Asomafoɛ 17:24 - AHYERƐLƐ KRONGRON

²⁴ Nyameɛ bɔ ɔbɔle wiase ne nu nningyein amukoraa ne, ye bɔ ɔte nyameɛso ne aseɛ Mene ne, nna asɔneyɛɛ sua mɔ bɔ bafa bɛ sa basi ɔ nu yeɛ ɔte ɔ,

Asomafoɛ 17:24 Iomraidhean Croise

Gyenesise 1:1

Ahyɛaseɛ ne, Nyameɛ bɔle anwuro ne aseɛ.

Gyenesise 14:19

Oyirale ye kyɛ, “Anwuro Anwuro Nyameɛ, bɔ ɔbɔle anwuro ne aseɛ ne, óyira Abram;

Gyenesise 14:22

Nakoso Abram sele Sodom hene ne kyɛ, “Mata ndaen mahyire AWURADE, Anwuro Anwuro Nyameɛ bɔ ɔbɔle anwuro ne aseɛ ne,

1 Ahemvo 8:27

Nakoso Nyameɛ, aso ɛkɔtena aseɛ ye aso amba? Eh! Nyameɛso ne nyameɛso anwuro anwuro po, ɔte kãa ma wɔ, ná wayɛ kyɛ sua he bɔ masi ye!

2 Ahemvo 19:15

Na Hesekia bɔle mbaeɛ wɔ AWURADE nyunu kyɛ, “Ao AWURADE Yisrael Nyameɛ bɔ ɛte w’ahennie bia so wɔ kɛrubim mɔ b’afia ɔ, wɔ wiase ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

2 Aberɛso Dwirɛ 2:6

Na nwa koraa yeɛ ɔkɔhora kosi sua kɔma ye ɔ, ofikyɛ nyameɛso anwuro anwuro dɔ po ne, berɛ te kãa ma ye. Me ole nwa bɔ odi kyɛ mesi sua mema ye ɔ, sana nekaa bɔ bɛkɔbɔ afɔleɛ wɔ ye nyunu ɔ?

2 Aberɛso Dwirɛ 6:18

“Nakoso Nyameɛ, aso ɛne mmenia bɛkɔtena aseɛ ye aso amba? Eh, nyameɛso ne nyameɛso anwuro anwuro po, ɔte kãa ma wɔ, nna wayɛ kyɛ sua he bɔ masi ye!

Edwein 115:16

Anwuro te Nyameɛ ye deɛ, nakoso aseɛ de, wafa wama adasa mmaa.

Edwein 146:5

Sona bɔ ye bokafoɛ ole Yakob Nyameɛ, bɔ ye wora wura AWURADE ye Nyameɛ nu ne, onya saleɛ.

Edwein 148:13

Odi kyɛ bɛye AWURADE dumaa ne ayɛ, ofikyɛ ye ngome yeɛ ye dumaa te piri ɔ; ye animnyam trɛ ɔbo aseɛ ne nyameɛso so.

Edwein 24:1

Aseɛ ye, ɔne so nningyein amukoraa bɛte AWURADE deɛ; ewiase ne bɔ ɔwɔ nu amukoraa bɛte ye deɛ,

Yesaya 40:12

Nwa yeɛ wabɔ ye sa nonongu wasusu ɛpo nzue ɔ, anaa wafa ye sa mmɛseka wasusu ewienu ɔ, anaa wafa kwangoa wasusu aseɛ so mvuture ɔ, anaa wafa tonyi wahari mmokaa mɔ ɔ, anaa wafa asusudeɛ wahari pambaa mɔ ɔ?

Yesaya 40:28

Aso ɛnze? Aso ɛttele? AWURADE te Ɛdangama Nyameɛ, bɔ ɔbɔle aseɛ fi ye ti kɔkã ye ti ɔ. Ɔmvɛ, yeɛ ye nwo nyɛ ye bɛtɛɛ, na ye nworɛ bo sona ndeaseɛ so.

