Asomafoɛ 17:13 - AHYERƐLƐ KRONGRON

¹³ Nakoso mmerɛ bɔ Yudafoɛ bɔ bɛwɔ Tɛsalonika ne bɛtele kyɛ Pɔɔlo waahã Nyameɛ dwirɛ ne wɔ Bɛrea koso nen, bɛwale berɛ bɛɛto beguale mmenia nemɔ so anu bɛsɛkyele b’adwene.

Asomafoɛ 17:13 Iomraidhean Croise

1 Ahemvo 21:25

(Nahorɛ nu, ebiala nne berɛ bɔ otuli ye nwo siele berɛ yɔle bɔ ɔte bɔne wɔ AWURADE nyunu ɔ te kyɛ Ahabo, na ɔye Yesebɛl yeɛ né osi ye adua maa ɔyɔ bɔne ɔ.

Anyandera 15:18

Sona bɔ ye ahone pingye ye ne, ye nwo te ngondii, nakoso bɔ ye ahone nhu ndɛ ne de, ɔma mmenia ahone tɔ nzue nu.

Anyandera 28:25

Sona bɔ ye nye boro nikyee ne, ɔtwetwe ngondii ba, nakoso bɔ ɔfa ye wora wura AWURADE nu ne de, okoyie ye yé.

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Luka 12:51

Ɛmɔdwene kyɛ asomdwee yeɛ mafa mawa aseɛ so ɔ? Daabi oo, na mekã mekyire ɛmɔ kyɛ, ndetemuɛ ɔ.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Asomafoɛ 17:1

Pɔɔlo ne Silase bɛpɛle nu wɔ Amfipoli ne Apolonia bɛwale Tɛsalonika, nekaa bɔ Yudafoɛ nyianu sua wɔ ɔ.

Asomafoɛ 17:10

Na aleɛ sane pɛ, aliɛmaa nemɔ mane Pɔɔlo ne Silase bɛhɔle Bɛrea. Beedwuli ne, bɛhɔle Yudafoɛ nyianu sua nu.

Asomafoɛ 17:5

Nakoso Yudafoɛ bɔ banne banni ne, bɛ nye borole, yiti bɛfale ammɔbrafoɛ kekakekafoɛ biemɔ bɛbokale bɛ nwo so, bɛmane ɛlɔen yiale, na bɛmane kuro berɛ yɛle basabasa. Bɛpɛle Yason sua nwo beyiale, bɔ né bɛpena kyɛ bɛtwe bɛ befite bɛbrɛ ɛlɔen ne ɔ.

Asomafoɛ 20:4

Ɔne ɛhemɔ yeɛ bɛhɔle ɔ: Piro awa Sopata bɔ ofi Bɛrea; Aristako ne Sekunduse bɔ befi Tɛsalonika; Gayɔso bɔ ofi Dɛɛbi, Timoteo yeɛ Asiafoɛ Tihiko ne Trofimo.

Asomafoɛ 21:27

Na ɛlɛsoo bɔ bɛfa bɛpete bɛ nwo ne baaso nen, Yudafoɛ biemɔ bɔ befi Asia maen nu nwuni Pɔɔlo wɔ asɔneyɛɛ sua nu; yiti bɛsɛkyele ɛlɔen bɔ bayia berɛ n’adwene maa bɛhyele Pɔɔlo,

Asomafoɛ 6:12

Na besili maen ne ne maen mbanyi ne ahyerɛlɛfoɛ nemɔ adua, na bɛwale ye so bɛɛhyele ye, na bɛfale ye bɛhɔle badwa ne anyunu.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.