Asomafoɛ 16:9 - AHYERƐLƐ KRONGRON

⁹ Sɔ kyẽa ne kɔngɔen, Pɔɔlo nyane nyekyire, na onwuni biaa bie bɔ ofi Makedonia kyɛ ogyi berɛ ná ɔpa ye kyerɛ kyɛ, “Bra Makedonia baaboka yɛ!”

Asomafoɛ 16:9 Iomraidhean Croise

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 10:30

Kɔneleo buale kyɛ, “Ɛlɛnna ɛhe, kɔyɛ bekye sɔa ala, né mebɔ mbaeɛ wɔ m’awuro wa eyia nnɔnmmiɛnza. Na nwuni bienzua bie bɔ owura ataadeɛ hyɛnn kyɛ ogyi me nyunu,

Asomafoɛ 16:10

Mmerɛ bɔ Pɔɔlo nyane nyekyire ne pɛ, yɛboaboale yɛ nwo kyɛ yɛkɔ Makedonia, ofikyɛ yɛnyane adwene kyɛ amba Nyameɛ afrɛ yɛ kyɛ yɛɛbɔ nzɛmba ne dawure yɛhyire bɛ.

Asomafoɛ 16:12

Na yɛfili berɛ yɛhɔle Roman manzini Makedonia kuro piri Filipi so. Na yɛlili ngyẽa kãa wɔ sɔ kuro ne aso.

Asomafoɛ 18:5

Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne.

Asomafoɛ 19:21

Ɛhemɔ asi ne, Pɔɔlo nate Sunzum Krongron so yɛle ye adwene kyɛ ɔkwaapɛ nu Makedonia ne Akaia kɔ Yerusalem, na ɔhane kyɛ, “Sɛ medwu berɛ a, ɔsɛ kyɛ mekɔ Rome koso.”

Asomafoɛ 19:22

Yiti ɔsomane ye bokafoɛ nyɔ, Timoteo ne Eraseto maa bɛhɔle Makedonia, na ye de, ɔtenane Asia mbɔtam hyɛle kãa.

Asomafoɛ 19:29

Yiti kuro ne anu amu yɛle basabasa. Na ɛlɔen ne tuli bi bɛɛhyele Makedoniafoɛ nyɔ nemɔ: Gayɔso ne Aristako, na bɛhwene bɛ bɛhɔle badwa nyunu. Né bɛ munyɔ bɛboka Pɔɔlo so wɔ ye ateetulɛ ne anu.

Asomafoɛ 20:1

Nziɛ ye bɔ basabasa ne noa dwole ase ne, Pɔɔlo frɛle agyidifoɛ nemɔ maa beyiale; otuli bɛ foɛ na ɔne bɛ lili ngraa, na afei ɔhɔle Makedonia.

Asomafoɛ 20:3

Olili berɛ bosome nza. Na mmerɛ bɔ ɔboaboa ye nwo kɔfa ɛlɛen kɔ Siria nen, ɔtele kyɛ Yudafoɛ ne abɔ ye ti so porɛ bɛtɛ ye; yiti ɔyɛle kyɛ osa ye si fa ase kɔfa Makedonia kɔ.

Asomafoɛ 27:2

Yɛɛfole ɛlɛen bie bɔ ofi Adramitiom ɔkɔ Asia mbɔtam, na ɛlɛen ne tuli. Né Aristako, Makedonianiɛ bɔ ofi Tɛsalonika boka yɛ so.

Asomafoɛ 9:38

Yopa ne Lida anwa biala. Yiti mmerɛ bɔ Yopa agyidifoɛ tele kyɛ Petro wɔ Lida nen, bɛsomane mmenia nyɔ maa beesele ye kyɛ, “Yɛsrɛ wɔ, ma wɔ nwo yɛ nyera ná bra yɛ wa.”

Romanfoɛ 15:26

Ofikyɛ Makedonia ne Akaia asɔremma banya anika bakekã bɛ sa ase kyɛ ngɔmva mmoka anwoteefoɛ ehiafoɛ bɔ bɛwɔ Yerusalem ne.

2 Korintofoɛ 11:9

Na mmerɛ bɔ me nwo hyerele me wɔ ɛmɔ berɛ ne, mamva m’anwokyere mangua ebiala so, ofikyɛ aliɛmaa mɔ bɔ befi Makedonia bɛwale ne bɛfale nikyee biala bɔ mehia bɛbrɛle me. Yiti kyɛbɔ neane me nwo daa wɔ nikyee biala nu ne, ngɔhɔ so ngɔyɔ ye sɔ ala, na manyɛ ɛmɔ so tɔsom.

2 Korintofoɛ 12:7

Na kyɛbɔ ɔkɔyɛ na mamva anwanwadeɛ nyekyire hemɔ mammoma me nwo so soma ne ati, bɛfale ɛhawo bie bawura me nwonaen nu, bɔ ɔte Abɔnzam bɔfoɛ, kyɛ ɔma nwu yealɛ, ná mammoma me nwo so.

2 Korintofoɛ 7:5

Mmerɛ bɔ yɛhɔle Makedonia nen, yɛfɛle yɛ nwonaen nu paa, na ɛhawo wale yɛ so wɔ nekaa biala: ngondii pɛle yɛ nwo yiale, na yɛ bɔbɔ yɛ nu koso ɛserɛ hane yɛ.

2 Korintofoɛ 8:1

Aliɛmaa mɔ, yɛpena kyɛ ɛmɔnwu adom bɔ Nyameɛ afa alo Makedonia asɔre nemɔ ɔ.

2 Korintofoɛ 9:2

Ofikyɛ, mese kyɛ ɛmɔkuro kyɛ ɛmɔkɔboka, na mefa ɛmɔ mehoahoa me nwo mekyire Makedoniafoɛ kyɛ, ofi afoɛ hene yeɛ ɛmɔ, Akaiafoɛ, ɛmɔaboaboa bɛ nwo kyɛ ɛmɔkɔboka ɔ, na ɛmɔ mmɔdenbɔlɛ ne akanyane mmeni pee.

Deuteronomi 30:13

Yeɛ ɔnne ɛpo asi dɔ, ná aha kyɛ, ‘Nwa yeɛ ɔkɔpɛ ɛpo ne kɔhɔ ye si kɔma yɛ, bɔ ɔkɔɔfa kɔbrɛ yɛ maa yɛkɔte ná yali so ɔ?’

1 Tɛsalonikafoɛ 4:10

Na amba, sɔ suban ne ala koso yeɛ ɛmɔala ye ali bahyire aliɛmaa mɔ amukoraa bɔ bɛwɔ Makedonia amukoraa ɔ. Nakoso, aliɛmaa mɔ, yɛsrɛ ɛmɔ kyɛ ɛmɔhɔ so bɛyɔ ye mmorosoɛ,