Asomafoɛ 16:15 - AHYERƐLƐ KRONGRON

¹⁵ Na ɔmaa bɛbɔle ye ne ye awuroama mukoraa asu beyiele nen, osele yɛ kyɛ, “Sɛ ɛmɔabu me kyɛ mede Awurade medi nahorɛ nu a, nzaade ɛmɔbra bɛɛtena m’awuro.” Na ɔhɔle so hane kyɛ yɛma yɛhɔ.

Asomafoɛ 16:15 Iomraidhean Croise

Gyenesise 19:3

Nakoso ɔhɔle so srɛle bɛ alaa maa afei bɛ ne ye hɔle ye awuro. Ɔtole ɛpoen mane bɛ; ɔtole paanoo kabrɛdi mane bɛ, na belili.

Gyenesise 33:11

Mesrɛ wɔ, sɔ m’akyɛdeɛ bɔ mafa mabrɛ wɔ ye anu, ofikyɛ Nyameɛ alo me paa, na hwee nhia me. Yiti ɔsrɛle ye maa olele.

2 Ahemvo 4:8

Ɛlɛho bie, né Elisa ɔpɛ nu wɔ Sunem. Né braa sikaniɛ bie te kuro berɛ. Ɔtole ye sa frɛle Elisa srɛle ye maa oodidili. Yiti mmerɛ biala, sɛ Elisa ɔpɛ nu kuro berɛ a, né wafa braa ne berɛ waadidi.

Mateo 10:41

Na bɔ ode ngɔmhyɛlɛniɛ to nu ɔnate kyɛ onwu ye kyɛ ɔte ngɔmhyɛlɛniɛ ne ati nen, ye sa kɔha ngɔmhyɛlɛniɛ akatuaa. Yeɛ bɔ ode teneneeniɛ to nu ɔnate kyɛ onwu ye kyɛ ɔte teneneeniɛ ne ati nen, ye sa kɔha teneneeniɛ akatuaa.

Mateo 3:6

na bɛhane bɛ bɔne maa ɔbɔle bɛ asu wɔ asue Yɔɔdan nu.

Luka 14:23

Na meneɛ ne sele somvoɛ ne kyɛ, ‘Kɔ atimbire mɔ ne fie atee mɔ so, ná hyɛ mmenia ma bɛbra nu,‘ ná m’awuro wa oyi to.

Luka 24:29

na bɛsrɛle ye serɛserɛ so kyɛ, “Maa yɛla, na aleɛ adwo, ewienu pinipini.” Yiti ɔne bɛ bɛhɔle awuro kyɛ ɔne bɛ bɛkwaala berɛ.

Asomafoɛ 11:14

na ɔkɔhã edwirɛ kohyire wɔ bɔ ɔnate so ɛne w’awuro ama amukoraati ɛmɔkonya daa ngoa ɔ.’

Asomafoɛ 16:31

Bebuale ye kyɛ, “Dé Awurade Yesu di na ɛne w’awuro ama konya daa ngoa.”

Asomafoɛ 16:33

Sɔ dɔnhwere ne anu ala kɔngɔen ne, ɔfale Pɔɔlo ne Silase hɔle oomiane bɛ nwo apirakuro ne; na ɔmaa bɛbɔle ye ne ye awuro ama mukoraa asu berɛ ne ala.

Asomafoɛ 16:34

Afei ɔfale bɛ wale ye awuro ɔɔmane bɛ nikyee maa belili, na ɔne ye awuro ama mukoraa benyane anigye kyɛ banya gyidie wɔ Nyameɛ nu ɔ.

Asomafoɛ 18:8

Na Krispo, bɔ ɔte nyianu sua ne aso panyi ne, ɔne ye awuro ama mukoraa belele Awurade belili; yeɛ afei Korintofoɛ pee bɔ bɛtele Pɔɔlo dwirɛ ne koso, bele belili, na bɛ mukoraa bɛmaa bɛbɔle bɛ asu.

Asomafoɛ 8:12

Nakoso mmerɛ bɔ belele Filipo nzɛmba bɔ ɔfa Nyameɛ ahennie ne, ɔne Yesu Kristo dumaa nwo belili nen, mmienzua ne mmrasua maa bɛbɔle bɛ asu.

Asomafoɛ 8:38

Na ɔmane teaseɛnam ne gyinane, na bɛ munyɔ bedwu bɛhɔle nzue ne anu, Filipo ne sayɛɛ ne, na ɔbɔle ye asu.

Romanfoɛ 16:23

Gayɔso, bɔ nde ye awuro, ná afei koso asɔre ne yia wɔ ye awuro ne, obisa ɛmɔ ahye; Eraseto bɔ ɔte kuro wa fotoɛsoneafoɛ, ɔne y’eliɛma bienzua Kwato bebisa ɛmɔ ahye. [

2 Korintofoɛ 12:11

Mayɛ kwaseaa mahoahoa me nwo, nakoso ɛmɔ yeɛ bamaa mayɛ sɔ ɔ, ofikyɛ ɛmɔ yeɛ ɔsɛ kyɛ ɛmɔkamvo me bekyire ɔ. Na sɛ nnde huu po a, sɔ “asomafoɛ atitire” nemɔ de bɛndra me wɔ atee biala so.

2 Korintofoɛ 5:14

Na Kristo dɔ ne di yɛ so, ofikyɛ yɛde yɛto nu kyɛ sɛ sona ko wu mane mmenia mukoraa a, nzaade mmenia mukoraa bawu.

Galatiafoɛ 6:10

Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

Ɛfesofoɛ 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ ne, mefa mebrɛ anwoteefoɛ bɔ bɛwɔ Ɛfeso bɔ bɛte Kristo Yesu nu agyidifoɛ ne.

Filipifoɛ 1:7

Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

Filemɔn 1:17

Yiti sɛ ebu me kyɛ ebiɛngo de a, nzaade de ye nyemene so kyɛbɔ ekole me ne ala.

Hebrifoɛ 13:2

Ɛ́mɔnea kyɛ ɛmɔkole ɛwɔfoɛ mɔ wɔ ɛmɔ awuro ɔ, ofikyɛ ebiemɔ fale sɔ atee he aso besikyele Nyameɛ abɔfo mɔ wɔ b’awuro bɔ né bɛnze ɔ.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.

2 Yohane 1:10

Sɛ ebiala ba ɛmɔ berɛ nna ottira sɔ ngyerɛkyerɛ ye a, nnɛma ɛmɔsikye ye ɛmɔ awuro anaa nnɛma ɛmɔyɛ ye akwaaba.

3 Yohane 1:5

Aliɛmaa, nikyee biala bɔ ɛyɔ ma aliɛmaa nemɔ ne, yeɛ afei ɛwɔfoɛ mɔ po ne, ɛyɔ ye nahorɛ nu.

3 Yohane 1:8

Yiti ɔsɛ kyɛ yɛboka sɔ mmenia nemɔ, amaa yɛ ne bɛ yayɛ aliɛmaa adwumayɔlɛfoɛ wɔ nahorɛ ne anu.

1 Samuel 28:23

Sɔɔlo ambene, na ɔhane kyɛ, “Mengoli.” Nakoso ye somvoɛ nemɔ ne braa ne hɔle so srɛle ye, na ɔpenene bɛ dwirɛ ne aso. Yiti odwɔsole fili aseɛnwo berɛ tenane mba ne aso.