Asomafoɛ 17:11 - AHYERƐLƐ KRONGRON

¹¹ Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.

Asomafoɛ 17:11 Iomraidhean Croise

YOB NWOMAA NE 23:12

Ye mmeraa bɔ wahyɛ ne, mmmuli so, na ye noa dwirɛ ne, ye nwo hia me maa mafa masie me ti anu.

Edwein 119:100

Me nimdeɛ tra mbanyi mɔ, ofikyɛ medi wɔ nhyehyɛleɛ so.

Edwein 119:148

Me nye gua so kɔngɔen amukoraa, na ɔnate so medwenedwene wɔ dwirɛ ne anwo.

Edwein 119:97

Ao, kyɛbɔ mesi mekuro wɔ mmeraa ne ɔ! Ye nwo yeɛ medwenedwene daa ɔ.

Anyandera 1:5

Odi kyɛ nworɛfoɛ betie benya nimdeɛ pee, ná nimdeɛfoɛ koso fa so bɛma b’adwene nu pi,

Anyandera 8:10

Ɛ́mɔfa me foɛtulɛ ne, na nnɛma ɛmɔfa ɛdwetɛ, ɛ́mɔfa nimdeɛ, na nnɛma ɛmɔfa sikaa kɔkorɛ paa;

Anyandera 9:9

Tu nworɛniɛ foɛ, na ɔkɔhɔ so konwu nworɛ; yeɛ kyirekyire teneneeniɛ nikye, na ɔkɔhɔ so konya nimdeɛ.

Yesaya 34:16

Ɛ́mɔpena AWURADE nwomaa ne bɛ́kenga. Ɛhemɔ anu ko po ngomini, ebiala nne berɛ bɔ obiɛngo kɔhwere ye ɔ, ofikyɛ ahyɛdeɛ ne fi AWURADE noa nu, na ye Sunzum yeɛ waboaboa bɛ noa ɔ.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Yeremia 2:21

Nakoso nnuale wɔ kyɛ bobe paa, bɔ baneanea nu baye bafi ye mma paa nu ɔ. Na ɔyɛle sɛɛ bɔ akakyi bobe bakaa mbaen bɔ mvasoɛ nne wɔ so ɔ?

Mateo 13:23

Na mmakaammaa bɔ beluale bɛ wɔ aseɛ paa so ne, ogyi berɛ ma ebiala bɔ ɔte edwirɛ ne ná ɔte ye bo ɔ; na ye yeɛ osu mmaa ɔ: ebie su ɛyaa, ebie su aburasia, yeɛ ebie su aburasa.”

Luka 1:2

kyɛbɔ bɛ bɔ ofi ye bohyɛlɛ ne bɛfale bɛ nye benwuni ye, bɔ bɛte edwirɛ ne nwo asomvoɛ ne bamaa yɛ sa ahã ye ne ala.

Luka 11:3

Ma yɛ yɛ daa daa aleɛ daa;

Luka 16:29

“Nakoso Abraham buale ye kyɛ, ‘Bele Mose ne ngɔmhyɛlɛfoɛ nemɔ wɔ dɔ; odi kyɛ betie bɛ!’

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 3:21

Nakoso ebiala bɔ ɔyɔ bɔ ɔte nahorɛ ne de, ɔba kanea ne anwo, kyɛbɔ ɔkɔyɛ bɔ ye yɔleɛ kɔla ali pefee kyɛ wayɛ sotie wama Nyameɛ ɔ.”

Yohane 5:39

Ɛmɔpɛnzɛpɛnzɛ Ahyerɛlɛ ne anu, ofikyɛ ɛmɔdwene kyɛ ɛmɔle daa ngoa wɔ nu; na ye ala yeɛ odi me nwo adanzeɛ ɔ.

Asomafoɛ 10:33

Ɛhe ati berɛ ne ala nzomane kyɛ bɛɛfa wɔ bɛbra, na wɔ koso ayɔ nikyee kyɛ awa ɔ. Yiti kekesaala ye, yɛ mukoraa yayia Nyameɛ nyunu wɔ wa, kyɛ yɛbaatie nikyee biala bɔ Awurade ahyɛ wɔ kyɛ ɛha hyire yɛ ɔ.”

Asomafoɛ 11:1

Na asomafoɛ nemɔ ne aliɛmaa mɔ bɔ bɛwɔ Yudea ne bɛtele kyɛ Amaenmaensofoɛ nemɔ koso bale Nyameɛ dwirɛ ne bali.

Asomafoɛ 17:1

Pɔɔlo ne Silase bɛpɛle nu wɔ Amfipoli ne Apolonia bɛwale Tɛsalonika, nekaa bɔ Yudafoɛ nyianu sua wɔ ɔ.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Deuteronomi 29:29

“Mvealeɛ nu dwirɛ te AWURADE yɛ Nyameɛ deɛ, nakoso edwirɛ bɔ wala ye ali ne de, ɔte yɛ ne yɛ mma mɔ deɛ afebɔɔ, amaa ɔnate so yali mmeraa he anu dwirɛ amukoraati so.

1 Tɛsalonikafoɛ 1:6

Ɛmɔsuasuane yɛ ne Awurade; na ɔwɔ nu kyɛ ɛmɔnwuni amaneɛ pee wɔ edwirɛ ne anwo de, nakoso ɛmɔfale anika bɔ ofi Sunzum Krongron berɛ bɛsɔle nu.

1 Tɛsalonikafoɛ 2:13

Na ɛhe koso ati yeɛ yɛda Nyameɛ ase daa ɔ, ofikyɛ mmerɛ bɔ yɛfale Nyameɛ dwirɛ ne yɛbrɛle ɛmɔ nen, ɛmɔsɔle nu kyɛ nna kuro sona dwirɛ ɔ, na mmom kyɛ ɔte Nyameɛ dwirɛ amba; na ɛhe yeɛ ɛmɔ bɔ ɛmɔte agyidifoɛ ne, ɔyɔ adwuma wɔ ɛmɔ nu ɔ.

2 Tɛsalonika 2:10

Na ɔkɔfa nnakannaka ne amumuyɛɛ atee mukoraa so konya bɛ bɔ begu so bemini ne, ofikyɛ bɛyɛle asoserɛ wɔ nahorɛ bɔ ɔma daa ngoa ne nwo.

Yakobo 1:21

Yiti ɛ́mɔgyi bra fiɛ ne bɔne yɔleɛ amukoraa bégua, ná ɛ́mɔfa anwobrɛaseɛ betira edwirɛ bɔ balua ye wɔ ɛmɔ nu ne anu, na ye yeɛ ɔkora de ɛmɔ kra ngoa ɔ.

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,