Asomafoɛ 15:32 - AHYERƐLƐ KRONGRON

³² Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ.

Asomafoɛ 15:32 Iomraidhean Croise

Daniel 11:1

Na me de, Medeseniɛ Dario ahennie afoɛ bɔ oli moa ne anu, ngyinane ye si kyɛ memaa otindim.

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Luka 11:49

Na ɛhe ati koso yeɛ Nyameɛ Nworɛ ne kã kyɛ, ‘Ngɔsoma ngɔmhyɛlɛfoɛ ne asomafoɛ maa bɛkɔhɔ bɛ berɛ; na bekohu biemɔ, ná batane ebiemɔ anye.’

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 11:27

Na sɔ mmerɛ ne anu, ngɔmhyɛlɛfoɛ biemɔ fili Yerusalem bɛwale Antiokia.

Asomafoɛ 13:1

Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Asomafoɛ 15:22

Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ,

Asomafoɛ 15:27

Yiti yasoma Yudase ne Silase, na bɛ bɔbɔ bɛkɔhã edwirɛ biala bɔ ɔwɔ krataa ne anu bekohyire ɛmɔ.

Asomafoɛ 15:3

Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa.

Asomafoɛ 15:31

Na agyidifoɛ nemɔ kengale krataa ne nen, bɛ nye gyele, ɔnate kyɛ benyane aworakyekyerɛ befili nu.

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 18:23

Ɔhyɛle berɛ kãa, na afei ofili berɛ oohyinini Galatia ne Frigyea mbɔtam hyɛle asuafoɛ nemɔ amukoraa nguraen.

Asomafoɛ 2:40

Na Petro fale edwirɛ tole dwirɛ nwo dwudwole pee, na otuli bɛ foɛ kyɛ, “Ɛ́mɔhwe ɛmɔ nwo béfi ɛnɛmmafoɛ nzɛmmɔnefoɛ hemɔ anwo!”

Asomafoɛ 20:2

Ɔfale manzini nemɔ nu hyɛle agyidifoɛ nemɔ nguraen pee yiele ne, afei ɔwale Hela aseɛ so.

Romanfoɛ 12:6

Yiti ɛ́mɔma yɛfa yɛ adom akyɛdeɛ ahoroɔ ne yɛyɛ adwuma kyɛbɔ Nyameɛ alo yɛ ɔ. Sɛ ɔte ngɔmhyɛlɛ a, ɛmɔma yɛhyɛ ngɔm kyɛbɔ yɛ gyidie te ɔ;

Romanfoɛ 12:8

sɛ ɔte nguraenhyɛlɛ a, ɛmɔma yɛhyɛ. Sɛ ebie yɛ adɔeɛ a, maa ɔye ye kunu ɔyɛ; ebiala bɔ ɔnea mmenia so ne, maa ɔyere ye nwo; na bɔ ɔse anwumvoin ne, maa ɔte ye nyunu yɔ.

1 Korintofoɛ 1:8

Ye yeɛ okogyina ɛmɔ si pindinn koodwu ayieleɛ, amaa ɛmɔanni nikyee biala nwo fɔ wɔ y’Awurade Yesu Kristo kyẽa ne.

1 Korintofoɛ 14:29

Na ngɔmhyɛlɛfoɛ ne de, ma mmenia nyɔ anaa nza bedwudwo, na bɛ ngaa ne bua edwirɛ ne nwo ndɛen.

1 Korintofoɛ 14:3

Nakoso sona bɔ ɔhyɛ ngɔm de, mmenia ngɔsoɛ, foɛtulɛ ne aworakyekyerɛ ti yeɛ ɔyɔ sɔ ɔ.

1 Korintofoɛ 14:32

Ngɔmhyɛlɛfoɛ sunzum mɔ wura ngɔmhyɛfoɛ nemɔ abo.

Ɛfesofoɛ 3:5

mvealeɛ nu dwirɛ bɔ banna ye ali bangyire mmenia mmaa wɔ aworɛ ndoatoasoɛ biemɔ anu, kyɛbɔ kekesaala ye de Sunzum ne waye wahyire ye asomafoɛ ne ngɔmhyɛlɛfoɛ krongron mɔ ne.

1 Tɛsalonikafoɛ 2:11

Ɛmɔse kyɛ yɛtuli ɛmɔ nu biala foɛ, yɛkyekyele ɛmɔ wora kyɛbɔ seɛ si yɛ ye mma ɔ, na yɛhyɛle ɛmɔ nguraen,

1 Tɛsalonikafoɛ 3:2

na yɛsomane aliɛmaa Timoteo bɔ ɔte Nyameɛ somvoɛ, ná ɔne yɛ yɔ Kristo nzɛmba ne nwo adwuma ne, kyɛ ɔɔhyɛ ɛmɔ nguraen ná ɔma ɛmɔ gyidie gyina pindinn;

1 Tɛsalonikafoɛ 4:1

Aliɛmaa mɔ, bɔ ɔpɛ ye bo ɔ, yɛ́srɛ ɛmɔ, ná yɛtu ɛmɔ foɛ wɔ Awurade Yesu nu kyɛ, kyɛbɔ ɛmɔsuane kyɛbɔ ɛmɔkosi bɛkɔbɔ bɛ bra bɔ ɔsɔ Nyameɛ nye befili yɛ berɛ nen, ɛmɔhɔ so bɛyɔ ye mmorosoɛ kyɛbɔ ɛmɔyɔ ne ala.

1 Tɛsalonikafoɛ 5:14

Afei koso aliɛmaa mɔ, yɛsrɛ ɛmɔ kyɛ, ɛ́mɔbɔ bɛ bɔ bɛnate basabasa nemɔ kɔkɔ, ɛ́mɔkyekye bɛ bɔ b’abasa nu abu nemɔ wora, ɛ́mɔboka bɛ bɔ bayɛ mmerɛ ne, ná ɛ́mɔnya sona biala nwo aboterɛ.

1 Tɛsalonikafoɛ 5:20

nnɛma ɛmɔbu ngɔmhyɛlɛ animtia,

2 Tɛsalonika 3:12

Sɔ mmenia nemɔ, yɛ́hyɛ bɛ wɔ y’Awurade Yesu Kristo dumaa nu, ná yɛtu bɛ foɛ kyɛ, odi kyɛ bɛyɔ b’adwuma konn bɛfa bɛpena bɛ noa aleɛ.

1 Timoteo 2:1

Afei, bɔ oli moa wɔ ye mukoraati nu ɔ, metu foɛ kyɛ, ɔsɛ kyɛ ɛmɔdi ngotosrɛ, mbaeɛbɔlɛ, odima ne asennaa nwo dwumaa bɛma mmenia amukoraa,

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.