Asomafoɛ 15:19 - AHYERƐLƐ KRONGRON

¹⁹ Na Yakobo toale so hane kyɛ, “Me de, mesusu kyɛ, ɔnzɛ kyɛ yɛha Amaenmaensofoɛ bɔ bafa bɛ nwo bama Nyameɛ nen.

Asomafoɛ 15:19 Iomraidhean Croise

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Asomafoɛ 15:10

Na afei, nzu ati yeɛ ɛmɔso Nyameɛ bɛnea na bɛfa nningyein bɔ yɛ ne yɛ nana mɔ yangora ye soa bɛsoa agyidifoɛ ne ɔ?

Asomafoɛ 15:24

Yate kyɛ yɛ nu biemɔ bɔ nna yɛ yeɛ yɛsomane bɛ ɔ bawa ɛmɔ berɛ baahã edwirɛ bafa babiri ɛmɔ nye so bama ɛmɔ adwene ayɛ ɛmɔ naa.

Asomafoɛ 15:28

Na Sunzum Krongron ne yɛ yale yato nu kyɛ, ɔnzɛ kyɛ yɛfa adesoa biala ko yɛsoa ɛmɔ; sana sɔ nningyein hemɔ bɔ bɛ nwo hia ye:

Asomafoɛ 21:21

Na ebiemɔ ahã ahyire bɛ kyɛ ekyirekyire Yudafoɛ amu bɔ bɛwɔ amaenmaen so ne kyɛ nnɛma bedi Mose mmeraa so; ɛnwa nnɛma bɛpɛ bɛ mma bienzua anaakyɛ bedi Yudafoɛ amanneɛ so.

Asomafoɛ 21:25

Nakoso Amaenmaensofoɛ bɔ bayɛ agyidifoɛ ne de, yahyerɛ krataa yaama bɛ, na yahyire bɛ y’adwene kyɛ nnɛma bedi bosoen so aleɛ biala, anaakyɛ mogya, anaa kaka biala bɔ wawu ye mogya nu, na afei bɛhwe bɛ nwo befi adwamanbɔlɛ nwo.”

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Galatiafoɛ 2:4

Na aliɛmaa mɔ ngondombofoɛ bɛfeafeale bɛ nwo bɛwale berɛ bie kyɛ bɛbaatetɛ bɛpena yɛ fawɔnwodi bɔ yanya ye wɔ Kristo Yesu nu ne nwo ate, na bamaa yaawura ngoaasolɛ nu.

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,