Yesaya 42:5

AWURADE Nyameɛ bɔ ɔbɔle anwuro ná ɔtrɛtrɛle nu ne, ye bɔ ɔbayele aseɛ nu, ɔne bɔ ofi nu ba biala nu tole berɛ ne, ye bɔ ɔma so mmenia nwomeɛ, ná ɔma bɛ bɔ bɛnate so sunzum ne, ɔnwa nyoo:

Yesaya 45:18

Ofikyɛ AWURADE bɔ ɔbɔle anwuro, Nyameɛ bɔ ɔhyehyɛle aseɛ ná ɔyɔle ne, ye bɔ ɔbɔle aseɛ tole berɛ ne, ye bɔ wammɔ ye sesakaa wando berɛ, na mmom ɔbɔle ye kyɛ bɛtena so ne, ɔnwa nyoo: “Me ole AWURADE bɔ ebiala nne berɛ bɔ ɔboka me so ɔ.

Yesaya 66:1

AWURADE nwa nyoo: “Nyameɛso te m’ahennie bia, yeɛ aseɛ te me gya ndiasoɛ; nzikyɛ sua koraa yeɛ ɛmɔkosi bɛkɔma me ɔ, nisua yeɛ ngole me nwome ɔ?

Yeremia 10:11

Yiti ɛmɔhã behyire bɛ kyɛ, nyameɛ mɔ bɔ nna bɛ yeɛ bɛbɔle anwuro ne aseɛ ne, bɛ boso kotu komini kofi aseɛ ye aso ne ewienu abo.

Yeremia 23:24

Aso ebie kɔhora kɔfea wɔ mvealeɛ nu bɔ mengonwu ye ɔ? AWURADE noa dwirɛ ɛne. Aso menyi nyameɛso ne aseɛ so tɛkyɛ anaa? AWURADE noa dwirɛ ɛne.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Sakaria 12:1

AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:

Malaki 2:10

Aso nna Seɛ komapɛ yeɛ yɛ mukoraa yɛle ye ɔ? Aso nna Nyameɛ komapɛ yeɛ ɔbɔle yɛ ɔ? Na ɔwale ye sɛ bɔ ebiala pepɛ ngondombo okyire obiɛngo, bɔ yɛfa yɛgua yɛ nana mɔ apam ne anwo fiɛ ɔ?

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Mateo 5:34

Na me de, mekã mekyire ɛmɔ kyɛ, Nnɛma ɛmɔta ndaen koraa. Nnɛma ɛmɔfa anwuro bɛta ndaen, ɔnate kyɛ ɔte Nyameɛ ahennie bia,

Luka 10:21

Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Yohane 1:1

Ahyɛaseɛ ne, né Edwirɛ ne wɔ berɛ, né Edwirɛ ne ne Nyameɛ yeɛ bɛwɔ berɛ ɔ, na Edwirɛ ne ala yeɛ ɔte Nyameɛ ɔ.

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 4:24

Na bɛtele sɔ dwirɛ nen, bɛyɛle ko bɛmane bɛ komvi so bɛbɔle mbaeɛ behyirele Nyameɛ kyɛ, “Awurade Nyameɛ bɔ ɛbɔle anwuro ne aseɛ ne ɛpo ne bɔ ɔwɔ bɛ nu amukoraa ɔ,

Asomafoɛ 7:48

Nakoso Nyameɛ bɔ ɔwɔ anwuro anwuro ne, ɔndena sua bɔ kuro sona wafa ye sa wasi ɔ nu, kyɛbɔ ngɔmhyɛlɛniɛ ne kã kyɛ,

Romanfoɛ 1:19

Ɔnate kyɛ nikyee biala bɔ ɔsɛ kyɛ benwu ye fa Nyameɛ nwo ne, wala ye ali pefee wahyire bɛ.

Deuteronomi 10:14

Ɔwɔ nu kyɛ anwuro ne nyameɛso anwuro anwuro, yeɛ aseɛ ne nu nningyein amukoraati te AWURADE wɔ Nyameɛ deɛ de,

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

Hebrifoɛ 3:4

Ɔnate kyɛ, sua biala kuro sona yeɛ osi ɔ, nakoso Nyameɛ yeɛ ɔyɔ nningyein mukoraa ɔ.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.