Asomafoɛ 14:4 - AHYERƐLƐ KRONGRON

⁴ Nakoso kuro berɛ ama nu hyɛle nyɔ; bue ko gyi Yudafoɛ nemɔ si, yeɛ bue ko koso gyi asomafoɛ nemɔ si.

Asomafoɛ 14:4 Iomraidhean Croise

Mika 7:6

Ofikyɛ baa bienzua bu seɛ animtia, yeɛ baa brasua dwɔso tia oni; sia brasua dwɔso tia ye sia brasua, sona ye pɔfoɛ mɔ ole ye bɔbɔ deinn ye awuro ama.

Luka 2:34

Na Simeon yirayirale bɛ, na osele oni Maria kyɛ, “Nea, akwadaa he yeɛ bafa ye basie berɛ bama mmenia pee b’asefinɛ ne bɛ dwɔsolɛ wɔ Yisrael ɔ, ɔne sɛngyerɛnneɛ bɔ mmenia bekodwudwo bekotia

Yohane 7:43

Na ɔnate ye ti mmenia ne anu hyehyɛle.

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 14:14

Na mmerɛ bɔ Banaba ne Pɔɔlo tele sɔ dwirɛ nen, besunzuale bɛ ndaadeɛ nu; betuli amirika bɛhɔle mmenia ne anu, na bɛteateane nu kyɛ,

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Asomafoɛ 14:5

Nziɛ ye, Helafoɛ ne Yudafoɛ biemɔ ne bɛ mbanyi mɔ yɛle adwene kyɛ bɛkɔhyɛ Pɔɔlo ne Banaba anyeborolɛ na baboro bɛ nyɔboɛ.

Asomafoɛ 19:9

Nakoso ebiemɔ yɛle asoserɛ, banne dwirɛ ne banni, na bɛhane musue dwirɛ betiale Atee ne wɔ mmenia wora ne nyunu. Yiti ɔyakyili bɛ berɛ, ɔfale agyidifoɛ ne bokale ye nwo so; na daa biala ɔyɛle ngyerɛkyerɛ wɔ ebie bɔ bɛfrɛ ye Tirano sukuu sua nu.

Asomafoɛ 28:24

Bɛ nu biemɔ lele bɔ ɔhane ne lili, nakoso ebiemɔ de, banne banni.

1 Korintofoɛ 9:5

Aso yɛlle ye nwo ate kyɛ yɛne aliɛmaa brasua bɔ ɔte yɛ ye tu atee, kyɛbɔ asomafoɛ ngaa nemɔ ne Awurade aliɛma mɔ ne Kefa bɛyɔ ne?

1 Tɛsalonikafoɛ 2:14

Aliɛmaa mɔ, Nyameɛ asɔre mɔ bɔ bɛwɔ Yudea wɔ Yesu Kristo nu ne, agyirɛ bɔ betuli ne, ebiala yeɛ ɛmɔ koso ɛmɔatu ne; ofikyɛ ɛmɔ koso ɛmɔanwu amaneɛ wɔ ɛmɔ bɔbɔ ɛmɔ mmenia bɛ sa nu, kyɛbɔ Yudafoɛ fa yɛle bɛ koso ne ala.