Asomafoɛ 16:6 - AHYERƐLƐ KRONGRON

⁶ Bɛpɛle nu Frigyea ne Galatia aseɛ so, ofikyɛ Sunzum Krongron ne amma bɛ ate ma banga nzɛmba ne wɔ Asia mbɔtam.

Asomafoɛ 16:6 Iomraidhean Croise

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Luka 1:2

kyɛbɔ bɛ bɔ ofi ye bohyɛlɛ ne bɛfale bɛ nye benwuni ye, bɔ bɛte edwirɛ ne nwo asomvoɛ ne bamaa yɛ sa ahã ye ne ala.

Asomafoɛ 10:19

Na Petro gu so ɔdwenedwene nyekyire ne nwo nen, Sunzum ne sele ye kyɛ, “Nea, mmenia nza bie bɛpena wɔ.

Asomafoɛ 11:12

Na Sunzum ne hã hyirele me kyɛ me ne bɛ yɛhɔ, na nnɛmaa meyɛ nyeyemuɛ. Sɔ aliɛmaa nzia hemɔ koso bɛbokale me so yeɛ yɛhɔle biaa n’awuro berɛ ɔ.

Asomafoɛ 16:7

Na bedwuli Misia manzini ndendeneɛ so ne, bɛyɛle kyɛ bɛkɔ Bitinia, nakoso Yesu Sunzum ne amma bɛ ate.

Asomafoɛ 18:23

Ɔhyɛle berɛ kãa, na afei ofili berɛ oohyinini Galatia ne Frigyea mbɔtam hyɛle asuafoɛ nemɔ amukoraa nguraen.

Asomafoɛ 19:10

Ɛhe hɔle so sɔ alaa afoɛ nyɔ, na ɔmane bɛ bɔ bɛwɔ Asia mbɔtam berɛ amukoraa, Yudafoɛ ne Helafoɛ, bɛtele Awurade nwo dwirɛ ne.

Asomafoɛ 20:16

Né Pɔɔlo ayɛ ye adwene kyɛ ongogyina Ɛfeso amaa wanzɛkye mmerɛ wɔ Asia mbɔtam, ofikyɛ né ɔpe ndɛen kyɛ sɛ ɔkɔyɛ yee a, okodwu Yerusalem wɔ Pɛntekɔso kyẽa ne.

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 20:4

Ɔne ɛhemɔ yeɛ bɛhɔle ɔ: Piro awa Sopata bɔ ofi Bɛrea; Aristako ne Sekunduse bɔ befi Tɛsalonika; Gayɔso bɔ ofi Dɛɛbi, Timoteo yeɛ Asiafoɛ Tihiko ne Trofimo.

Asomafoɛ 21:27

Na ɛlɛsoo bɔ bɛfa bɛpete bɛ nwo ne baaso nen, Yudafoɛ biemɔ bɔ befi Asia maen nu nwuni Pɔɔlo wɔ asɔneyɛɛ sua nu; yiti bɛsɛkyele ɛlɔen bɔ bayia berɛ n’adwene maa bɛhyele Pɔɔlo,

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

Asomafoɛ 8:29

Na Sunzum ne sele Filipo kyɛ, “Kɔ teaseɛnam ne anwo berɛ!”

Romanfoɛ 16:5

Ɛ́mɔbisa asɔre bɔ ɔwɔ b’awuro ne ahye bɛ́ma me. Ɛ́mɔbisa me dɔfo Ɛpaneto bɔ olili moa lele Kristo lili wɔ Asia ne ahye bɛ́ma me.

1 Korintofoɛ 12:11

Sunzum komapɛ ne ala yeɛ ɔyɔ ɛhemɔ amukoraa ɔ, na ɔma ebiala akyɛdeɛ kyɛbɔ ye bɔbɔ okuro ɔ.

1 Korintofoɛ 16:1

Ɔfa ndoboa bɔ bedide bɛkɔma anwoteefoɛ nwo nen, nhyehyɛleɛ bɔ mayɛ mama Galatia asɔre nemɔ ala yeɛ ɛmɔ koso ɛmɔli so ɔ.

1 Korintofoɛ 16:19

Asɔre mɔ bɔ bɛwɔ Asia ne, bebisa ɛmɔ ahye. Akwila ne Prisika ne asɔremma bɔ beyia b’awuro ne koso bebisa ɛmɔ paa.

2 Korintofoɛ 1:8

Aliɛmaa mɔ, kyɛbɔ yɛ nwo si hyerele yɛ wɔ Asia nen, yɛmbena kyɛ yɛfa yɛsie ɛmɔ, ofikyɛ yɛ nwo hyerele yɛ paa maa ɔbole yɛ so, na afei yɛ ngoa nwo anyelasoɛ mukoraa tu minini.

Galatiafoɛ 1:2

Me ne aliɛmaa mɔ mukoraa bɔ bɛboka me so yeɛ yɛfa krataa he yɛbrɛ Galatia asɔre nemɔ ɔ.

Galatiafoɛ 3:1

O Galatiafoɛ bɔ ɛmɔndwene ɔ! Nwa yeɛ odwumvale ɛmɔ sɔa ye; (bɔ ɔmaa ɛmɔnne nahorɛ ne nni ɔ?) Aso nna ɛmɔ nyunu yeɛ behyirehyirele nu pefee kyɛ bɛbɔle Yesu Kristo mmeamudua nu ɔ?

2 Timoteo 1:15

Ɛse kyɛ bɛ bɔ bɛwɔ Asia amukoraa bayakyi me nu bahɔ; Figɛlo ne Hɛmogen koso bɛboka so.

2 Timoteo 4:10

Ofikyɛ Dema ahuro kekesaala ye wiase ye dwirɛ, na wayakyi me nu wasi nu wahɔ Tɛsalonika; Kreseke ahɔ Galatia, yeɛ Tito ahɔ Dalmatia.

Hebrifoɛ 11:8

Ɔnate gyidie so yeɛ Abraham tiele Nyameɛ frɛlɛ ne, ná otu hɔle maen bɔ ɔfa hyɛle ye bɔ kyɛ ɔkɔmaa ɔkɔyɛ ye agyapadeɛ ne aso ɔ; na otu fili ye maen nu bɔ né ɔnze nekaa bɔ ɔkɔ ɔ.

1 Petro 1:1

Petro, Yesu Kristo somafoɛ, méfa mebrɛ bɛ bɔ babɔ aya bahɔ Ponto, Galatia, Kapadokia, Asia ne Bitinia,

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,