Asomafoɛ 15:29 - AHYERƐLƐ KRONGRON

²⁹ Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”

Asomafoɛ 15:29 Iomraidhean Croise

Gyenesise 9:4

Nakoso naen bɔ ye ngoa, bɔ ɔte ye mogya tɛ wɔ ye nu de, nnɛma ɛmɔdi.

Lewitikɔso 17:14

“Ofikyɛ anwoɔnaen biala, ye mogya yeɛ ɔte ye ngoa ɔ; yiti mahã mahyire Yisraelfoɛ kyɛ, Nnɛma ɛmɔdi abɔdeɛ biala ye mogya, ofikyɛ anwoɔnaen biala ye mogya yeɛ ɔte ye ngoa ɔ; na ebiala bɔ okoli mogya ne, odi kyɛ bɛpɛ ye asue.

Luka 9:61

Yeɛ sona foforɛ koso hane kyɛ, “Awurade, ngoli wɔ si, nakoso maa nni moa ngɔngra m’awuro ama koraka.”

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

Asomafoɛ 18:21

Na mmom ɔhrale bɛ kyɛ, “Sɛ Nyameɛ ma ate a, ngosa ngɔwa ɛmɔ wa.” Na ɔfale ɛlɛen fili Ɛfeso hɔle.

Asomafoɛ 21:25

Nakoso Amaenmaensofoɛ bɔ bayɛ agyidifoɛ ne de, yahyerɛ krataa yaama bɛ, na yahyire bɛ y’adwene kyɛ nnɛma bedi bosoen so aleɛ biala, anaakyɛ mogya, anaa kaka biala bɔ wawu ye mogya nu, na afei bɛhwe bɛ nwo befi adwamanbɔlɛ nwo.”

Asomafoɛ 23:30

Afei ndele ye nwo bie kyɛ babɔ ye ti so porɛ bɔ bɛpena ye beku ye ɔ. Ɛhe ati nyɛle m’adwene berɛ ne ala kyɛ bɛfa ye bɛbrɛ wɔ; na mahã mahyire ye kwaadubɔlɛfoɛ nemɔ kyɛ bɛbra wɔ nyunu bɛɛbɔ ye kwaadu.”

2 Korintofoɛ 11:9

Na mmerɛ bɔ me nwo hyerele me wɔ ɛmɔ berɛ ne, mamva m’anwokyere mangua ebiala so, ofikyɛ aliɛmaa mɔ bɔ befi Makedonia bɛwale ne bɛfale nikyee biala bɔ mehia bɛbrɛle me. Yiti kyɛbɔ neane me nwo daa wɔ nikyee biala nu ne, ngɔhɔ so ngɔyɔ ye sɔ ala, na manyɛ ɛmɔ so tɔsom.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

Deuteronomi 12:16

Nakoso ye mogya ne ngome yeɛ nnɛma ɛmɔdi ɔ; hwie gua aseɛnwo kyɛ nzue.

1 Timoteo 5:22

Nnɛpe ndɛen fa wɔ sa gua ebie so, yeɛ nnɛfa wɔ nwo dide ebiemɔ bɔne nu: Ma wɔ bra yɛ sannwuu!

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

1 Yohane 5:21

Me ngwadaa mɔ, ɛmɔhwe ɛmɔ nwo béfi mmosoen nwo.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.