Asomafoɛ 15:11 - AHYERƐLƐ KRONGRON

¹¹ Na kyɛbɔ yɛde yɛdi kyɛ ɔnate Awurade Yesu adom so yɛkonya daa ngoa nen, sɔ ala koso yeɛ bɛ deɛ te ɔ.”

Asomafoɛ 15:11 Iomraidhean Croise

Romanfoɛ 3:24

Nyameɛ nate ye adom bɔ ɔfa kyɛ mbaen ne aso obua bɛ be wɔ Kristo Yesu nu ngoalelɛ ne anu.

Romanfoɛ 5:15

Na kyɛbɔ mvomsoɛ ne ɔte ne, nna sɔ yeɛ adom akyɛdeɛ ne ɔte ɔ. Ofikyɛ sɛ ɔnate sona ko bɔne so mmenia pee nyane ewue de a, nzaade né Nyameɛ adom, ɔne ye akyɛdeɛ bɔ ɔwɔ Yesu Kristo nu ne sone maa ɔbo so ma mmenia pee.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

1 Korintofoɛ 16:23

Yɛ Awurade Yesu Kristo adom ne ɛmɔ bɛtena.

2 Korintofoɛ 13:14

Y’Awurade Yesu Kristo adom ne, Nyameɛ dɔ ne, ɔne Sunzum Krongron abiɛngoɛfalɛ ne ɔne ɛmɔ amukoraa bɛtena. Amen.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Galatiafoɛ 1:6

Ɔyɛ me nwanwa kyɛ wangyɛ biala yeɛ ɛmɔtwe ɛmɔ nwo befi ye nwo ɔ, ye bɔ ɔfrɛle ɛmɔ wale Kristo adom ne anu, ná ɛmɔkwaali nzɛmba foforɛ si ɔ.

Galatiafoɛ 2:16

Nakoso yɛse kyɛ ɔnate sona gyidie wɔ Yesu Kristo nu so yeɛ Nyameɛ bua ye be ɔ, na mmom ɔnnate mmeraa ne aso lilɛ. Yɛ koso yale Kristo yali, amaa ɔnate sɔ gyidie ne aso Nyameɛ abua yɛ be, na nna kyɛ mmeraa ne aso lilɛ ti ɔ; ofikyɛ nna mmeraa ne aso lilɛ yeɛ Nyameɛ kɔfa kobua sona biala be ɔ.

Tito 2:11

Ofikyɛ Nyameɛ adom bɔ ɔfa ngoalelɛ brɛ adasa mmaa mukoraa ne, waye ye nwo ali.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,