Asomafoɛ 14:22 - AHYERƐLƐ KRONGRON

²² na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 14:22 Iomraidhean Croise

Yesaya 35:3

Asaa bɔ nu ayɛ bɛtɛɛ ne, ɛ́mɔma nu yɛ se, yeɛ nangoroma bɔ nu ayɛ hodwoo ne, ɛ́mɔmiamia nu.

Mateo 10:38

Na ebiala bɔ ɔmva ye mmeamudua ná onni me si nen, ɔmvata me.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Mateo 19:24

Mekã mekyire ɛmɔ bieku kyɛ, ɔyɛ mmerɛ ma afupɔngɔ kyɛ okowura drɔwaa bɔen nu tra kyɛ esikaniɛ kɔhɔ Nyameɛ ahennie ne anu ɔ.”

Marko 10:30

bɔ ongonya sua mɔ, ne aliɛmaa mmienzua, ne aliɛmaa mmrasua, ne niɛ mɔ, ne mmaa, ne aseɛ mɔ mmɔhoɛ ɛyaa, bɔ ndaneanyeɛ koso boka so, wɔ kekesaala ye wiase ye anu ɔ; ɔne daa ngoa wɔ wiase bɔ ɔ́ba ne anu ɔ.

Marko 9:47

Sɛ wɔ nye to wɔ sundidua a, tu to. Ɔte paa ma wɔ kyɛ ɛkɔfa anyeɛ ko kɔhɔ Nyameɛ ahennie nu tra kyɛ wɔ nye te nyɔ, ná bekogyi wɔ bɛkɔto amaneɛnwunɛ see nu ɔ,

Luka 24:26

Aso né onhia kyɛ Kristo ne onwu sɔ amaneɛ ne koraka ná wahɔ ye animnyam nu hɔ ɔ?”

Yohane 15:18

“Sɛ wiase pɔ ɛmɔ a, ɛ́mɔnwu ye kyɛ wali moa wapɔ me koraka yeɛ ɔpɔ ɛmɔ ɔ.

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 11:26

Na onwuni Sɔɔlo nen, ɔfale ye wale Antiokia. Bɛ munyɔ bɛ ne Antiokia asɔremma ne bɛtenane afoɛ ko mumua, na bɛyɛle ngyerɛkyerɛ behyirele mmenia pee. Na Antiokia berɛ yeɛ belili moa bɛfrɛle agyidifoɛ nemɔ Akristofoɛ ɔ.

Asomafoɛ 11:29

Yiti asuafoɛ nemɔ yɛle kyɛ bɛ nu biala ɔkekã ye sa ase kãa kyɛbɔ ɔkɔhora ɔ, ná bɛfa bɔ bekonya ye ne bɛɛboka aliɛmaa mɔ bɔ bɛwɔ Yudea ɔ.

Asomafoɛ 13:43

Na mmenia bɔ bɛwɔ nyianu sua ne anu ne, bɛpɔnone ná bɛpakyepakyele nu ne, Yudafoɛ pee ne Amaenmaensofoɛ pee bɔ basɔ Yudasom nu ɔ belili Pɔɔlo ne Banaba si; na asuafoɛ nyɔ ne tuli bɛ foɛ kyɛ bɛhɔ so bɛfa bɛ nwo bɛto Nyameɛ adom ne aso.

Asomafoɛ 14:20

Nakoso mmerɛ bɔ asuafoɛ nemɔ pɛle ye nwo yiale ne, odwɔsole, na osa hɔle kuro ne anu. Na aleɛ hyene ne, ɔne Banaba befili berɛ bɛhɔle Dɛɛbi.

Asomafoɛ 14:28

Na bɛne asuafoɛ nemɔ bɛtenane berɛ bɛhyɛle.

Asomafoɛ 15:32

Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ.

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 18:23

Ɔhyɛle berɛ kãa, na afei ofili berɛ oohyinini Galatia ne Frigyea mbɔtam hyɛle asuafoɛ nemɔ amukoraa nguraen.

Asomafoɛ 6:7

Nyameɛ dwirɛ ne hɔle so trɛle; agyidifoɛ bɔ bɛwɔ Yerusalem yɛle pee; asa koso Yuda asɔfo pee bɛɛbokale agyidifoɛ nemɔ aso.

Asomafoɛ 9:16

Na ngohyire ye amaneɛ bɔ me dumaa ti odi kyɛ onwu ye ɔ.”

Romanfoɛ 8:17

Na sɛ yɛte Nyameɛ mma de a, ye de yɛle agyapadeɛ, yɛle agyapadeɛ wɔ Nyameɛ nu, yɛne Kristo yɛbɔ nu yɛle agyapadeɛ; nakoso sana yɛne ye nwu amaneɛ koraka, amaa ɔnate so bahyɛ yɛ ne ye animnyam.

1 Korintofoɛ 1:8

Ye yeɛ okogyina ɛmɔ si pindinn koodwu ayieleɛ, amaa ɛmɔanni nikyee biala nwo fɔ wɔ y’Awurade Yesu Kristo kyẽa ne.

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

2 Timoteo 1:8

Yiti nnɛma y’Awurade adanzeɛlilɛ ne ɔyɛ wɔ nya, anaa me bɔ nde ye kukununiɛ ne me nwo yɛ wɔ nya; na mmom nya kyɛfa wɔ nzɛmba ne nwo amaneɛnwunɛ nu, kyɛbɔ Nyameɛ tumi ɔte ne.

2 Timoteo 3:12

Amba, sona biala bɔ ɔpena kyɛ ɔbɔ bra bɔ ɔsɔ anyeɛ wɔ Kristo Yesu nu ne, bɛkɔtane ye nye.

1 Petro 2:21

Na ɛhe ati yeɛ bɛfrɛle ɛmɔ ɔ, ofikyɛ ɔnate yɛ ti Kristo koso nwuni amaneɛ, na ɔfa yɛle nhwɛsoɛ mane yɛ, kyɛ ɛmɔ koso ɛ́mɔtu ye agyirɛ ne bie.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

1 Petro 5:9

Ɛ́mɔgyina pindinn wɔ gyidie nu bɛ́fa bési ye ate, ofikyɛ ɛmɔse kyɛ bafa sɔ amaneɛnwunɛ ne bato ɛmɔ aliɛma mɔ bɔ bɛwɔ ewiase amukoraa ɔ so, kyɛ bɛ koso benwu bie.

2 Petro 1:11

Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.

Yuda 1:3

Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.