Asomafoɛ 17:25 - AHYERƐLƐ KRONGRON

²⁵ yeɛ nna sona sa yeɛ bɛfa bɛsɔne ye ɔ, kyɛ ebiaa ohia nikyee bie ɔ; ofikyɛ ye bɔbɔ yeɛ ɔma sona biala ngoa ne nwomeɛ ne nikyee biala ɔ;

Asomafoɛ 17:25 Iomraidhean Croise

Gyenesise 2:7

Na AWURADE Nyameɛ fale aseɛnwo nnɛterɛ nwone kuro sona, na olele ngoa nwomeɛ guale ye bonyi anu, na kuro sona ɔɔyɛle teasefoɛ.

YOB NWOMAA NE 12:10

Abɔdeɛ biala bɔ ole ngoa ne, ye sa nu yeɛ ye ngoa wura ɔ, yeɛ ye sa nu yeɛ sona biala ye nwomeɛ wura ɔ.

YOB NWOMAA NE 22:2

“Aso dasaniɛ nwo kɔhora konya mvasoɛ kɔma Nyameɛ anaa? Nworɛniɛ po, aso ye nwo le mvasoɛ ma ye anaa?

YOB NWOMAA NE 27:3

kyɛbɔ ndɛ te ngoa nu ye, bɔ Nyameɛ nwomeɛ tɛwɔ me nu ye de,

YOB NWOMAA NE 33:4

Nyameɛ Sunzum yeɛ ɔbɔle me ɔ, na Tuminiɛ ne, ye nwomeɛ yeɛ ɔma me ngoa ɔ.

YOB NWOMAA NE 34:14

Ye sunzum ne, sɛ osa de ye nikye, ná ye nwomeɛ ne koso osa de ye nikye a,

Edwein 16:2

Meka mekyire AWURADE kyɛ, “Wɔ yeɛ ɛte me Mene ɔ; nnne nikye paa biala, sana wɔ ngome.”

Yesaya 42:5

AWURADE Nyameɛ bɔ ɔbɔle anwuro ná ɔtrɛtrɛle nu ne, ye bɔ ɔbayele aseɛ nu, ɔne bɔ ofi nu ba biala nu tole berɛ ne, ye bɔ ɔma so mmenia nwomeɛ, ná ɔma bɛ bɔ bɛnate so sunzum ne, ɔnwa nyoo:

Yesaya 57:16

Mengɔbɔ kwaadu afebɔɔ, yeɛ m’ahone koso ngohu daa, anyɔ a, sona sunzum ne ye kra bɔ me yeɛ mabɔ ne, bɛkɔyɛ mmerɛ wɔ me nyunu.

Yeremia 38:16

Yeɛ Nana Sedekia feale ye nwo tale ndaen hyirele Yeremia kyɛ, “Kyɛ AWURADE bɔ ɔbɔle yɛ kra ɔte ase ye, mengohu wɔ, yeɛ mengɔfa wɔ mengowura bɛ bɔ bɛpena wɔ beku wɔ nemɔ bɛ sa.”

Sakaria 12:1

AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:

Numeri 16:22

Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Numeri 27:16

“AWURADE bɔ ɛte anwoɔnaen amukoraati, bɛ sunzum Nyameɛ ne, ye sona maa otua maen ye anoa,

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Mateo 9:13

Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”

Asomafoɛ 14:17

nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”

Asomafoɛ 17:28

Ofikyɛ, ‘Ye nu yeɛ yɛte ase, yɛkɔ yɛba, ná yɛnya ngoa ɔ’; kyɛbɔ ɛmɔ edweintolɛfoɛ ne biemɔ bahã kyɛ, ‘Ofikyɛ yɛ koso yɛte ye mma.’

Romanfoɛ 11:35

Anaakyɛ nwa yeɛ wali moa wahyɛ ye nikye, bɔ ɔsɛ kyɛ ɔyɔ bie tua ye kerɛ ɔ?”

Deuteronomi 30:20

Kuro AWURADE wɔ Nyameɛ dwirɛ, tie ye dwirɛ, ná fa wɔ nwo bɔ ye; ofikyɛ, sɔ yeɛ ɔkɔmaa ekonya ngoa ná anyi ahyɛ ɔ. Na ɛkɔtena aseɛ bɔ AWURADE tale ndaen kyɛ ɔkɔfa kɔma wɔ nana mɔ Abraham, Yisake ne Yakob ne aso.”

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.