɔ bɛ, ɔma maen mɔ trɛ, na osa maa bɛbɔ aya.

YOB NWOMAA NE 14:5

Ɔnate kyɛ, ye ngoa bɔ okonya ye ne, ahyehyɛ ye tendenn ato berɛ, ɔne bosome somaa bɔ okonya ye ɔ ato berɛ, yeɛ apɛ ɛwɛen ato berɛ bɔ ɔngɔhora ye tra ɔ ne ati,

Edwein 31:15

Wɔ sa nu yeɛ me hyɛberɛ wura ɔ; me pɔfoɛ mɔ ne bɛ bɔ bɛtane me nye ne, pepɛ de me fi bɛ sa nu.

Edwein 74:17

Wɔ yeɛ ɛtole aseɛ ye noa amukoraa ɛwɛen ɔ, wɔ yeɛ ɛhyehyɛle ahuhuro ne prakasua mmerɛ ɔ.

Yesaya 14:31

O pambim, bɔ awuye; kuro piri, sũ serɛserɛ, O Filistia amukoraa, ma wɔ kunu tete wɔ! Ofikyɛ nwosina fi sorɔ dɔ ótu ba, na ye lɔen ne, ebiala ngɔte ye nwo ngɔha nziɛ.

Yesaya 34:17

Ye yeɛ wahyehyɛ aseɛ ne anu wafa wama bɛ ɔ, ye sa afa nyamaa wahyehyɛ nu wama bɛ, bɛkɔfa bɛkɔyɛ bɛ deɛ afebɔɔ, na bɛkɔtena so kofi aworɛ ndoatoasoɛ so kodwu aworɛ ndoatoasoɛ so.

Yesaya 45:21

Ɛ́mɔdwudwo, ɛ́mɔbɔ ɛmɔ nguro; maa bɛbɔ nu bɛhɔ agyina! Nwa yeɛ ɔhane sɔ dwirɛ ne tole berɛ fili tetetete ɔ? Nwa yeɛ ofi daa tete ne ɔfa tole dwaa ɔ? Aso nna me, AWURADE ɔ? Nyameɛ biala nne berɛ, sana me ngome, nde Nyameɛ bɔ ɔtengyɛ bɔ ode ngoa ɔ, ebiala nne berɛ, sana me ngome.

Yeremia 27:5

“Me yeɛ mvale me tumi piri ne me tumi asaa mmɔle aseɛ, so mmenia ne so ngaka ɔ, na mefa mema ebiala bɔ me bɔbɔ mekuro ɔ.

Daniel 11:27

Nakoso ahemvo nyɔ nemɔ de, nzɛmmɔne yeɛ ɔkɔwa bɛ ti anu ɔ, na bɛkɔtena didipono ko anwo bɛkɔhã ngondombo dwirɛ; nakoso bɛ porɛbɔlɛ ne kɔyɛ mbaen, ofikyɛ mmerɛ bɔ bahyehyɛ bato berɛ ne dwu a, yeɛ b’ayieleɛ kɔwa ɔ.

Daniel 11:35

Bɛ bɔ bɛte badwemma ne, nu biemɔ kɔtotɔ, maa ɔnate so bɛkɔfa bekosale bɛ nwo, bɛkɔfa bɛkɔte bɛ nwo, bɛkɔfa bɛkɔma bɛ nwo kɔyɛ fitaa koodwu ayieleɛ mmerɛ ne; ofikyɛ sɔ mmerɛ ne kɔwa kyɛbɔ bahyehyɛ bato berɛ ne ala.

Malaki 2:10

Aso nna Seɛ komapɛ yeɛ yɛ mukoraa yɛle ye ɔ? Aso nna Nyameɛ komapɛ yeɛ ɔbɔle yɛ ɔ? Na ɔwale ye sɛ bɔ ebiala pepɛ ngondombo okyire obiɛngo, bɔ yɛfa yɛgua yɛ nana mɔ apam ne anwo fiɛ ɔ?

Asomafoɛ 14:17

nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”

Asomafoɛ 15:18

Awurade bɔ ɔmaa yɛnwuni ɛhe fili tetetete ne, ye noa dwirɛ ɛne.’ ”

1 Korintofoɛ 15:22

Na kyɛbɔ ɔnate Adam ti mmenia mukoraa nya ewue ne, sɔ ala yeɛ Kristo ti bɛ mukoraa bekonya ngoa ɔ.

1 Korintofoɛ 15:47

Bele nnɛterɛ yeɛ bɛbɔle sona bɔ oli moa ne ɔ, ofi nnɛterɛ nu. Sona bɔ ɔtɔ so nyɔ ne ole Awurade bɔ ofi nyameɛso ne.

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.