Asomafoɛ 16:17 - AHYERƐLƐ KRONGRON

¹⁷ Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”

Asomafoɛ 16:17 Iomraidhean Croise

Edwein 57:2

Mesu mefrɛ Anwuro Anwuro Nyameɛ, Nyameɛ bɔ ɔma ye nhyehyɛleɛ ba nu ma me ne.

Edwein 78:35

Afei bɛkayele kyɛ Nyameɛ yeɛ ɔte bɛ nyɔbotaen ɔ, na Anwuro Anwuro Nyameɛ yeɛ ɔte bɛ Defoɛ ɔ.

Daniel 3:26

Yeɛ Nebukadenesa pingyele see bɔ ogye wuronyiwuronyi wɔ foonoo ne anu ne, na osele kyɛ, “Sadrake, Mesake ne Abedinego, Anwuro Anwuro Nyameɛ ye somvoɛ mɔ, ɛ́mɔfi nu béfite bɛbra!” Yeɛ Sadrake, Mesake ne Abedinego befili see ne anu befitele.

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Daniel 4:2

Nzɛngyerɛnneɛ ne anwanwadeɛ bɔ Anwuro Anwuro Nyameɛ ne wayɔ wama me ne, ɔyɛ me fɛ kyɛ ngɔfa ngɔto dwaa ɔ.

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Daniel 5:21

Bɛfoane ye befili kuro mmenia nu, bɛmane ye adwene yɛle kyɛ kaka adwene, ɔne eburo afunum mɔ bɛɛtenane, bɛmaa olili ndire kyɛ nandwie, na nyameɛso bosue loaloale ye nwonaen, kɔpem kyɛ onwuni kyɛ Anwuro Anwuro Nyameɛ ne yeɛ ole adasa ahennie so tumi ɔ, na sona bɔ okuro biala yeɛ ɔfa ye sie so ɔ.

Daniel 6:16

Yeɛ ɛhene ne hyɛle maa bɛɛfale Daniel bɛwale, na begyili ye bɛtole gyata mɔ tuin ne anu. Na ɛhene ne sele Daniel kyɛ, “Wɔ Nyameɛ bɔ ɛso ye daa ne, ɔpepɛ le wɔ!”

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Yona 1:9

Na obuale bɛ kyɛ, “Me, nde Hebriniɛ. Mesɔne AWURADE, nyameɛso Nyameɛ bɔ ɔbɔle ɛpo ne aseɛ wosee ne.’”

Mika 6:6

“Nzikyɛ yeɛ mva mmra AWURADE nyunu, ná mmamɔ me nu ase wɔ Anwuro Anwuro Nyameɛ ne nyunu ɔ? Mva naen yeralɛ afɔleɛ mɔ yeɛ mmra ye nyunu ɔ, bɔ ɔte nandwie akrɔngrɔma mɔ bɔ bali afoɛ ko anaa?

Mateo 22:16

Na bɛsomane b’asuafoɛ mɔ ne Herodefoɛ maa bɛwale ye berɛ beebisale ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ekyirekyire Nyameɛ atee ne turoloo, ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea.

Mateo 8:29

Na yieee, bɛteateane nu kyɛ, “Nzikyɛ yeɛ yɛne wɔ le yɔ ɔ, wɔ, Nyameɛ Awa? Ɛwale wa kyɛ ɛbaateetee yɛ koraka ná mmerɛ ne adwu anaa?”

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Marko 12:14

Na bɛwale nen, besele ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea, na mmom ekyirekyire Nyameɛ atee ne nahorɛ nu. Aso mmeraa ma ate kyɛ yɛtua ɛtoɔ yɛma Kaesare, anaakyɛ ɔmma ate? Yɛ́tua anaakyɛ nnɛmaa yɛtua?”

Marko 5:7

na ɔteane nu serɛserɛ kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Meta Nyameɛ ndaen kyɛ, nnɛteetee me.”

Luka 1:77

ná afa ngoalelɛ nwo nimdeɛ ama ye maen, wɔ bɛ bɔne fakyɛ nu,

Luka 1:79

kyɛ ɔkɔta kɔma bɛ bɔ bɛtete awosii nu ɔne ewue wawoɛ nu ɔ, ná wayɛ yɛ taataa wahɔ asomdwee atee so.”

Luka 20:21

Yiti bebisale ye kyɛ, “Kyerɛkyerɛniɛ, yɛse kyɛ wɔ noa dwirɛ ne wɔ ngyerɛkyerɛ te turoloo, yeɛ ɛmva wɔ nye ndo sona ye dibea, na mmom ekyirekyire Nyameɛ atee ne nahorɛ nu.

Luka 4:34

“Yesu bɔ efi Nasarɛte, nnɛba teetee yɛ! Nzikyɛ yeɛ yɛ ne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, wɔ ole Nyameɛ ye Krongronniɛ ne!”

Luka 4:41

Na sunzummɔne mɔ koso betutu befili mmeni pee nu, na bɛteateane nu kyɛ, “Wɔ ole Nyameɛ Awa ne!” Nakoso Yesu teateane bɛ, na wamma bɛ ate ma bandwudwo, ɔnate kyɛ né bɛse kyɛ ye ole Kristo ne.

Luka 8:28

Na mmerɛ bɔ onwuni Yesu nen, ɔteane nu serɛserɛ tole ye nwo yele ye gya bo, na ɔteane nu hane kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Mesrɛ wɔ, nnɛteetee me!”

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Asomafoɛ 18:26

Ɔhyɛle ye bo sili ye ahone dwudwole wɔ nyianu sua nu; na mmerɛ bɔ Prisila ne Akwila nwuni ye ne, bɛ ne ye hɔle b’awuro, na behyirehyirele ye Nyameɛ Atee ne anu pɛpɛɛpɛ.

Asomafoɛ 19:13

Yiti Yudafoɛ ngonyaayelɛfoɛ biemɔ bɔ bekyini betutu sunzummɔne yɛle kyɛ bɛ koso bɛkɔfa Awurade Yesu dumaa bɛkɔyɔ bie, na besele sunzummɔne nemɔ kyɛ, “Yɛhyɛ wɔ wɔ Yesu bɔ Pɔɔlo di ye nwo adanzeɛ ne dumaa nu kyɛ, fi ye nu fite!”

1 Petro 2:16

Ɛ́mɔbɔ ɛmɔ bra kyɛ fawɔnwodifoɛ, nakoso nnɛma ɛmɔfa ɛmɔ fawɔnwodi ne bɛkatakata ɛmɔ nyunu bɛyɔ bɔ ɔte bɔne ɔ; na mmom ɛ́mɔbɔ ɛmɔ bra kyɛ Nyameɛ ngoaa.

2 Petro 2:2

Na mmeni pee bekoli b’asanzabra ne asi, na ɔnate bɛ ti mmenia kɔkekã nahorɛ ne nwo dwirɛ tɛɛ.