Asomafoɛ 15:24 - AHYERƐLƐ KRONGRON

²⁴ Yate kyɛ yɛ nu biemɔ bɔ nna yɛ yeɛ yɛsomane bɛ ɔ bawa ɛmɔ berɛ baahã edwirɛ bafa babiri ɛmɔ nye so bama ɛmɔ adwene ayɛ ɛmɔ naa.

Asomafoɛ 15:24 Iomraidhean Croise

Yeremia 23:16

Bɔ Asafo AWURADE kã ɛhe: Ngɔmhyɛlɛfoɛ bɔ bɛhyɛ ngɔm bekyire ɛmɔ ne, nnɛma ɛmɔtie bɛ, na bɛlakalaka ɛmɔ. Bɛbɔ bɛ bɔbɔ bɛ ti anu bɛkã nyekyire bɔ nna AWURADE noa dwirɛ ahɔ ɔ.

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Galatiafoɛ 1:7

Nakoso nzɛmba foforɛ biala nne berɛ; na mmom mmenia biemɔ wɔ berɛ bɔ bɛha ɛmɔ, bɔ bɛpena kyɛ bɛsesã Kristo nzɛmba ne ɔ.

Galatiafoɛ 5:10

Mede ɛmɔ medi wɔ Awurade nu kyɛ ɛmɔngonya adwene foforɛ biala. Na mmom ebiala bɔ ɔha ɛmɔ nen, sɛ ɔte nzikyɛ sona po a, okonya ye nwo akatuaa.

Galatiafoɛ 5:12

Na sɛ ɔhale me ngome a, ahaa bɛ bɔ bɛsɛkye ɛmɔ adwene ne atutu bɛ bienzua bo bagua!

Galatiafoɛ 5:4

Ɛmɔ bɔ ɛmɔpena kyɛ bɛfa mmeraa ne aso bebua ɛmɔ be nen, ɛmɔ ne Kristo afia atete, na Nyameɛ adom abɔ ɛmɔ.

2 Timoteo 2:14

Kaye bɛ wɔ nningyein hemɔ nwo, ná bɔ bɛ kɔkɔ wɔ Awurade nyunu, kyɛ nnɛmaa besu edwirɛ mɔ nwo aporowaa bɔ mvasoɛ biala nne so ɔ, ofikyɛ ɔsopa bɛ bɔ betie ne.

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.