Asomafoɛ 14:5 - AHYERƐLƐ KRONGRON

⁵ Nziɛ ye, Helafoɛ ne Yudafoɛ biemɔ ne bɛ mbanyi mɔ yɛle adwene kyɛ bɛkɔhyɛ Pɔɔlo ne Banaba anyeborolɛ na baboro bɛ nyɔboɛ.

Asomafoɛ 14:5 Iomraidhean Croise

Edwein 83:5

Bɛyɛ adwene ko bɛbɔ porɛ; bɛyɛ apam betia wɔ:

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

Luka 6:28

Ɛ́mɔyira bɛ bɔ bɛnoma ɛmɔ ɔ, ná ɛ́mɔbɔ mbaeɛ bɛ́ma bɛ bɔ bɛteetee ɛmɔ ɔ.

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Asomafoɛ 14:4

Nakoso kuro berɛ ama nu hyɛle nyɔ; bue ko gyi Yudafoɛ nemɔ si, yeɛ bue ko koso gyi asomafoɛ nemɔ si.

Asomafoɛ 17:5

Nakoso Yudafoɛ bɔ banne banni ne, bɛ nye borole, yiti bɛfale ammɔbrafoɛ kekakekafoɛ biemɔ bɛbokale bɛ nwo so, bɛmane ɛlɔen yiale, na bɛmane kuro berɛ yɛle basabasa. Bɛpɛle Yason sua nwo beyiale, bɔ né bɛpena kyɛ bɛtwe bɛ befite bɛbrɛ ɛlɔen ne ɔ.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.

1 Tɛsalonikafoɛ 2:14

Aliɛmaa mɔ, Nyameɛ asɔre mɔ bɔ bɛwɔ Yudea wɔ Yesu Kristo nu ne, agyirɛ bɔ betuli ne, ebiala yeɛ ɛmɔ koso ɛmɔatu ne; ofikyɛ ɛmɔ koso ɛmɔanwu amaneɛ wɔ ɛmɔ bɔbɔ ɛmɔ mmenia bɛ sa nu, kyɛbɔ Yudafoɛ fa yɛle bɛ koso ne ala.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

1 Tɛsalonikafoɛ 2:2

Na ɔwɔ nu kyɛ yɛlili moa yɛnwuni amaneɛ, ná bɛbɔle yɛ alapaa wɔ Filipi, kyɛbɔ ɛmɔse ne, nakoso yɛsili y’ahone wɔ yɛ Nyameɛ nu kyɛ yɛkɔhã Nyameɛ nzɛmba ne yɛkohyire ɛmɔ, wɔ aberɛ bɔ bɛko betia yɛ ɔ.

2 Timoteo 3:11

ndaneanyeɛ bɔ wato me, m’amaneɛ bɔ ɔtole me wɔ Antiokia, Yikoniom ne Lisetra, ɔne ndaneanyeɛ ahoroɔ bɔ ɔtole me ne; nakoso Awurade lele me fili ye mukoraa nu.