Asomafoɛ 15:23 - AHYERƐLƐ KRONGRON

²³ na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye.

Asomafoɛ 15:23 Iomraidhean Croise

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Asomafoɛ 15:2

Ɛhe mane Pɔɔlo ne Banaba bɛne mmenia nemɔ benyane dwudwolɛ besuli aporowaa serɛserɛ wɔ sɔ dwirɛ he anwo. Yiti betuli mmenia kyɛ bɛboka Pɔɔlo ne Banaba so bɛhɔ Yerusalem beenwu asomafoɛ nemɔ ne mbanyi mɔ wɔ sɔ dwirɛ he anwo.

Asomafoɛ 15:22

Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ,

Asomafoɛ 15:4

Na bedwuli Yerusalem nen, asɔre ne ne asomafoɛ nemɔ ne mbanyi nemɔ bɛyɛle bɛ awaawaatuu; na bɛhane bɔ Nyameɛ afa bɛ sɔ wayɔ amukoraa behyirele bɛ.

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 18:18

Na Pɔɔlo tenane berɛ hyɛle kãa, na nziɛ ye ɔne aliɛmaa nemɔ belili ngraa, na ofili berɛ fale ɛlɛen hɔle Siria. Prisila ne Akwila koso bokale ye so bɛne ye hɔle. Pɔɔlo bɔle tikwa, wɔ Kɛnkrea, ɔnate kyɛ né wabɔ anohoba.

Asomafoɛ 21:25

Nakoso Amaenmaensofoɛ bɔ bayɛ agyidifoɛ ne de, yahyerɛ krataa yaama bɛ, na yahyire bɛ y’adwene kyɛ nnɛma bedi bosoen so aleɛ biala, anaakyɛ mogya, anaa kaka biala bɔ wawu ye mogya nu, na afei bɛhwe bɛ nwo befi adwamanbɔlɛ nwo.”

Asomafoɛ 21:3

Yɛdwuli nekaa bie bɔ né yɛ nye tua supɔ Kipro, na yɛyakyili ye yɛ sa bɛen so yɛhɔle Siria. Yɛdwu yɛwale etii so wɔ Tiro, ofikyɛ né bɛye ɛlɛen ne anu nningyein begua berɛ.

Asomafoɛ 23:26

“Me, Klɔdio Lisia yeɛ mekyerɛ krataa he mebrɛ Daasebrɛ amrado Felise ɔ; mebisa wɔ.

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

Galatiafoɛ 1:21

Na ɛhe asi ne, ngɔle Siria ne Kilikia mbɔtam.

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.

2 Yohane 1:10

Sɛ ebiala ba ɛmɔ berɛ nna ottira sɔ ngyerɛkyerɛ ye a, nnɛma ɛmɔsikye ye ɛmɔ awuro anaa nnɛma ɛmɔyɛ ye akwaaba.

2 Yohane 1:13

Eliɛmaa brasua bɔ baneanea nu baye ye ne, ye mma mɔ bébisa ɛmɔ ahye.

2 Yohane 1:3

Baba Nyameɛ ne Ɔwa Awurade Yesu Kristo bɛlo yɛ ná bɛ́ma yɛ asomdwee, ná bénwu yɛ anwumvoin wɔ nahorɛ ne ɔdɔ nu.

3 Yohane 1:14

na mmom ɔngɔhyɛ biala ngonwu wɔ dɔ, ná manwu wɔ nyunu ná yali ngɔmɔ.