Asomafoɛ 15:35 - AHYERƐLƐ KRONGRON

³⁵ Na Pɔɔlo ne Banaba tenane Antiokia hyɛle kãa; bɛ ne mmeni pee yɛle ngyerɛkyerɛ, na bɛhane Awurade nzɛmba ne.

Asomafoɛ 15:35 Iomraidhean Croise

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

1 Timoteo 2:7

Na ɛhe ati yeɛ batu me basie berɛ bayɛ me nzɛmbahanɛniɛ ne somafoɛ ɔ, (mekã nahorɛ [wɔ Kristo nu], na membɛ ngondombo), nde Amaenmaensofoɛ nu kyerɛkyerɛniɛ wɔ gyidie ne nahorɛ nu.

Asomafoɛ 28:31

Ɔhane Nyameɛ ahennie ne nwo dwirɛ; ɔyɛle ngyerɛkyerɛ fale Awurade Yesu Kristo nwo, na osili ye ahone yɔle sɔ nikyee ne bɔ ebiala anzi ye ate ɔ.

Asomafoɛ 14:28

Na bɛne asuafoɛ nemɔ bɛtenane berɛ bɛhyɛle.

Asomafoɛ 8:4

Na agyidifoɛ bɔ bɛbɔle aya ne, behyinini bɛhane nzɛmba ne.

Asomafoɛ 12:25

Banaba ne Sɔɔlo yiele bɛ dwumadie ne Yerusalem. Na besa befi Yerusalem bɛkɔ ne, bɛfale Yohane bɔ bɛfrɛ ye Marko ne bɛbokale bɛ nwo so.

Asomafoɛ 13:12

Na mmerɛ bɔ amrado ne nwuni bɔ wasi nen, olelili, ɔnate kyɛ Awurade nwo ngyerɛkyerɛ ne yɛle ye nwanwa paa.

Asomafoɛ 15:34

Nakoso Silase de, ɔyɛle kyɛ ɔkɔtena berɛ.]