Asomafoɛ 15:8 - AHYERƐLƐ KRONGRON

⁸ Na Nyameɛ bɔ ɔse angorangora biala ti anu adwene ne lili bɛ adanzeɛ, na ɔmane bɛ Sunzum Krongron ne kyɛbɔ ɔfa mane yɛ ne ala.

Asomafoɛ 15:8 Iomraidhean Croise

1 Ahemvo 8:39

ye de tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ. Wɔ ngome yeɛ ɛse sona biala ye ti anu dwirɛ ɔ. Yɔ ma ebiala kyɛbɔ ɔfata ye ɔ, ofikyɛ ɛse kuro sona biala ti anu dwirɛ,

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

Edwein 44:21

aso ahaa Nyameɛ ongonwu ye anaa? Ofikyɛ ye yeɛ ɔse sona ti anu mvealeɛ dwirɛ ɔ.

Yeremia 11:20

Nakoso Asafo AWURADE, wɔ bɔ ebua ndɛen turoloo, bɔ ɛpɛnzɛpɛnzɛ sona ahone nu ne ye ti anu ɔ, maa nwu wɔ wereɛtɔlɛ ne wɔ bɛ so, ofikyɛ wɔ yeɛ mafa me dwirɛ mawura wɔ sa ɔ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Yeremia 20:12

Nakoso Asafo AWURADE, wɔ bɔ eso teneneeniɛ nea ɔ, bɔ ɛse ahone nu ne bɛ ti nu dwirɛ ɔ, maa nwu bɛ so wereɛ bɔ ɛkɔtɔ ne, ofikyɛ wɔ yeɛ mafa me dwirɛ mato wɔ nyunu ɔ.

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Yohane 5:37

Na Baba ne bɔ ɔsomane me ne, ye bɔbɔ wali me nwo adanzeɛ. Ɛmɔttele ye komvi le, yeɛ ɛmɔnnwuni ye sue le;

Asomafoɛ 1:24

Na bɛbɔle mbaeɛ kyɛ, “Awurade, wɔ yeɛ ɛse ebiala ti anu dwirɛ ɔ, yiti mmenia nyɔ he, kyire yɛ bɛ nu ko bɔ aye ye

Asomafoɛ 10:47

“Sɔ mmenia hemɔ anya Sunzum Krongron ne kyɛbɔ yɛ koso yɛnyane ne ala. Aso ebie kɔhora kosi bɛ ate kyɛ nnɛmaa bɛfa nzue bɛbɔ bɛ asu anaa?”

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 15:28

Na Sunzum Krongron ne yɛ yale yato nu kyɛ, ɔnzɛ kyɛ yɛfa adesoa biala ko yɛsoa ɛmɔ; sana sɔ nningyein hemɔ bɔ bɛ nwo hia ye:

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Asomafoɛ 4:31

Beyiele mbaeɛ ne bɔ nen, nekaa bɔ beyiale ne wosole. Sunzum Krongron yili bɛ tɛkyɛ, na bɛfale ahoneserɛ bɛbɔle Nyameɛ dwirɛ ne dawure.

Hebrifoɛ 2:4

Na Nyameɛ koso yɔle nzɛngyerɛnneɛ ne anwanwadeɛ ne tumi nnwumaa ahoroɔ, na ɔmane Sunzum Krongron akyɛdeɛ ne, kyɛbɔ ye apɛdeɛ si te ɔ fa lili edwirɛ ne nwo adanzeɛ.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”