Asomafoɛ 15:4 - AHYERƐLƐ KRONGRON

⁴ Na bedwuli Yerusalem nen, asɔre ne ne asomafoɛ nemɔ ne mbanyi nemɔ bɛyɛle bɛ awaawaatuu; na bɛhane bɔ Nyameɛ afa bɛ sɔ wayɔ amukoraa behyirele bɛ.

Asomafoɛ 15:4 Iomraidhean Croise

Mateo 10:40

“Bɔ ode ɛmɔ to nu nen, ode me koso to nu; yeɛ bɔ ode me to nu nen, ode bɔ ɔsomane me ne koso to nu.

Asomafoɛ 11:30

Bɛyɔle sɔ, na bɛfale akyɛdeɛ ne bɛsomane Banaba ne Sɔɔlo maa bɛɛmane Yerusalem asɔre ne mbanyi mɔ.

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 15:12

Mmenia ne amukoraa bɛyɛle dinn, na betiele Banaba ne Pɔɔlo wɔ b’amaneɛ bɔ ɔfa nzɛngyerɛnneɛ ne anwanwadeɛ amukoraa bɔ Nyameɛ afa bɛ so wayɔ wɔ Amaenmaensofoɛ nu ne.

Asomafoɛ 15:2

Ɛhe mane Pɔɔlo ne Banaba bɛne mmenia nemɔ benyane dwudwolɛ besuli aporowaa serɛserɛ wɔ sɔ dwirɛ he anwo. Yiti betuli mmenia kyɛ bɛboka Pɔɔlo ne Banaba so bɛhɔ Yerusalem beenwu asomafoɛ nemɔ ne mbanyi mɔ wɔ sɔ dwirɛ he anwo.

Asomafoɛ 15:22

Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ,

Asomafoɛ 15:3

Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa.

Asomafoɛ 15:6

Na asomafoɛ nemɔ ne mbanyi nemɔ beyiale nu bɛfale edwirɛ he nwo adwene.

Asomafoɛ 16:4

B’aporɔ bɔ bɛbɔle wɔ nguro nemɔ so ne, bɛfale asomafoɛ nemɔ ne Yerusalem mbanyi nemɔ nhyehyɛleɛ bɔ bɛnwa agyidifoɛ ne li so ne bɛtole bɛ nyunu.

Asomafoɛ 18:27

Na Apolo yɛle ye adwene kyɛ ɔkɔ Akaia nen, aliɛmaa nemɔ bɛhyɛle ye nguraen, na bɛhyerɛle krataa bɛɛmane asuafoɛ nemɔ kyɛ bele ye bɛto nu nyemene so. Oodwuli ne, ɔbokale bɛ bɔ bɛnate adom so bayɛ agyidifoɛ ne paa.

Asomafoɛ 21:17

Yɛdwuli Yerusalem nen, agyidifoɛ ne lele yɛ nyemene so.

Asomafoɛ 21:19

Pɔɔlo bisale bɛ ahye, na ɔhane nikyee bɔ Nyameɛ nate ye (Pɔɔlo) asɛmbatrɛ adwuma ne aso wayɔ wɔ Amaenmaensofoɛ nu ngoko ngoko hyirele bɛ.

Romanfoɛ 15:18

Mengosi me hue mengɔhã nikyee biala nwo dwirɛ, sana bɔ Kristo nate me so wayɔ bɔ ɔma Amaenmaensofoɛ bɛyɛ sotie wɔ bɛ dwirɛ ne bɛ nnwumaa nu,

Romanfoɛ 15:7

Yiti ɛ́mɔle ɛmɔ nwo ɛmɔ nwo bɛto nu, kyɛbɔ Kristo ale ɛmɔ ato nu ne, amaa Nyameɛ anya animnyam.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

2 Korintofoɛ 5:19

kyɛ, Nyameɛ nate Kristo so wahwe ewiase wabata ye nwo, wammu bɛ bɔne nwo ngondaa wandia bɛ, na wafa ngabonu he nwo dawurebɔlɛ wawura yɛ sa.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Kolosefoɛ 4:10

Mmiɛngo kukununiɛ Aristako bisa ɛmɔ ahye; Banaba awosea Marko bɔ ɛmɔnyane ye nwo ngraa ne koso sɔ ala, (sɛ ɔba ɛmɔ berɛ a, ɛ́mɔle ye nyemene so).

2 Yohane 1:10

Sɛ ebiala ba ɛmɔ berɛ nna ottira sɔ ngyerɛkyerɛ ye a, nnɛma ɛmɔsikye ye ɛmɔ awuro anaa nnɛma ɛmɔyɛ ye akwaaba.