Asomafoɛ 15:40 - AHYERƐLƐ KRONGRON

⁴⁰ nakoso Pɔɔlo de, ɔfale Silase bokale ye nwo so. Agyidifoɛ ne fale Pɔɔlo wurale Awurade adom ne sa, na osili nu hɔle.

Asomafoɛ 15:40 Iomraidhean Croise

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 13:3

Bɛyɔle akɔngyere, bɛbɔle mbaeɛ, bɛfale bɛ sa beguale Banaba ne Sɔɔlo so, na beguale bɛ ate.

Asomafoɛ 14:26

Na befili berɛ bɛfale ɛlɛen bɛwale Antiokia, nekaa bɔ bɛfale bɛ bewurale Nyameɛ adom ne sa bɛmane adwuma bɔ bayɔ bayie ne.

Asomafoɛ 15:22

Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ,

Asomafoɛ 15:32

Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ.

Asomafoɛ 16:19

Na mmerɛ bɔ ye mene mɔ nwuni kyɛ b’atee bɔ bɛfa so benya sikaa abɔ bɛ nen, bɛhyele Pɔɔlo ne Silase, na bɛhwene bɛ bɛhɔle mbanyi nyunu wɔ badwa nu.

Asomafoɛ 17:4

Bɛ nu biemɔ lele edwirɛ ne lili, na bɛfale bɛ nwo bɛbɔle Pɔɔlo ne Silase; sɔ ala yeɛ Helafoɛ nyamesurofoɛ pee ne mmrasua atitirefoɛ pee koso yɔle ɔ.

Asomafoɛ 20:32

“Afei, mefa ɛmɔ mewura Nyameɛ sa, ɔne ye adom dwirɛ ne anu; na adom dwirɛ ne yeɛ ɔkɔhora kɔma ɛmɔkonyi ná wama ɛmɔ agyapadeɛ bɔ wahyehyɛ wato berɛ wama anwoteefoɛ mukoraa ne ɔ.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

2 Korintofoɛ 13:14

Y’Awurade Yesu Kristo adom ne, Nyameɛ dɔ ne, ɔne Sunzum Krongron abiɛngoɛfalɛ ne ɔne ɛmɔ amukoraa bɛtena. Amen.

2 Timoteo 4:22

Awurade [Yesu Kristo] ne wɔ sunzum bɛtena. Adom ɔ́yɛ ɛmɔ deɛ. Amen.

Tito 3:15

Bɛ bɔ bɛne me wɔ wa ne amukoraa bebisa wɔ ahye. Bisa bɛ bɔ bekuro yɛ dwirɛ wɔ gyidie nu ne ahye (ma me). Adom ɔyɛ ɛmɔ amukoraa bɛ deɛ.