Asomafoɛ 16:16 - AHYERƐLƐ KRONGRON

¹⁶ Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam.

Asomafoɛ 16:16 Iomraidhean Croise

2 Ahemvo 21:6

Ɔfale ɔwa bienzua bɔle afɔleɛ wɔ see nu. Ɔhɔle abisa, ɔyele ngonyaa, na ɔfale ye nwo bɔle nzamangɔmhyɛlɛfoɛ ne abayifoɛ. Ɔyɔle bɔ ɔte bɔne pee wɔ AWURADE nyunu fa huli AWURADE ahone.

1 Aberɛso Dwirɛ 10:13

Ɔnate Sɔɔlo asoserɛ ti owuli. Wanni nahorɛ wamma AWURADE, ɔnate kyɛ wanni AWURADE dwirɛ so. Afei koso, ɔhɔle nzamangɔmhyɛlɛniɛ berɛ abisa,

Yesaya 8:19

Na sɛ mmenia kã kyire ɛmɔ kyɛ, “Nzamangɔmhyɛlɛfoɛ ne ahɔmeɛ bɔ bɛ dwudwolɛ te katekate ne boborɔboborɔ ne, ɛmɔhɔ bɛ so abisa” a, aso nna maen bɛ Nyameɛ berɛ yeɛ odi kyɛ bebisa nikye ɔ? Aso odi kyɛ bebisa ateasefoɛ ti wɔ awufoɛ berɛ anaa?

Lewitikɔso 19:31

“Nnɛma ɛmɔkɔ nzamangɔmhyɛlɛfoɛ ne ahɔmeɛ mɔ berɛ bɛkɔpena mmokalɛ befi bɛ berɛ maa begua ɛmɔ nwo fiɛ: Me ole AWURADE ɛmɔ Nyameɛ.

Lewitikɔso 20:27

“Bienzua anaa brasua bɔ ɔte nzamangɔmhyɛlɛniɛ anaa kɔmeɛ ne, odi kyɛ beku ye ɔ; bɛ́boro bɛ nyɔboɛ béhu bɛ, na bɛ wue kɔbɔ bɛ ti so.”

Lewitikɔso 20:6

“Na ebiala bɔ ɔkɔhɔ nzamangɔmhyɛlɛfoɛ ne ahɔmeɛ so, ná okoli bɛ si ne, ngotu me nye ngosie sɔ sona ne aso, na ngɔpɛ ye asue ngofi ye maen nu.

Asomafoɛ 16:13

Afofikyẽa dwuli ne, yɛfili kuro berɛ yɛhɔle asue bie noa nekaa bie bɔ yɛsusuli kyɛ ɔyɛ a beyia bɛbɔ mbaeɛ ɔ. Yɛtenane ase, na yɛdwudwo yɛhyirele mmrasua bɔ beeyiale berɛ ne.

Asomafoɛ 16:18

Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.

Asomafoɛ 16:19

Na mmerɛ bɔ ye mene mɔ nwuni kyɛ b’atee bɔ bɛfa so benya sikaa abɔ bɛ nen, bɛhyele Pɔɔlo ne Silase, na bɛhwene bɛ bɛhɔle mbanyi nyunu wɔ badwa nu.

Asomafoɛ 19:24

Ɔwale kyɛ, ɛdwetɛ dwumvoɛ bie bɔ bɛfrɛ ye Demetrio fale ɛdwetɛ yɔle bosoen brasua Ateme asɔneyɛɛ sua sɛso pee, na sɔ dwumadie ne mane adwumvoɛ nemɔ benyane mvasoɛ paa.

Galatiafoɛ 5:20

bosoensolɛ, bayie, ɛpɔen, ngondii, ahoɔyea, ɛyaafɛlɛ, pɛsɛmangomenya, ɛyakalɛ, ndoto,

1 Timoteo 6:10

Ofikyɛ bɔne amukoraa ndii ole sikanyeboro, bɔ ebiemɔ ali ye si bali makyebu bafi gyidie ne anwo, bɔ yiti bahwehwe aworabɔlɛ pee babrɛ bɛ nwo ɔ.

2 Timoteo 3:8

Na kyɛbɔ Yane ne Yambrɛ bedwɔso betiale Mose nen, sɔ ala yeɛ sɔ mmenia nemɔ koso bɛko betia nahorɛ ne ɔ. Bɛte mmenia bɔ b’adwene ali naakye, ná babɔ ase wɔ gyidie nu ɔ.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

1 Samuel 28:3

Sɔ mmerɛ ne, né Samuel de wawu ama Yisrael amukoraa basu ye basie ye wɔ ye bɔbɔ ye kuro Rama. Né Sɔɔlo atu nzamangɔmhyɛlɛfoɛ ne musueyelɛfoɛ wafi aseɛ ne aso.

1 Samuel 28:7

Afei Sɔɔlo sele ye somvoɛ nemɔ kyɛ, “Ɛmɔɔpena brasua nzamangɔmhyɛlɛniɛ bɛma me maa ngɔ ye berɛ abisa.” Na ye somvoɛ nemɔ buale ye kyɛ, “Nzamangɔmhyɛlɛniɛ bie wɔ Ɛndɔɔ.”