Asomafoɛ 15:3 - AHYERƐLƐ KRONGRON

³ Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa.

Asomafoɛ 15:3 Iomraidhean Croise

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Asomafoɛ 13:48

Na mmerɛ bɔ Amaenmaensofoɛ nemɔ bɛtele sɔ dwirɛ nen, ɔyɛle bɛ fɛ, na bɛhyɛle Awurade dwirɛ ne animnyam. Na bɛ bɔ baneanea nu baye bɛ kyɛ benya daa ngoa ne, bele belili.

Asomafoɛ 13:52

Na asuafoɛ nemɔ de, bɛ nye gyele paa, na Sunzum Krongron yili bɛ tɛkyɛ.

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Asomafoɛ 15:12

Mmenia ne amukoraa bɛyɛle dinn, na betiele Banaba ne Pɔɔlo wɔ b’amaneɛ bɔ ɔfa nzɛngyerɛnneɛ ne anwanwadeɛ amukoraa bɔ Nyameɛ afa bɛ so wayɔ wɔ Amaenmaensofoɛ nu ne.

Asomafoɛ 15:22

Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ,

Asomafoɛ 15:32

Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ.

Asomafoɛ 15:4

Na bedwuli Yerusalem nen, asɔre ne ne asomafoɛ nemɔ ne mbanyi nemɔ bɛyɛle bɛ awaawaatuu; na bɛhane bɔ Nyameɛ afa bɛ sɔ wayɔ amukoraa behyirele bɛ.

Asomafoɛ 17:15

Na bɛ bɔ beesomane Pɔɔlo ate ne, bɛfale ye beedwuli Atense, na besa bɛkɔ nen, ɔfale ngraa maa bɛɛmane Silase ne Timoteo kyɛ bɛma bɛ nwo yɛ nyera bɛɛboka ye so.

Asomafoɛ 20:38

na bɔ ɔmane bɛ wora bɔle koraa ole ye dwirɛ bɔ ɔhane kyɛ bengonwu ye ko ne. Na afei beesomane ye ate bedwuli ɛlɛen ne anwo.

Asomafoɛ 21:5

Nakoso yɛ ngyẽa bɔ yɛdi ye berɛ ne sone nen, yɛfili berɛ yɛtoale yɛ ateetulɛ ne aso. Bɛ mukoraa bɛ ne bɛ ye mɔ ne bɛ mma mɔ beesomane yɛ ate maa yɛfili kuro ne anu, na yɛkotole mboanoa berɛ yɛbɔle mbaeɛ yɛ ne yɛ nwo yɛ nwo lili ngraa.

Asomafoɛ 28:15

Rome agyidifoɛ tele yɛ nga nen, bɛwale tonn beeyiale yɛ wɔ Apeɔse dwaanu ɔne nekaa bie bɔ bɛfrɛ ye Ɛwɔfoɛ Sua Nza nu. Na Pɔɔlo nwuni bɛ ne, ɔlale Nyameɛ ase, na ɔmaa ye ahone tɔle ye kunu.

Asomafoɛ 8:14

Asomafoɛ bɔ né bɛwɔ Yerusalem ne, bɛtele kyɛ Samariafoɛ basɔ Nyameɛ dwirɛ ne anu nen, bɛsomane Petro ne Yohane maa bɛhɔle bɛ berɛ.

Romanfoɛ 15:24

Na mekuro kyɛ mebaasẽ mekɔ Sepania a, ngɔwa ɛmɔ berɛ, ná manya ɛmɔ nwo anika mmerɛ kãa, ná afei ɛmɔaboka me maa matoa m’ateetulɛ ne aso mahɔ berɛ.

1 Korintofoɛ 16:11

Nnɛma ebiala bu ye animtia, na mmom ɛmɔgua ye ate asomdwee nu ma osa bra me wa, ofikyɛ menea ye ne aliɛmaa nemɔ ate.

1 Korintofoɛ 16:6

Ebiaa ngɔhyɛ ɛmɔ anwo berɛ kãa, anaa ngoli prakasua ne ɛmɔ berɛ, na afei nziɛ ye ɛmɔaboka me bagua me ate maa mahɔ nekaa bɔ mekɔ ɔ.

2 Korintofoɛ 1:16

Nyɛle kyɛ sɛ mesẽ mekɔ Makedonia a, ahaa ngɔɔpasa ɛmɔ nwo, yeɛ sɛ mvi dɔ mesa meba koso a, masa maapasa ɛmɔ nwo, ná ɛmɔagua m’ate maa mahɔ Yudea.

Tito 3:13

Bɔ mmɔden kyɛ ekogua mmeraa nwo nimdeɛniɛ Sena ɔne Apolo ate; nea kyɛ bengohia hwee ɔ.