Asomafoɛ 17:12 - AHYERƐLƐ KRONGRON

¹² Yiti bɛ nu pee, yeɛ afei Hela mmrasua atitirefoɛ pee ne Hela mmienzua pee lele edwirɛ ne lili.

Asomafoɛ 17:12 Iomraidhean Croise

Marko 15:43

Yosef bɔ ofi Arimatea, badwafoɛ nemɔ anu ko bɔ bebu ye ɔ, bɔ né ye koso ɔ́nwondɛ Nyameɛ ahennie ne ɔ, osili ye hue ɔhɔle Pilato berɛ ɔɔsrɛle Yesu fuin ne.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 14:1

Na ɔwale kyɛ Yikoniom koso, bɛ munyɔ bɛhɔle Yudafoɛ nyianu sua nu, na kyɛbɔ besi bedwudwole ne, ɔmane Yudafoɛ ne Helafoɛ pee bele belili.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

1 Korintofoɛ 1:26

Afei aliɛmaa mɔ, ɛ́mɔkaye ɛmɔ frɛlɛ bɔ ɔfrɛle ɛmɔ ne. Sɛ ɛnea ye sona bue nu de a, ɛmɔ nu kãa bie yeɛ né bele dibea anaa bɛte nnehyeɛ ɔ.

Ɛfesofoɛ 5:14

Ɛhe ati yeɛ ɔkã kyɛ, “Wɔ bɔ alafe ne, tingye, ná dwɔso fi awufoɛ nu, na Kristo kɔta kɔma wɔ.”

Yakobo 1:10

yeɛ sikaniɛ koso, wɔ ase bɔ babrɛ ye ne anu, ofikyɛ ɔkɔpɛ nu kɔhɔ kyɛ eburo ndire nyerɛen.

Yakobo 1:21

Yiti ɛ́mɔgyi bra fiɛ ne bɔne yɔleɛ amukoraa bégua, ná ɛ́mɔfa anwobrɛaseɛ betira edwirɛ bɔ balua ye wɔ ɛmɔ nu ne anu, na ye yeɛ ɔkora de ɛmɔ kra ngoa ɔ.