Asomafoɛ 16:3 - AHYERƐLƐ KRONGRON

³ Né Pɔɔlo kuro kyɛ ɔfa Timoteo boka ye nwo so ɔne ye bɛkɔ, yiti ɔpɛle ye bienzua, ɔnate kyɛ né Yudafoɛ bɔ bɛwɔ porɛ ne anu berɛ mukoraa se kyɛ ye baba te Helaniɛ.

Asomafoɛ 16:3 Iomraidhean Croise

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

Asomafoɛ 15:37

Né Banaba pena kyɛ bɛfa Yohane, bɔ bɛfrɛ ye Marko bɛboka bɛ nwo so,

Asomafoɛ 15:40

nakoso Pɔɔlo de, ɔfale Silase bokale ye nwo so. Agyidifoɛ ne fale Pɔɔlo wurale Awurade adom ne sa, na osili nu hɔle.

1 Korintofoɛ 7:19

Ofikyɛ bapɛ wɔ bienzua oo, bɛppɛle wɔ bienzua oo, onhia; na mmom Nyameɛ mmeraa ne aso lilɛ yeɛ ohia ɔ.

1 Korintofoɛ 9:20

Nyɛle me nwo Yudaniɛ mane Yudafoɛ amaa me sa ahã Yudafoɛ. Ɔwɔ nu kyɛ nnwura mmeraa bo de, nakoso nyɛle me nwo kyɛ nwura mmeraa bo mane bɛ bɔ bewura mmeraa bo ne, amaa me sa ahã bɛ bɔ bewura mmeraa bo ne.

Galatiafoɛ 2:3

Nakoso Tito po bɔ ɔte Helaniɛ na ɔboka me so ne, banhyɛ ye kyɛ ɔpɛ ye bienzua.

Galatiafoɛ 2:8

Ofikyɛ Nyameɛ bɔ ɔnate Petro so yɔle asomafoɛ adwuma wɔ bienzuapɛlɛfoɛ nu ne, ye komapɛ ne ala yeɛ ɔnate me so lili dwumaa wɔ Amaenmaensofoɛ nu ɔ.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Filipifoɛ 2:22

Nakoso ɛmɔ de, kyɛbɔ ɛmɔdi ye nwo adanzeɛ ne, ɛmɔse kyɛbɔ yasi yayɛ kyɛ seɛ ne baa bɔ yɛso wɔ nzɛmba ne nwo ɔ.