Asomafoɛ 15:22 - AHYERƐLƐ KRONGRON

²² Afei asomafoɛ ne, mbanyi nemɔ ne asɔremma ne amukoraa bɛyɛle adwene kyɛ bɛkɔye bɛ nu bie na basoma bɛ maa baboka Pɔɔlo ne Banaba so bahɔ Antiokia. Yiti betuli mmenia nyɔ: Yudase bɔ bɛfrɛ ye Basaba, ɔne Silase bɔ bebu bɛ wɔ agyidifoɛ nemɔ anu kyɛ bɛne bɛ hɔ,

Asomafoɛ 15:22 Iomraidhean Croise

2 Samuel 3:36

Mmenia ne amu tele Dawide noa dwirɛ nen, ɔyɛle bɛ fɛ, kyɛbɔ nikyee biala bɔ Nana Dawide yɔle ne, bɛ mukoraa bɛ nye gyele ye nwo ne.

2 Aberɛso Dwirɛ 30:12

Yeɛ Nyameɛ tumi kanyane Yudafoɛ maa b’adwene yɛle ko kyɛ bɛkɔyɔ bɔ Nana Hesekia ne ye mbanyi bagyina AWURADE dwirɛ so bahyɛ ne.

2 Aberɛso Dwirɛ 30:4

Nana Hesekia ne maen ne amukoraa benwuni kyɛ sɔ nzusuleɛ ne, ɔte paa.

Asomafoɛ 1:23

Yiti besusuli mmenia nyɔ: Yosef bɔ bɛfrɛ ye Basaba bɔ bɛtole ye dumaa Yusto, ɔne Matiase.

Asomafoɛ 11:19

Setefano hunɛ ne asi ne, ayaayaadeɛ bɔ bɛfa bɛyɔle agyidifoɛ ne maa bɛbɔle aya. Ebiemɔ nwatili alaa beefitele Fonikia, Kipro ne Antiokia, na Yudafoɛ ngome yeɛ bɛhane nzɛmba ne behyirele bɛ ɔ.

Asomafoɛ 11:20

Na agyidifoɛ nemɔ bie koso bɔ né bɛwɔ Kipro ne Kirene hɔle Antiokia bɛɛbɔle Awurade Yesu nzɛmba ne dawure behyirele Helafoɛ koso.

Asomafoɛ 11:22

Na Yerusalem asɔre ne tele sɔ dwirɛ ne, yiti bɛsomane Banaba maa ɔhɔle Antiokia.

Asomafoɛ 11:27

Na sɔ mmerɛ ne anu, ngɔmhyɛlɛfoɛ biemɔ fili Yerusalem bɛwale Antiokia.

Asomafoɛ 15:23

na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye.

Asomafoɛ 15:25

Sɔ ne ati, wawa kyɛ yɛ mukoraa yahã yɛ ti yapura, na yatu mmenia kyɛ bɛne yɛ dɔfo Banaba Pɔɔlo,

Asomafoɛ 15:27

Yiti yasoma Yudase ne Silase, na bɛ bɔbɔ bɛkɔhã edwirɛ biala bɔ ɔwɔ krataa ne anu bekohyire ɛmɔ.

Asomafoɛ 15:3

Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa.

Asomafoɛ 15:30

Bɛyakyili ɛbɔfoɛ nemɔ ate, na bedwuli Antiokia nen, bɛmane asɔremma ne amukoraa beyiale, na bɛfale krataa ne bɛmane bɛ.

Asomafoɛ 15:32

Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ.

Asomafoɛ 15:40

nakoso Pɔɔlo de, ɔfale Silase bokale ye nwo so. Agyidifoɛ ne fale Pɔɔlo wurale Awurade adom ne sa, na osili nu hɔle.

Asomafoɛ 16:19

Na mmerɛ bɔ ye mene mɔ nwuni kyɛ b’atee bɔ bɛfa so benya sikaa abɔ bɛ nen, bɛhyele Pɔɔlo ne Silase, na bɛhwene bɛ bɛhɔle mbanyi nyunu wɔ badwa nu.

Asomafoɛ 16:25

Kɔngɔen ne, kɔyɛ abunnamu, né Pɔɔlo ne Silase bɛbɔ mbaeɛ ná bɛto Nyameɛ ayɛyelɛ dwein, na kukunufoɛ ngaa ne tiele bɛ.

Asomafoɛ 16:29

Biaa ne maa bɛfale kanea bɛbrɛle ye, otuli amirika wale sua ne anu dɔ, na ɔfale anwopopolɛ tole ye nwo yele Pɔɔlo ne Silase gya bo.

Asomafoɛ 17:10

Na aleɛ sane pɛ, aliɛmaa nemɔ mane Pɔɔlo ne Silase bɛhɔle Bɛrea. Beedwuli ne, bɛhɔle Yudafoɛ nyianu sua nu.

Asomafoɛ 17:14

Na berɛ ne ala agyidifoɛ ne guale Pɔɔlo ate maa ɔhɔle mboanoa, nakoso Silase ne Timoteo de, bɛhale Bɛrea.

Asomafoɛ 17:4

Bɛ nu biemɔ lele edwirɛ ne lili, na bɛfale bɛ nwo bɛbɔle Pɔɔlo ne Silase; sɔ ala yeɛ Helafoɛ nyamesurofoɛ pee ne mmrasua atitirefoɛ pee koso yɔle ɔ.

Asomafoɛ 18:5

Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne.

Asomafoɛ 8:14

Asomafoɛ bɔ né bɛwɔ Yerusalem ne, bɛtele kyɛ Samariafoɛ basɔ Nyameɛ dwirɛ ne anu nen, bɛsomane Petro ne Yohane maa bɛhɔle bɛ berɛ.

2 Korintofoɛ 1:19

Ofikyɛ Nyameɛ Awa Yesu Kristo bɔ me ne Silwano ne Timoteo yɛhane ye nwo dwirɛ yɛhyirele ɛmɔ ne, ɔnga “Yoo” na wasa wahã “Daabi”; na mmom mmerɛ biala ɔma ye “Yoo” yɛ yoo.

1 Tɛsalonikafoɛ 1:1

Krataa he fi Pɔɔlo, Silwano ne Timoteo berɛ. Yɛfa yɛbrɛ Baba Nyameɛ ne Awurade Yesu Kristo asɔre bɔ ɔwɔ Tɛsalonika ne. Adom ne asomdwee [bɔ ofi yɛ Baba Nyameɛ ne Awurade Yesu Kristo berɛ] ɔyɛ ɛmɔ deɛ.

2 Tɛsalonika 1:1

Krataa he fi Pɔɔlo, Silwano ne Timoteo berɛ, na yɛfa yɛbrɛ Tɛsalonika asɔre ne bɔ ɔte yɛ Baba Nyameɛ ne Awurade Yesu Kristo deɛ ne.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.