Asomafoɛ 16:26 - AHYERƐLƐ KRONGRON

²⁶ Mvum nu, aseɛ wosole serɛserɛ mane kuku nu sua ne nyinasoɛ ne wosole. Berɛ ne ala, anoa ne amukoraa bukyebukyele, na ebiala ngɔnzɔngɔnzɔ bɔ ɔsosɔ ye ne puropuro guale.

Asomafoɛ 16:26 Iomraidhean Croise

1 Ahemvo 13:28

na ɔhɔ onwuni kyɛ efuin ne la atee ne anu, bɔ afunum ne ɔne gyata ne begyigyi ye nwo berɛ ɔ. Né gyata ne ollili fuin ne, yeɛ né ohhuni afunum ne koso.

Edwein 102:20

kyɛ okotie kukunufoɛ bɛ penenɛ, kyɛ ɔkɔpepɛ kole bɛ bɔ bɛbaahu bɛ ɔ,

Edwein 146:7

Sona bɔ besisi ye ne, ye yeɛ odi ye dwirɛ ma ye ɔ, na ye yeɛ ɔma bɔ ɛhɔen ku ye ɔ aleɛ ɔ. AWURADE ma kukunufoɛ benya fawɔnwodi.

Edwein 68:6

Nyameɛ yeɛ ɔma sona bɔ olle bie ɔ awuro maa ɔtena nu ɔ; ɔye kukunufoɛ fite maa oyie bɛ yé, nakoso ɛlɔenyɛlɛfoɛ de, bɛtena aseɛ katerepee so.

Edwein 79:11

Ma kukunufoɛ bɛ penenɛ bɔ bɛpene ne, odwu wɔ nyunu; gyina wɔ tumi piri ne aso pepɛ de bɛ bɔ bɛbaahu bɛ ne.

Yesaya 42:7

kyɛ, ɛ́tete anyeɛ mɔ bɔ basi ɔ, kyɛ ɛ́ye kukunufoɛ efi kuku nu, ɔne kyɛ ɛ́ye bɛ bɔ bɛte awosii nu ɔ efi kuku nu.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Mateo 28:2

Na yieee, aseɛ wosole serɛserɛ; ofikyɛ Awurade abɔfo fili nyameɛso dwuli ase oomununi nyɔboɛ ne fili asieleɛ ne noa, na ɔtenane so.

Asomafoɛ 12:10

Na bɛtrale awɛmvoɛ fekue bɔ oli moa ne ɔne bɔ ɔtɔ so nyɔ nen, bɛtole buralɛ anoa bɔ bɛfa nu bɛkɔ kuro ne anu ne. Anoa ne bɔbɔ bukyele mane bɛ, na bewurale nu befitele. Bɛpɛle nu borɔnoɛ ko aso, na berɛ ne ala, abɔfo ne yakyili ye berɛ.

Asomafoɛ 12:7

Aworafire nu, Awurade abɔfo wale kuku nu berɛ, na sua ne anu tale hyireinn. Abɔfo ne pusupusuli Petro maa otingyele, na osele ye kyɛ, “Dwɔso ndɛ!” Na berɛ ne ala ngɔnzɔngɔnzɔ ne fili ye sa puro guale.

Asomafoɛ 4:31

Beyiele mbaeɛ ne bɔ nen, nekaa bɔ beyiale ne wosole. Sunzum Krongron yili bɛ tɛkyɛ, na bɛfale ahoneserɛ bɛbɔle Nyameɛ dwirɛ ne dawure.

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 6:12

Na ɔtele nzɔanoɛ bɔ ɔtɔ so nzia ne noa ne, nneane, na yieee, aseɛ wosole serɛserɛ; na eyia yɛle tunn kyɛ brisie, na ɛsraen yɛle kyɛ mogya;