Asomafoɛ 16:20 - AHYERƐLƐ KRONGRON

²⁰ Bɛfale bɛ bɛwale Roman ndɛenbualɛfoɛ nyunu na bɛhane kyɛ, “Mmenia hemɔ bɛte Yudafoɛ, na bɛ́ma basabasa ba yɛ kuro ye anu.

Asomafoɛ 16:20 Iomraidhean Croise

Yeremia 38:4

Yeɛ mbanyi nemɔ hã hyirele ɛhene ne kyɛ, “Yɛsrɛ wɔ, maa behũ akoaa he, ofikyɛ ɔnate ye dwirɛ bɔ ɔkekã kyire bɛ ne aso, obu koɛhonɛfoɛ bɔ baha kuro ye anu, ɔne maen ne amukoraa b’abasa nu. Ofikyɛ akoaa he ɔmbena maen he yé, na mmom ɔpena ye ne tɛɛ.”

Mateo 2:3

Na ɛhene Herode tele edwirɛ he nen, ɔhale ye, Yerusalemfoɛ amukoraa koso sɔ ala.

Asomafoɛ 16:19

Na mmerɛ bɔ ye mene mɔ nwuni kyɛ b’atee bɔ bɛfa so benya sikaa abɔ bɛ nen, bɛhyele Pɔɔlo ne Silase, na bɛhwene bɛ bɛhɔle mbanyi nyunu wɔ badwa nu.

Asomafoɛ 16:21

Bekyire amanneɛ bɔ otia yɛ Romanfoɛ mmeraa, bɔ ɔyɛ se kyɛ yɛkole yɛkɔto nu, anaakyɛ yɛkoli so ɔ.”

Asomafoɛ 18:2

Na onwuni Yudaniɛ bie bɔ oli Akwila bɔ bɛwole ye Ponto ɔ. Né ɔne ɔye Prisila befili Yitalia bɛwale berɛ ɔ ɔhhyɛle biala, ofikyɛ né Klɔdio ahyɛ mmeraa kyɛ Yudafoɛ amukoraa bétu befi Rome bɛhɔ. Pɔɔlo hɔle bɛ berɛ,

Asomafoɛ 19:34

Nakoso ɛlɔen ne nwuni kyɛ ɔte Yudaniɛ nen, bɛ mukoraa bɛbɔle nu bɛteateane nu alaa kɔyɛ dɔnhwere nyɔ bɛhane kyɛ “Ɛfesofoɛ Ateme te kokuroko!”

Asomafoɛ 28:22

Nakoso yɛpena kyɛ ekyire yɛ w’adwene, ɔnate kyɛ yɛse kyɛ nekaa biala mmenia dwudwo tia sɔ som he.”

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.