Asomafoɛ 17:20 - AHYERƐLƐ KRONGRON

²⁰ Ɔnate kyɛ yɛttele edwirɛ bɔ ɛkã ne bie le, na yɛpena kyɛ ekyire yɛ ye bo.”

Asomafoɛ 17:20 Iomraidhean Croise

Hosea 8:12

Mahyerɛ me mmeraa ne anu dwirɛ apee apee pee mama ye, nakoso bebuli bɛ kyɛ amanvrafoɛ nikye.

Marko 9:10

Yiti bɛmane edwirɛ ne hale bɛ ti anu, na bebisabisale bɛ nwo kyɛ: “Awufoɛ nu dwɔsolɛ ne, ye bo kyire sɛɛ koraa?”

Yohane 6:60

Na ye asuafoɛ nemɔ anu pee bɛtele sɔ dwirɛ nen, bɛhane kyɛ, “Ngyerɛkyerɛ he de, ɔyɛ se; nwa yeɛ ɔkɔhora kotie ɔ?”

Asomafoɛ 10:17

Mmerɛ bɔ Petro ne ye nwo besu aporowaa ɔpena nyekyire he abo nen, né mmenia bɔ Kɔneleo asoma bɛ ne babisabisa alaa baanwu Simɔn awuro. Né begyigyi awuro n’anoa nu berɛ.

Asomafoɛ 17:19

Yiti bɛ ne ye hɔle Areopago na bɛhane kyɛ, “Ɛkɔhora kohyire yɛ ngyerɛkyerɛ foforɛ bɔ ɛkã ye nwo dwirɛ ne bo?

Asomafoɛ 17:21

Ɔnate kyɛ, Atensefoɛ ne ɛwɔfoɛ mɔ bɔ baatena berɛ ne amukoraa, né bɛmbena nikye fee bɛnyɔ te kyɛ edwirɛ foforɛ bɔ bekonya bekotie anaakyɛ bɔ bɛkɔhã ɔ.

Asomafoɛ 2:12

Bɛ mukoraa bɛ nwo dwirili bɛ, na b’adwene yɛle bɛ naa; na bebisabisale bɛ nwo kyɛ, “Na ɛhe bo kyire sɛɛ?”

1 Korintofoɛ 1:18

Kristo mmeamudua ne nwo dwirɛ te ngwaseasɛm ma bɛ bɔ bɛwɔ so bemini ne, nakoso ɔte Nyameɛ tumi ma yɛ bɔ ogu so ode yɛ ngoa ne.

1 Korintofoɛ 1:23

Nakoso yɛ de, yɛbɔ Kristo bɔ bɛbɔle ye mmeamudua nu ne nwo dawure. Ɛhe te sundidua ma Yudafoɛ, yeɛ ɔte ngwaseasɛm ma Helafoɛ.

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

Hebrifoɛ 5:11

Yɛle ɛhe nwo dwirɛ pee paa yɛkã, nakoso nu hyirehyirelɛ kɔyɛ se; ofikyɛ ɛmɔkyɛ koraa né ɛmɔate dwirɛ bo.

1 Petro 4:4

Na ɔyɛ bɛ nwanwa kyɛ afei de, ɛmɔmva ɛmɔ nwo bɛmmɔ bɛ wɔ sɔ bra fiɛ basabasa ne anu ɔ, yiti bɛkekã ɛmɔ nwo dwirɛ tɛɛ.